Somizi Mhlongo
Somizi Buyani Mhlongo (o hlahile ka la 23 Tshitwe 1972) ke motho wa boraditaba wa Afrika Borwa, sebohodi sa thelevishene, sebapadi, setsebi sa danse le motho ya tummeng setjhabeng. Ka 1992, o ile a hlaha filiming ya mmino le ya dipolotiki, Sarafina! e ileng ya mo etsa hore a hlahelle ka mahetla. Mhlongo o bile setsebi sa danse se etelletseng pele mekete le mananeho a mangata, ho kenyeletswa mekete ya ho bula le ho kwala Mohope wa Lefatshe wa FIFA wa 2010 le Mohope wa Dinaha tsa Afrika wa 2013.[1]
Ka mora hore a hlahelle e le sebapadi le ho nka karolo danseng ya Sarafina!, Mhlongo o boetse a hlaha difiliming tse mmalwa, ho kenyeletswa le filimi ya drama e bitswang Cry, The Beloved Country (1995) hammoho le mananeo a fapaneng a thelevishene a kenyeletsang Idols South Africa le V Entertainment.[2]
Bophelo ba pele
[fetola | fetola mohloli]Somizi Buyani Mhlongo o hlahile ka la 23 Tshitwe 1972, Soweto, toropong e kgolo ka ho fetisisa Johannesburg, ke mora wa sebapadi sa Afrika Boroa Mary Twala le sebapadi le metlae Ndaba Mhlongo.[3] Ka lebaka la tshusumetso ya batswadi ba hae, o ile a qala ho ho tsebahala indatsering ya boithabiso a sa le monyenyane dilemong. O ne a na le ngwanabo wa moshemane a le mong, Archie, ya ileng a hlajwa ka thipa ka 1985.[4]
- ↑ https://hostziza.com/somizi-mhlongo-biography/#google_vignette
- ↑ https://www.timeslive.co.za/tshisa-live/tshisa-live/2017-07-31-somizi-and-nomuzi-score-gig-on-revamped-v--entertainment/#google_vignette
- ↑ https://www.iol.co.za/entertainment/celebrity-news/local/somizis-parents-ndaba-mhlongo-and-mary-twala-hailed-as-the-greatest-thespians-of-all-time-e1497baa-b01f-4ac9-b730-412e966202e2
- ↑ https://www.timeslive.co.za/tshisa-live/tshisa-live/2017-08-08-i-couldve-warned-him-if-i-had-spoken-out-somizi-on-brothers-death/