Autonavigation

AS SPREEKEN
Ju Äide mäd do GPS-Satellite, do deer uumetou traale. Beoachtje, wo ju Taal fon Satellite do me tougliek sjo kon, sik aal annert. Dät wäd hier ap älke Moment - so as ju Äide sik troalt - roat foar 45° Nouderbratte in blau.

Autonavigation moaket dät muugelk, altied tou bestimmen wier me is. Dät oarbaidet mäd dät GPS (Global Positioning System), wät Funksignoale fon spezielle Satellite benutset. Do seende immer gans seküür hiere Position un ju Tied fon ju Seendenge. Ju Navigationsreewe ämpfangt sun Signoal, sjucht ap ju Klokke wo loang dät Signoal unnerwains weesen is un kon dan mäd ju gans bekoande Funkgauegaid bereekenje, wo fier die Satellit wäch is.

Wofuul Satellite?

[Beoarbaidje | beoarbaidje Wältext]

Wan me nu in dät Auto mäd sun Reewe fiert, un me ämpfangt aan Satellit die der buppe Lier is un n uuren buppe Ait, dan weet me also, wo fier me fon Ait is un wo fier fon Lier un deermäd sunt do two muugelke Steeden fon dät Auto ap dät flache Lound gans genau bestimd.

Uum nu tou wieten, wäkke fon do two ju gjuchte Steede is, bruukt me also noch n trääden Satellit, t.B. buppe Twiskenoan. Deermäd kon dan tougliek uk ju Hööchte feroarbaided wäide, sodät me deermäd uk in do Bierge fiere kon. Eegentelk rakt dät bie tjo Satellite uk noch n twäiden Punkt, man die fint sik twäie so hooch as do Satelliten buppe ju Äiduurfläche un is deeruum in dän Autoferkier uunmuugelk. Deermäd houget me also nit tou reekenjen.

Deeruum dät ju Navigationsreewe gans genau ju Tied wiete mout, bruukt me deerfoar uk noch n fjooden Satellit. Wil me dan intwiske ju oaine Loage weet, kon me hieren Oustand uunouhängich bestimme un deermäd ju Tied fon Ämpfang, dät is daach Tied fon Seendenge plus Raiseduur fon dät Signoal. (Fonsälwen weet me dät eerste Moal ju Tied un ju oaine Loage dan nit genau, man truch automatiske Wierhoalenge kumt me aal tichter bie dän gjuchte Wäid).

Ju Navigationsreewe

[Beoarbaidje | beoarbaidje Wältext]
Ne Navigationsreewe (TomTom One)

Ju is, ju dät muugelk moaket. Ju säkt automatisk ap älke Moment do stäärkste Satellite, bereekent ju Position un ju Fiergjuchte un wiest dät dan aal ap n litje Schirm in Foarm fon ne tjodimensionoale Koarte. Deerbie wiest ju dan uk noch ju Gauegaid, un wo loange dät noch is ätter dän foulgjende Ousleek.

Me kon deer sogoar ju Adrässe ounbrange, wier me wai wol un dan wäd me deer gans fluch foar de Doore oulääwerd, bit ap eenige Meetere gnau! Sogoar kon me sik wiese läite wier Staue sunt un wier Gauegaidskontrollen (duur me nit!).

Wan me moal fon dän ounroate Wai ouwiekt, dan fangt ju Reewe fluks wier oun, do näie Doaten tou ferreekenjen. Dät duurt oafte n poor Minuten, deeruum dät dan do annaierjende Bereekengen fon näien uutfierd wäide mouten.

Koarten

[Beoarbaidje | beoarbaidje Wältext]

Uum tou wiesen wier me sik mäd ju so bestimde Position befint, änthaalt ju Navigationsreewe elektroniske Koarten. Bie ne goude Marke kon me deer oafte näie foar deelleede, so dät aal do Annerengen in dät Weegesystem fluks mee apnuumen wäide.

Sjuch uk

[Beoarbaidje | beoarbaidje Wältext]

Ferbiendengen atter buuten

[Beoarbaidje | beoarbaidje Wältext]