Bubur hayam

Bubur hayam
Bubur hayam
BagéanUtama, pikeun sarapan atawa dahar peuting, wanci tengah peuting.
Tempat asalIndonesia
Wewengkon atawa nagaraSunda, Nasional
Nu nyiptakeunBerasal dari Masakan Tionghoa-Indonesia
Suhu pidanganPanas
Bahan utamaBubur kalawan daging hayam
Informasi lian165 kalori [1]
Cookbook:Bubur hayam  Bubur hayam

Bubur hayam (basa Indonésia: Bubur ayam) nyaéta salah sahiji kadaharan anu ilahar di wewengkon pasundan, umum ogé di sakuliah Indonésia. Bubur sangu téh béas nu diasakan kalawan cai anu ngumplang sangkan béas téh jadi méyéték caian. Bubur ilaharna disuguhkeun keur panas kénéh atawa haneut. Mantak dingaranan bubur hayam téh alatan dipurulukan ku keureutan daging hayam jeung samara kayaning kécap asin jeung kécap amis, pedes, uyah, sakapeung mah dikalduan. Bubur dipurulukan daun bawang, goréng bawang, salédri, goréng kacang kedelé, sarta kurupuk. Deuih sok aya nu ditambahan ku keureutan goréng haté-hampela, karokét atawa saté peujit. 

Ari bubur hayam sok jadi menu pikeun nyarap, ngan bubur hayam mah saenyana bisa didahar iraha baé. Lian pikeun nyarap, bubur hayam gé sok didahar minangka dahar peuting, didaharna haneut-haneut. Ku sabab wangunna nu biyé, bubur hayam jadi pilihan pikeun kadaharanna orok, barudak leutik atawa nu keur gering.

Nyuguhkeunna

[édit | édit sumber]

Loba macemna ieu bubur hayam téh, ngan nu guyubna mah nya bubur hayam nu disuguhkeunna jeung keureutan daging hayam, salédri, dipurulukan goréng bawang beureum, tuluy dipurulukan kurupuk meunang ngawejek ku leungeun. Ari kécap asin, kécap amis jeung pedes minangkana mah panambah rasa nu ruket pisan patalina jeung ieu kadaharan.[2] Salédri jeung goréng kacang kedelé ogé geus ilahar dina nyuhugkeun bubur hayam sangkan wajib aya.

Bubur hayam gampang manggihanana di sakuliah Indonésia, ti mimiti nu ngolah di imah séwang-séwangan, tuluy aya nu diider dina gorobag, atawa dijual diréstoran. Ku lobana jalma nu mikaresep ieu kadaharan, tukang dagang bubur hayam biasana boga ideu atawa kréasina séwang-séwangan, misalna bubur hayam Sukabumi biasanya menambahkan endog hayam kampung atah nu dicecebkeun kana bubur panas sangkan jadi satengah asak. Bubur hayam Tegal nu nyuguhkeun kuah bungbu konéng nu has sakumaha olahan ti wewengkon Tegal. Saté peujit, haté jeung hampela hayam biasana ditambahkeun minangka panambah. Da saenyana ari bubur hayam mah bisa ditambahkeun kadaharan séjén kumaha karep urang.

Referensi

[édit | édit sumber]
  1. ↑ (id) "Sarapan (Pkl 06.00-08.30)" (HTML). Diakses tanggal 2012-07-21. [tumbu nonaktif]
  2. ↑ (Indonesia) "Resep Bubur Ayam Cina" (HTML). Diakses tanggal 2012-07-21.  Archived 2012-06-29 di Wayback Machine
Artikel ngeunaan dahareun jeung inuman ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.