Cakung

Cakung

Cakung atawa katak pohon (Polypedates macrotis) nyaéta bangkong leutik anu hirup dina tatangkalan ilaharna kelirna héjo tapi aya ogé anu coklat.[1] Dampal sukuna mibanda bagéan anu bisa naplok kana tangkal nu matak cakung bisa luluncatan dina dahan atawa dangdaunan kalawan henteu tisolédat atawa ragrag.[1] Gerakanana lincah ogé luncatna jauh malahan sok disangka hiber, bisa ngarayap dina daun jeung dahan anu leuleus kalayan gampil, cakung gampil pisan nyumput tur henteu katembong ku musuhna.[2] Cakung bisa lolondokan (kamuflase) nyaluyukeun kelir awakna jeung kaayaan disabudeureunana.[2]


Ciri mandiri

[édit | édit sumber]
  1. Ramo-ramo dina suku anu tukang mibanda selaput/membran mangpaatna pikeun mantuan ngalayang di luhur mangsa keur luncat pindah tempat.[3]
  2. Pangawakan katémbong leuwih begang jeung panjang, kulitna lemes tur leucir[3]
  3. Suku anu tukang leuwih panjang tur kuat ti batan anu hareupna.[3]
  4. Hirupna nokturnal, mimiti liar mangsa geus datang peuting, nyiar hakaneun ngandelkeun panénjona anu seukeut.[2]
  5. Cakung mah tara nginum, kabutuhan cai kacukupan tina kulit tonggongna.[2]
  • Cakung dina tangkal
    Cakung dina tangkal
  • Luhureun daun
    Luhureun daun
  • Cakung ti susukan Citarum
    Cakung ti susukan Citarum

Dicutat tina

[édit | édit sumber]
  1. ↑ a b Shadily, M.A, Hassan (1973). Ensiklopedi Umum. Jakarta: Kanisius. ISBN 9789794135228. 
  2. ↑ a b c d Gui, Sema (2007). Hewan Yang Hidup di Darat. Jakarta: Yudhistira Ghalia Indonesia. ISBN 9789790190214. 
  3. ↑ a b c Sari, S.Si., Mayang (2011). 500++ Fakta Paling Wow di Dunia. Jakarta: Cmedia. ISBN 9786028596282. 
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.



Wikimedia Commons logo
Wikimedia Commons logo
Wikimedia Commons mibanda média séjénna ngeunaan