Ki asahan

Ki Asahan
Daun jeung kembang ki asahan
Klasifikasi ilmiah
Karajaan:
Plantae
Ordo:
Dilleniales
Kulawarga:
Dilleniaceae
Génus:
Tetracera

Ki Asahan; Areuy ki asahan; Tetracera dichotoma; nyaéta hiji tangkal nu asalna tina kulawarga Dilleniaceae.[1] Ki asahan kapanggih hirup nyebar di pulo-pulo: Sumatra, Jawa, Madura, jeung Bangka. [2] Ki asahan kapanggih ogé hirup nyebar disababaraha nagara kayaning: Myanmar, Thailand kidul, Malaysia jeung Indo China.[2] [3][4]

Habitat

[édit | édit sumber]

Ki asahan kapanggih hirup kalawan subur dina taneuh nu kaayaana dina 600 mdpl.[2] Tangkal ki asahan hirup di daérah nu negrak katojo ku panon poé, remen kapanggih hirup di sisi leuweung sakapeung hirup dina tegalan atawa huma nu réngse dibabad, utamana huma nu teu kaurus.[2]

Ciri mandiri jeung kagunaan

[édit | édit sumber]

Ki asahan hirupna ngarungkun, tangkalna paparengkolan henteu ajeg sanajan kasebut na tangkal, tapi tangkal ki asaham mibanda ciri mandiri.[2] Tangkalna sok meulit kana tangkal séjén nu pareng hirup padeukeut meulit kawas areuy, ku kituna ki asahan remen ogé disebut areuy ki asahan.[2] Daun nu geus garing karasa keusrak kawas hampelas, sok dimangpaatkeun pikeun ngagosok ukiran, carangka bedog, pérah bedog, jeung sajabana.[2] Tangkalna sok dimangpaatkeun pikeun tali, kayaning nalian pager, suluh, nyieun bendungan di wahangan, jeung sajabana.[5]

Dicutat tina

[édit | édit sumber]
  1. ↑ "The Plant List". A Working list of all plant species. 15. Feb 2020. Diakses tanggal 15. Feb 2020.  Archived 2020-01-22 di Wayback Machine
  2. ↑ a b c d e f g "Flickr". Kumpulan poto-poto. 15. Feb 2020. Diakses tanggal 15. Feb 2020. 
  3. ↑ Quattrocchi, Umberto (2012). CRC World Dictionary of Medicinal and Poisonous Plants: Common Names, Scientific Names, Eponyms, Synonyms, and Etymology (5 Volume Set). Bandung: CRC Press. p. 3701. ISBN 9781420080445. Diakses tanggal 14 Februari 2020. 
  4. ↑ Bataviaasch Genootschap van Kunsten en Wetenschappen, Umberto (2010). Verhandelingen van het Koninklijk Bataviaasch Genootschap van ..., Volume 29. Batavia: Perpustakaan Negeri Bavarian. p. 23. ISBN 9781420080445. Diakses tanggal 14 Februari 2020. 
  5. ↑ Bataviaasch Genootschap van Kunsten en Wetenschappen, Umberto (2010). Verhandelingen van het Koninklijk Bataviaasch Genootschap van ..., Volume 29. Batavia: Perpustakaan Negeri Bavarian. p. 23. Diakses tanggal 14 Februari 2020. 
Wikimedia Commons mibanda média séjénna nu patali jeung Ki asahan .
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.