சல்மா கதுன்

சல்மா கதுன் (Salma Khatun பிறப்பு: அக்டோபர் 1, 1990, குல்னா, வங்காளதேச ) வங்காளதேசத் துடுப்பாட்ட அணியின் வீரர் ஆவார். வலதுகை மட்டையாளரான இவர் வலதுகை சுழற் பந்துவீச்சாளராகவும் செயல்படுகிறார். மேலும் இவர் வங்காளதேச பெண்கள் துடுப்பாட்ட அணியின் தலைவராகவும் உள்ளார்.^[1] அனைத்துக் காலத்திற்குமான சிறந்த பெண் துடுப்பாட்ட வீரர்களில் ஒருவராகவும் இவர் அரியப்படுகிறார்.^[2] இவர் வங்காளதேசத் துடுப்பாட்ட அணிக்காக ஒருநாள் பன்னாட்டுத் துடுப்பாட்டம் மற்றும் பன்னாட்டு இருபது20 ஆகிய போட்டி வடிவங்களில் விளையாடி வருகிறார்.

ஆரம்பகால வாழ்க்கை மற்றும் பின்னணி

சல்மா கதுன் அக்டோபர் 1, 1990 அன்று வங்காளதேசத்தின் குல்னாவில் பிறந்தார். இவர் முதலில் குல்னாவில் சிறுவர்களுடன் துடுப்பாட்ட விளையாடத் தொடங்கினார். இவர் இம்தியாஸ் ஹொசைன் பிலு எனும் பயிற்சியாளரின் கீழ் பயிற்சி பெற்றார்.

தொழில்

ஆசிய விளையாட்டுக்கள்

சீனாவின் தேசிய மகளிர் துடுப்பாட்ட அணிக்கு எதிராக 2010 ல் ஆசிய விளையாட்டு பெண்கள் துடுப்பாட்டப் போட்டியில் வங்காளதேச பெண்கள் அணி வெள்ளி பதக்கம் வென்று வரலாற்று சாதனை படைத்தது. சீனாவின் குவாங்சோவில் நடந்த ஆசிய விளையாட்டுப் போட்டிகளில் ருமனா அணியின் சார்பாக இவர் பங்கேற்றார் ^[3][4] அந்தப் போட்டித் தொடரில் இவர் மட்டையாட்டம் மற்றும் பந்துவீச்சு ஆகிய இரண்டிலும் பங்கெடுத்தார்.^[5]

சர்வதேசப் போட்டிகள்

ஒருநாள்

2011 ஆம் ஆண்டில் ஐசிசி பெண்கள் உலகக் கோப்பைத் துடுப்பாட்டத் தொடருக்கான தகுதிச் சுற்றில் நவம்பர் 26 இல் சாவரில் அயர்லாந்து பெண்கள் துடுப்ப்பாட்ட அணிக்கு எதிரான ஒருநாள் பன்னாட்டுத் துடுப்பாட்டப் போட்டியில் இவர் அறிமுகமானார்.

2019 ஆம் ஆண்டில் வங்காளதேச பெண்கள் துடுப்பாட்ட அணி பாக்கித்தானில் சுற்றுப் பயணம் செய்து விளையாடியது. நவமபர் 4, லாகூரில் நடைபெற்ற பாக்கித்தான் துடுப்பாட்ட அணிக்கு எதிரான ஒருநாள் பன்னாட்டுத் துடுப்பாட்டப் போட்டியில் இவர் 9.2 ஓவர்கள் வீசி 36 ஓட்டங்களை விட்டுக் கொடுத்தார். இதில் 2 ஓவர்களை மெய்டனாக வீசி இரு இலக்குகளைக் கைப்பற்றினார்.பின் மட்டையாட்டத்தில் 8 பந்துஇகளைச் சந்தித்து ஓர் ஓட்டம் எடுத்து பிஸ்மா மரூஃப் பந்துவீச்சில் இவர் ஆட்டமிழந்தார்.^[6]

இருபது20

சல்மா நவம்பர் 26, 2011 அன்று அயர்லாந்து மகளிர் துடுப்பாட்ட அணிக்கு எதிராக பன்னாட்டு இருபது20 போட்டியில் இவர் அரிமுகமானார். 2018 ஆம் ஆண்டில் நடைபெற்ற பெண்கள் ஆசியக் கோப்பைத் தொடரில் இவர் வங்காளதேச பெண்கள் அணி சார்பாக விளையாடினார். மேலும் அந்தத் தொடரில் வங்காளதேச அணி கோப்பையினை வென்றது. ஆசியக் கோப்பையில் வங்காளதேச பெண்கள் அணி கோப்பையினை வெல்வது இதுவே முதல் முறையாகும்.^[7] அதே மாதத்தின் பிற்பகுதியில், 2018 ஐ.சி.சி மகளிர் உலக இருபதுக்கு -20 தகுதிப் போட்டிக்கு பங்களாதேஷின் தலைவராக தேர்வு செய்யப்பட்டார்.^[8]

அக்டோபர் 2018 இல், மேற்கிந்தியத் தீவுகளில் நடைபெற்ற 2018 ஐசிசி மகளிர் உலக இருபதுக்கு -20 போட்டிக்கான வங்காளதேச அணியின் தலைவனாகத் தேர்வு செய்யப்பட்டார்.^[9][10] இந்தத் தொடரில் நான்கு போட்டிகளில் விளையாடி ஆறு இலக்குகளைக் கைப்பற்றினார். இதன்மூலம் அத்கிக இலக்குகளைக் கைப்பற்றிய வங்காளதேச வீரர்கள் வரிசையில் முதலிடம் பெற்றார்..^[11]

ஆகஸ்ட் 2019 இல், ஸ்காட்லாந்தில் நடைபெறும் 2019 ஐ.சி.சி மகளிர் உலக இருபதுக்கு -20 தகுதிப் போட்டிக்கான வங்காளதேச அணியின் தலைவராக இவர் தேர்வு செய்யப்பட்டார்.^[12][13]

குறிப்புகள்

1. "Khatun to lead Bangladesh in Women's T20 Asia Cup". bdnews24.com.
2. "Bangladesh eve team lose to SA in 1st ODI - Click Ittefaq". Click Ittefaq. Archived from the original on 2015-07-01. பார்க்கப்பட்ட நாள் 2019-11-12.
3. "এশিয়ান গেমস ক্রিকেটে আজ স্বর্ণ পেতে পারে বাংলাদেশ". The Daily Sangram. Archived from the original on 2014-02-26.
4. nadim. "বাংলাদেশ মহিলা ক্রিকেট দলের চীন সফর". khulnanews.com. Archived from the original on 2014-02-22.
5. "7 Star of the year for Bangladesh in Sports - Top seven Bangladeshi Sports personalities". dhakanews.info.
6. "Full Scorecard of Pakistan Women vs Bangladesh Women 2nd ODI 2019 - Score Report | ESPNcricinfo.com". ESPNcricinfo (in ஆங்கிலம்). பார்க்கப்பட்ட நாள் 2019-11-12.
7. "Bangladesh name 15-player squad for Women's Asia Cup". International Cricket Council. பார்க்கப்பட்ட நாள் 31 May 2018.
8. "ICC announces umpire and referee appointments for ICC Women's World Twenty20 Qualifier 2018". International Cricket Council. பார்க்கப்பட்ட நாள் 27 June 2018.
9. "Media Release: ICC WOMEN'S WORLD T20 WEST INDIES 2018: Bangladesh Squad Announced". Bangladesh Cricket Board. Archived from the original on 9 அக்டோபர் 2018. பார்க்கப்பட்ட நாள் 9 October 2018.
10. "Bangladesh announce Women's World T20 squad". International Cricket Council. பார்க்கப்பட்ட நாள் 9 October 2018.
11. "ICC Women's World T20, 2018/19 - Bangladesh Women: Batting and bowling averages". ESPN Cricinfo. பார்க்கப்பட்ட நாள் 19 November 2018.
12. "Bangladesh name 14-member squad for ICC T20 World Cup Qualifier 2019". International Cricket Council. பார்க்கப்பட்ட நாள் 11 August 2019.
13. "Captains ready for Women's T20 World Cup Qualifier". International Cricket Council. பார்க்கப்பட்ட நாள் 28 August 2019.