ஜேம்சு பின்னி

ஜேம்சு ஜே. பின்னி
James J. Binney

பேரா. ஜேம்சுபின்னி, முதல் ஒக்காமா விவாதம், டி. எசு. எலியட் விரிவுரை அரங்கம், மெர்ட்டன் கல்லூரி, ஆக்சுபோர்டு, 2013, மே13
பிறப்பு	(1950-04-12)12 ஏப்ரல் 1950 Surrey, UK[1]
Alma mater	கேம்பிரிட்ஜ் பல்கலைக்கழகம் ஆக்சுபோர்டு பல்கலைக்கழகம்
துறை ஆலோசகர்	டென்னிசு சியாமா
முக்கிய மாணவர்	பிறையான் கிரீன்
அறியப்பட்டது	கோட்பாட்டுப் பால்வெளி, புறப்பால்வெளி வானியற்பியல்

ஜேம்சு ஜெப்ரி பின்னி (James Jeffrey Binney) (பிறப்பு; ஏப்ரல் 12,1950) ஒரு பிரித்தானிய வானியற்பியலாளர் ஆவார். அவர் ஆக்சுபோர்டு பல்கலைக்கழகத்தில் இயற்பியல் பேராசிரியராகவும் , கோட்பாட்டு இயற்பியல் துணைத் துறையின் முன்னாள் தலைவராகவும் , மெர்ட்டன் கல்லூரியின் தகைமை ஆய்வுறுப்பினராகவும் உள்ளார். பின்னி கோட்பாட்டுப் பால்வெளி, புறப்பால்வெளி வானியற்பியலில் தனது பணிக்காக முக்கியமாக அறியப்படுகிறார் , இருப்பினும் அவர் வானியற்பியலுக்கு வெளியே உள்ள அறிவியல்பகுதிகளுக்கும் பல பங்களிப்புகளை வழங்கியுள்ளார்.

கல்வியும் தொழிலும்

பின்னி 1971 இல் கேம்பிரிட்ஜ் பல்கலைக்கழகத்தில் கணித டிரிபோஸில் முதல் வகுப்பு பி. ஏ. பட்டம் பெற்றார் , பின்னர் ஆக்சுபோர்டு பல்கலைக்கழகத்திற்குச் சென்று டென்னிசு சியாமாவின் கீழ் கிறிஸ்து தேவாலயத்தில் டிஃபில் படிப்பை 1975 இல் முடித்தார். 1983 - 87 ஆம் ஆண்டிலும் , 1989 ஆம் ஆண்டு இலையுதிர்காலத்திலும் பிரின்சுடன் உயர் ஆய்வு நிறுவனத்தில் வருகைதரு அறிஞராக இருந்தார்.^[2] மாகிதலன் கல்லூரியிலலிளநிலை ஆய்வுறுப்பினர்,பிரின்சுடன் பல்கலைக்கழகத்தில் முதல் நிலை உட்பட பல பிந்தைய முனைவர் பதவிகளை வகித்த பிறகு , பின்னி 1981 இல் மெர்ட்டன் கல்லூரியில் பல்கலைக்கழக விரிவுரையாளராகவும் , இயற்பியலில் ஆய்வுறுப்பினர், ஆசிரியராகவும் ஆக்சுபோர்டுக்கு திரும்பினார். பின்னர் 1991 இல் கோட்பாட்டு இயற்பியலில் விளம்பர வாசகராகவும் , 1996 இல் இயற்பியல் பேராசிரியராகவும் பணியமர்த்தப்பட்டார்.

பின்னி தனது பணிக்காக 1986 ஆம் ஆண்டில் இயற்பியல் நிறுவனத்தின் மேக்சுவெல் பரிசு , 2003 ஆம் ஆண்டில் அமெரிக்க வானியல் கழகத்தின் பிரவுவேர் விருது , 2010 இல் டிராக் பதக்கம், 2013 இல் எடிங்டன் பதக்கம் உள்ளிட்ட பல தகைமைகலையும் விருதுகளையும் பெற்றுள்ளார்.^[3][4] 1973 முதல் அரசு வானியல் கழகத்தின் உறுப்பினராக இருந்த அவர் , அரசு வானியல் கழகத்தின் ஆய்வுறுப்பினராகவும் , 2000 ஆம் ஆண்டில் இயற்பியல் நிறுவனத்தின் உறுப்பினராகவும் தேர்ந்தெடுக்கப்பட்டார். அவர் பிரின்சுடன் பல்கலைக்கழக அச்சகத்தின் ஐரோப்பிய அறிவுரைக் குழுவிலும் அமர்ந்துள்ளார்.^[5]

ஆர்வங்கள்

பின்னியின் ஆராய்ச்சி ஆர்வங்களில் பின்வருவன அடங்கும்:

• குளிரூட்டும் ஓட்டங்களின் இயற்பியலும் ஏஜிஎன் பின்னூட்டத்தின் செயல்முறைகளும்
• பால்வெளி வளிம வட்டின் மீவிண்மீன் வெடிப்புக் குலைவு
• பால்வழி உட்பட்ட பால்வெளிகளின் இயங்கியல்
• சுற்றுவலய படிமமாக்க வளர்ச்சி உட்பட்ட பால்வெளி, வட்டணைகலின் படிமமாக்கம்.

வெளியீடுகள்

பின்னி இணைபுலமை மதிப்பாய்வு செய்யப்பட்ட ஆய்விதழ்களில் 200 க்கும் மேற்பட்ட கட்டுரைகளையும் , பால்வெளி இயங்கியல் உட்பட பல பாடப்புத்தகங்களையும் எழுதியுள்ளார் , இது நீண்ட காலமாக அதன் துறையில் செந்தரப் பாடநூலாகக் கருதப்படுகிறது.

புத்தகங்கள்

• பால்வெளி இயங்கியல், திமித்ரி மிகலாசு , ஜேம்சு பின்னி பிரீமேன் வெளியீடு, 1981..
• பால்வெளி இயங்கியல்,,ஜேம்ஸ் பின்னி, சுக்காட் திரெமைன், பிரின்சுடன் பல்கலைக்கழகம் அச்சகம், 1988.
• ஜே. ஜே. பின்னி, என். ஜே. டோரிக், ஏ. ஜே. ஃபிஷர், எம். இ. ஜே. நியூமன் உய்யநிலை நிகழ்வுகளின் கோட்பாடு (Theory of critical phenomena) (1992).
• பால்வெளி வானியல் (2 ஆவது பதிப்பு. ஜேம்சு பின்னி, மைக்கேல் மெரிபீல்டு பிரின்சுடன்) பல்கலைக்கழக அச்சகம், 1998.
• பால்வெளி இயங்கியல், (2 ஆவது பதிப்பு) ஜேம்ஸ் பின்னி, சுக்காட் திரெமைன் பிரின்சுடன் பல்கலைக்கழக அச்சகம், 2008.
•  

மேற்கோள்கள்

1. "Index entry". FreeBMD. ONS. பார்க்கப்பட்ட நாள் 19 July 2013.
2. "A Community of Scholars". Institute for Advanced Study. பார்க்கப்பட்ட நாள் 1 May 2013.
3. "2010 Dirac medal". Institute of Physics. பார்க்கப்பட்ட நாள் 1 May 2013.
4. "Winners of the 2013 awards, medals and prizes – full details". Royal Astronomical Society. Archived from the original on 9 February 2013. பார்க்கப்பட்ட நாள் 1 May 2013.
5. "European Advisory Board". Princeton University Press. 7 July 2011. Archived from the original on 8 June 2011. பார்க்கப்பட்ட நாள் 1 May 2013.

வெளி இணைப்புகள்

• கோட்பாட்டு இயற்பியல் மையம் - ஆக்சுபோர்டு பல்கலைக்கழகம் (ஒரு குறுகிய வாழ்க்கை வரலாறு உட்பட)