டிசிப்ரோசியம்(II) குளோரைடு

டிசிப்ரோசியம்(II) குளோரைடு
Dysprosium(II) chloride

பெயர்கள்
ஐயூபிஏசி பெயர்s டிசிப்ரோசியம்(II) குளோரை டிசிப்ரோசியம் டைகுளோரைடு டிசிப்ரோசியம் இருகுளோரைடு
இனங்காட்டிகள்
சிஏஎசு எண்	13767-31-2[1]
ChemSpider	64878762
InChI InChI=1S/2ClH.Dy/h2*1H;/p-2 Key: PPMMDKYENGNRPT-UHFFFAOYSA-L
யேமல் -3D படிமங்கள்	Image
பப்கெம்	57348181
SMILES [Cl-].[Cl-].[Dy]
பண்புகள்
மூலக்கூறு வாய்பாடு	DyCl2
வாய்ப்பாட்டு எடை	233.406 கி/மோல்
தொடர்புடைய சேர்மங்கள்
ஏனைய நேர் மின்அயனிகள்	NdCl2, SmCl2, EuCl2, TmCl2, YbCl2
மாறுதலாக ஏதும் சொல்லவில்லை என்றால் கொடுக்கப்பட்ட தரவுகள் யாவும் பொருள்கள் அவைகளின் இயல்பான வெப்ப அழுத்த நிலையில் (25°C, 100kPa) இருக்கும். வார்ப்புரு மேற்கோள்கள்

டிசிப்ரோசியம்(II) குளோரைடு (Dysprosium(II) chloride) என்பது DyCl₂ என்ற மூலக்கூற்று வாய்பாடால் விவரிக்கப்படும் ஒரு கனிம வேதியியல் சேர்மமாகும். டிசிப்ரோசியம் இரு குளோரைடு, டிசிப்ரோசியம் டைகுளோரைடு என்ற பெயர்களாலும் இது அழைக்கப்படுகிறது. டிசிப்ரோசியமும் குளோரினும் சேர்ந்து இந்த அயனச் சேர்மம் உருவாகும். டிசிப்ரோசியம் சேர்மங்களில் டிசிப்ரோசித்தின் இயல்பான ஆக்சிசனேற்ற நிலை +3 ஆக இருக்கும் ஆனால் இந்த உப்பு ஒரு குறைக்கப்பட்ட நிலையிலுள்ள சேர்மமாகும்.

டிசிப்ரோசியம்(II) குளோரைடு தோற்றத்தில் பளபளப்பான கருப்பு நிறத்தில் இருக்கும். உப்பு காற்றில் வெளிப்பட்டால் ஆக்சிசனேற்றத்தால் சேதமடைகிறது. இது ஒரு மின் தடையை கொடுக்கும் சேர்மமாகும்.^[2]

இசுட்ரோன்சியம் புரோமைடு, இட்டெர்பியம் டைகுளோரைடு மற்றும் டெர்பியம் டைகுளோரைடு ஆகிய சேர்மங்களின் கட்டமைப்பை போன்ற அமைப்பையே இதுவும் கொண்டுள்ளது. டிசிப்ரோசியம்(II) குளோரைடு இரண்டு வடிவங்களில் காணப்படுகிறது. குறைந்த வெப்பநிலை வடிவம் 652 °செல்சியசு வெப்பநிலைக்கும் குறைவாக உள்ளது. a=6.69, b=6.76, மற்றும் c=7.06 Å என்ற அளவுகளில் அலகு செல் பரிமாணங்கள் உள்ளன.^[3]

தயாரிப்பு

உருகிய டிசிப்ரோசியம் முக்குளோரைடை டிசிப்ரோசியம் உலோகத்துடன் சேர்த்து சூடாக்கி, விரைவாகத் தணிப்பதன் மூலம் டிசிப்ரோசியம்(II) குளோரைடு சேர்மத்தை தயாரிக்கலாம். மாலிப்டினம், நையோபியம் அல்லது தாண்டலம் புடக்குப்பிகள் பயன்படுத்தப்பட்டால் டிசிப்ரோசியம் உலோகக் கலவை உருவாவதைத் தவிர்க்க இயலும்.^[4]

வினைகள்

டிசிப்ரோசியம்(II) குளோரைடு சேர்மம் பொட்டாசியம் குளோரைடு, சோடியம் குளோரைடு இளக்கிகளுடன் சேர்க்கப்பட்டால் தைட்டானியம் டைகுளோரைடை தைட்டானியம் உலோகமாக குறைக்கும் திறன் கொண்டது.^[5]

Ti²⁺ + 2Dy²⁺ → Ti (திண்மம்) + 2Dy³⁺

தொடர்புடைய பிற சேர்மங்கள்

இலித்தியத்துடன் சேர்ந்த ஒரு முப்படி டிசிப்ரோசியம்(II) குளோரைடு சேர்மமும் அறியப்படுகிறது:(LiDy₂Cl₅) இலித்தியம் உலோகத்தையும் டிசிப்ரோசியம்(III) குளோரைடு ஆகியவற்றை ஒன்றாகச் சேர்த்து 700 °செல்சியசு வெப்பநிலைக்கு சூடாக்குவதன் மூலம் இந்த முப்படி சேர்மம் தயாரிக்கப்படுகிறது. இதுவும் கருப்பு நிறத்தில் காணப்படும். LiDy₂Cl₅ சேர்மத்தின் கட்டமைப்பு ஒற்றைச்சரிவச்சு படிக அமைப்பில் C2/c 4 என்ற இடக்குழுவில் a = 16.45.6 ; b = 6.692; மற்றும் c = 7.267; என்ற அணிக்கோவை அளவுருக்களும் β = 95.79° என்ற கோண அளவும் கொண்ட படிக வடிவமாக உள்ளது.^[6]

மேற்கோள்கள்

1. "Dysprosium dichloride". webbook.nist.gov (in ஆங்கிலம்).
2. Macintyre, Jane E. (1992-07-23). Dictionary of Inorganic Compounds (in ஆங்கிலம்). CRC Press. p. 2867. பன்னாட்டுத் தரப்புத்தக எண் 978-0-412-30120-9.
3. Corbett, John D.; McCollum, Bill C. (May 1966). "Rare Earth Metal-Metal Halide Systems. IX. The Dysprosium-Dysprosium(III) Chloride System and the Preparation of Dysprosium(II) Chloride". Inorganic Chemistry 5 (5): 938–940. doi:10.1021/ic50039a050. 
4. Advances in Inorganic Chemistry and Radiochemistry (in ஆங்கிலம்). Academic Press. 1977-09-01. p. 8. பன்னாட்டுத் தரப்புத்தக எண் 978-0-08-057869-9.
5. Yasuda, Kouji; Saegusa, Kunio; Okabe, Toru H. (January 2011). "Aluminum Subhalide as a Reductant for Metallothermic Reduction". High Temperature Materials and Processes 30 (4–5): 411. doi:10.1515/htmp.2011.063. Bibcode: 2011HTMP...30..411Y. 
6. Meyer, Gerd (September 1983). "Reduced ternary rare earth halides: State of the art". Journal of the Less Common Metals 93 (2): 371–380. doi:10.1016/0022-5088(83)90190-X.