மலஹரி
மலஹரி இராகம் கருநாடக இசையில் பயன்படும் இராகங்களில் ஒன்றாகும். இது 15வது மேளகர்த்தா இராகமாகிய, "அக்னி" என்றழைக்கப்படும் 3வது சக்கரத்தின் 3 வது மேளமாகிய மாயாமாளவகௌளையின் ஜன்னிய இராகம் ஆகும். விடியற்காலையில் பாடக் கூடிய இவ்விராகம் ஔடவ-ஷாடவ இராகம் ஆகும். இவ்விராகம் கருணைச் சுவையை வெளிப்படுத்தும்.
இதர அம்சங்கள்
[தொகு]
| ஆரோகணம்: | ஸ ரி1 ம1 ப த1 ஸ் |
| அவரோகணம்: | ஸ் த1 ப ம1 க3 ரி1 ஸ |
- இந்த இராகத்தில் ஷட்ஜம், சுத்த ரிஷபம் (ரி1), அந்தர காந்தாரம் (க3), சுத்த மத்திமம்(ம1), பஞ்சமம், சுத்த தைவதம் (த1 ஆகிய சுரங்கள் வருகின்றன.
- ஆரோகணத்தில் க , நி வர்ஜம். அவரோகணத்தில் நி மட்டும் வர்ஜம்.
- இது உபாங்க இராகம் ஆகும்.
- புரந்தரதாசர் இந்த இராகத்தில் பிள்ளையார் கீதம் ஒன்றும், மகேஸ்வரர் கீதம் ஒன்றும், விஷ்ணு கீதங்கள் இரண்டும் இயற்றியுள்ளார்.
- மலத்தை நீக்குகின்ற இராகம் என்ற பொருளைக் கொண்ட இவ்விராகம் மனித உள்ளத்தில் இருக்கும் மாசை நீக்கி தூய்மைப்படுத்தும் இராகம் எனக் கருதப்படுகின்றது.
- இதன் பெயர் பழமையான இசை இலக்கண நூல்களில் காணப்படுகின்றது. (திருவாவடுதுறை ஆதீன ஏட்டுப் பிரதியில் குறிஞ்சிப்பண் என்பது மலஹரி எனக் குறிப்பிடப்பட்டுள்ளது.)
- இந்த இராகம் மழைக்காலத்துக்குரியது எனக் குறிப்பிடப்படுகின்றது.
- கீதம்: " ஸ்ரீகணநாத " - ரூபகம் - புரந்தரதாசர்
- கீதம் : " கெரயநீரனு " - திரிபுடை - புரந்தரதாசர்
- கீதம்: " பதும நாபா " - திரிபுடை - புரந்தரதாசர்
- கீதம் : " குந்த கௌர " - ரூபகம் - புரந்தரதாசர்
- கிருதி : " பஞ்சமாதங்க " - ரூபகம் - முத்துசுவாமி தீட்சிதர்
- கிருதி : " இதுவோ நின் கருணை " - மிஸ்ரசாபு - பெரியசாமி தூரன்
- கிருதி : " மேலுகோவையா " - ஆதி - ஷாஜி மகாராஜா
- கிருதி : " அனந்தபத்மநாபம் " - ரூபகம் - முத்தையா பாகவதர்
இவற்றையும் பார்க்கவும்
[தொகு]மேற்கோள்கள்
[தொகு]- ↑ டாக்டர். கே. ஏ. பக்கிரிசாமிபாரதி எழுதிய 'இந்திய இசைக்கருவூலம்' எனும் நூல் (மூன்றாம் பதிப்பு, செப்டம்பர் 2006); வெளியீடு: குசேலர் பதிப்பகம், சென்னை - 78.
உசாத்துணைகள்
[தொகு]- Dr. S. Bhagyalekshmy, Ragas in Carnatic Music, CBH Publications, Trivandrum, Published 1990
- B. Subba Rao, Raganidhi, The Music Academy, Madras, Published 1965, 4th reprint 1996
