வந்திகா அகர்வால்

2016 ஆம் ஆண்டுக்கான தேசிய குழந்தை விருதை வந்திகா அகர்வாலுக்கு குடியரசுத் தலைவர் பிரணாப் முகர்ஜி வழங்கினார்.

வந்திகா அகர்வால் (Vantika Agrawal) இந்தியாவைச் சேர்ந்த ஒரு சதுரங்க வீராங்கனையாவார். புதுதில்லியைச் சேர்ந்த இவர் 2002 ஆம் ஆண்டு செப்டம்பர் மாதம் 28 ஆம் தேதியன்று பிறந்தார். 2021 ஆம் ஆண்டு வந்திகா பன்னாட்டு பெண்கள் கிராண்டுமாசுட்டர் பட்டத்தைப் பெற்றார்.

வாழ்க்கை வரலாறு

[தொகு]

2016 ஆம் ஆண்டு நடைபெற்ற உலக இளையோர் சதுரங்க வெற்றியாளர் பட்டப் போட்டியின் 14 வயதுக்குட்பட்ட பெண்கள் பிரிவில் வந்திகா அகர்வால் வெண்கலப் பதக்கம் வென்றார்.[1][2] 2019 ஆம் ஆண்டு காரைக்குடியில் நடைபெற்ற தேசிய அளவிலான சதுரங்க போட்டியில் இரண்டாமிடம் பெற்றார்.[3][4] 2020 ஆம் ஆண்டு நடைபெற்ற இணையவழி சதுரங்க வெற்றியாளர் பட்டப் போட்டியில் இந்திய தேசிய அணியுடன் சேர்ந்து விளையாடிய இவர் 2020 ஆம் ஆண்டுக்கான நிகழ்நிலை சதுரங்க ஒலிம்பிக் போட்டியை வென்றார். [5][6]

2021 ஆம் ஆண்டிலும் வந்திகா அகர்வால் இந்திய இளையோர் பெண்கள் நிகழ்நிலை சதுரங்க வெற்றியாளர் பட்டப் போட்டியில் பங்கேற்று விளையாடி வெள்ளிப் பதக்கம் வென்றார். [7] இந்திய இளையோர் முதியோர் பெண்கள் சதுரங்கப் போட்டியில் தங்கப் பதக்கம் வென்றார். [8] இதே ஆண்டில் வந்திகா, பிடே பினான்சு வணிகப் பள்ளிகள் சூப்பர் கோப்பையையும் வென்றார். [9] வடக்கு ஐரோப்பா நாடான லாத்வியாவில் 2021 ஆம் ஆண்டு நவம்பர் மாதத்தில் நடைபெற்ற பிடே அமைப்பின் பெண்கள் கிராண்டு சுவிசு போட்டியில் வந்திகா 14 ஆவது இடத்தைப் பிடித்தார். [10] 2021 ஆம் ஆண்டில் வந்திகா அகர்வால் இந்தியாவின் 21 ஆவது பெண் கிராண்டுமாசுட்டர் பட்டம் வென்றார். [11]

மேற்கோள்கள்

[தொகு]
  1. ↑ World Youth Chess Championships 2016 G14
  2. ↑ "உலக இளையோர் செஸ்: இந்தியாவுக்கு 11 பதக்கம்". தினமணி. https://www.dinamani.com/sports/2015/nov/07/%E0%AE%89%E0%AE%B2%E0%AE%95-%E0%AE%87%E0%AE%B3%E0%AF%88%E0%AE%AF%E0%AF%8B%E0%AE%B0%E0%AF%8D-%E0%AE%9A%E0%AF%86%E0%AE%B8%E0%AF%8D-%E0%AE%87%E0%AE%A8%E0%AF%8D%E0%AE%A4%E0%AE%BF%E0%AE%AF%E0%AE%BE%E0%AE%B5%E0%AF%81%E0%AE%95-1217660.html. பார்த்த நாள்: 2 December 2021. 
  3. ↑ "தேசிய அளவிலான சதுரங்க போட்டி, ஏர் இந்தியா வீராங்கனை குல்கர்னி சாம்பியன் பட்டம் வென்றார்". DailyThanthi.com. பார்க்கப்பட்ட நாள் 2021-12-02.
  4. ↑ "காரைக்குடி பள்ளியில் தேசிய பெண்கள் செஸ் போட்டி". Dinamalar. 2019-07-24. பார்க்கப்பட்ட நாள் 2021-12-02.
  5. ↑ The Triumph of the twelve brave Olympians
  6. ↑ "செஸ் ஒலிம்பியாட்டில் தங்கம் வென்றவர்களுக்கு பரிசு: இந்திய செஸ் கூட்டமைப்பு பாராட்டு". Hindu Tamil Thisai. பார்க்கப்பட்ட நாள் 2021-12-02.
  7. ↑ Savitha Shri wins AICF National Junior Girls Online 2021
  8. ↑ Vantika Agrawal wins AICF National Senior Women Online 2021
  9. ↑ SRCC clinches FIDE Binance Business Schools Super Cup 2021
  10. ↑ 2021 FIDE Chess.com Women's Grand Swiss
  11. ↑ Vantika Agrawal becomes the 21st Woman Grandmaster of India