வில் அம்பு
| வில் அம்பு | |
|---|---|
 | |
| இயக்கம் | ரமேஷ் சுப்பிரமணியம் |
| தயாரிப்பு | சுசீந்திரன்(வழங்குநர்) என். தாய் சரவணன் போஸ்டர் நந்தகுமார் |
| கதை | ரமேஷ் சுப்பிரமணியம் |
| இசை | நிவின் |
| நடிப்பு | ஸ்ரீ ஹரீஷ் கல்யாண் சிருஷ்டி டங்கே சும்ஸ்கிருதி சாந்தினி தமிழரசன் |
| ஒளிப்பதிவு | மார்டின் ஜோயி |
| படத்தொகுப்பு | ரூபன் |
| கலையகம் | ஸ்டார் பிலிம் லேண்ட் |
| விநியோகம் | நல்லுசாமி படங்கள் |
| வெளியீடு | 12 பெப்பிரவரி 2016 |
| நாடு | இந்தியா |
| மொழி | தமிழ் |
வில் அம்பு ( ஆங்கிலம்: Vil Ambu) என்பது 2016 ஆம் ஆண்டு இந்திய தமிழ் மொழியில் வெளிவந்த அதிரடித் திரில்லர் படமாகும். இதை ரமேஷ் சுப்பிரமணியம் எழுதி இயக்கியுள்ளார். மற்றும் சுசீந்திரன் இப்படத்தை தயாரித்துள்ளார். இப்படத்தில் ஸ்ரீ, ஹரீஷ் கல்யாண், சம்ஸ்கிருதி ஷெனாய், சிருஷ்டி டங்கே மற்றும் சாந்தினி தமிழரசன் ஆகியோர் முக்கிய கதாபாத்திரங்களில் நடித்துள்ளனர். இவர்களுடன் சேர்ந்து ஹரிஷ் உத்தமன் மற்றும் யோகி பாபு துணை வேடங்களில் நடிக்கின்றனர்.[1] ஈ.மார்ட்டின் ஜோவின் ஒளிப்பதிவு செய்துள்ளார். மற்றும் ரூபன் படத்தொகுப்பினை மேற்கொண்டுள்ளார். நவீன் இசையமைத்திருந்தார். படம் 12 பிப்ரவரி 2016 அன்று வெளியிடப்பட்டது.
கதை
[தொகு]வில் அம்பு என்பது இரண்டு கதாபாத்திரங்களின் பயணம் மற்றும் ஒருவருக்கொருவர் ஏற்படும் இழப்பு அல்லது ஆதாயத்திற்கு மனிதர்கள் எவ்வாறு பொறுப்பாளிகள் ஆகிறார்கள் என்பதைப் பற்றி பேசுகிறார்கள். ஒரு நபரின் இழப்பு மற்றவரின் ஆதாயமாக எவ்வாறு மாறுகிறது என்பது பற்றிய கதை.
நடிகர்கள்
[தொகு]- கார்த்திக்காக ஸ்ரீ
- அருளாக ஹரீஷ் கல்யாண்
- கனகவள்ளியாக சாந்தினி தமிழரசன்
- பூங்கொடியாக சம்ஸ்கிருதி ஷெனாய்
- இத்யாவாக சிருஷ்டி டங்கே
- பூங்கொடியின் தந்தை சேகராக நந்தகுமார்
- அருளின் சகோதரி காவியாவாக நிஷா கிருஷ்ணன்
- சிவாவாக ஹரிஷ் உத்தமன்
- யோகி பாபு
- லோகுவாக ராமச்சந்திரன் துரைராஜ்
- கார்த்திக்கின் தந்தையாக ஹலோ கந்தசாமி
- காத்திக்கின் தாயாராக சைவம் கலா
- அருளின் தாயாராக ரிந்து ரவி
- பாலகுருவாக ஃபைவ் ஸ்டார் கல்யாண்
தயாரிப்பு
[தொகு]ஜீவாவின் (2014) வெற்றியைத் தொடர்ந்து, சுசீந்திரன் தனது அடுத்த படம் தெற்கு சென்னையில் நடக்கும் நிகழ்வுகளைச் சுற்றி வருவதாக அறிவித்தார். சுசீந்திரன் பின்னர் ஹரீஷ் கல்யாண் மற்றும் ஸ்ரீ ஆகியோர் முக்கிய வேடங்களில் நடிப்பதாகவும், ஹரிஷ் உத்தமன் மற்றும் நந்தகுமார் வில்லன்களாக நடிப்பதாகவும் அறிவித்தார்.[2] முன்னர் மலையாள படங்களில் நடித்து வந்த சம்ஸ்கிருதி ஷெனாய், மூன்று முன்னணி பெண் வேடங்களில் ஒன்றில் நடிக்க ஒப்பந்தம் செய்யப்பட்டார்.[3] மற்ற இரண்டு பாத்திரங்கள் முறையே கல்லூரி மாணவியாகவும், குடிசைவாசியாகவும் நடிக்கும் சிருஷ்டி டங்கே மற்றும் சாந்தினி தமிழரசன் ஆகியோருக்கு வழங்கப்பட்டன.[4][5] கல்யாண சமையல் சாதம் (2013), என்ற படத்திற்கு இசையமைத்த நவீன், படத்திற்கு இசையமைக்க தேர்வு செய்யப்பட்டார். அதே நேரத்தில் ஸ்டார் புரொடக்சன்ஸ் மற்றும் நாலு ஸ்டுடியோஸ் இணைந்து இந்த முயற்சியை மேற்கொண்டன.[6] சுசீந்திரன் அதை இயக்குவார் என்று அறிக்கைகள் இருந்தபோதிலும், அவர் படத்தை முன்னெடுக்க மட்டுமே தேர்வு செய்தார், மேலும் புதியவர் ரமேஷ் இயக்குநராக கையெழுத்திட்டார்.
இப்படம் 2014 அக்டோபரின் ஆரம்பத்தில் கோயம்புத்தூரில் "நேருக்கு நேர்" என்ற தலைப்புடன் படப்பிடிப்பு தொடங்கியது. அதே நேரத்தில் இது "அக்னி நட்சத்திரம்" என்றும் அழைக்கப்பட்டது. இந்த இரண்டு தலைப்புகளும் ஸ்ரீ மற்றும் ஹரிஷ் கல்யாண் ஆகியோரின் பாத்திரங்களைப் போலவே இரட்டை முன்னணி கதாபாத்திரங்களைக் கொண்ட முந்தைய படங்களாகும். .[7][8] ஏப்ரல் 2015 இல், அதிகாரப்பூர்வ தலைப்பு "வில் அம்பு" என்று தெரியவந்தது, நடிகை காஜல் அகர்வால் படத்தின் சுவரொட்டியை வெளியிட்டார்.[9]
விமர்சனம்
[தொகு]ரெடிஃப் தனது வலைதளத்தில் "இயக்குநர் ரமேஷ் ஒரு புத்திசாலித்தனமான கதையை பயன்படுத்தத் தவறியிருக்கலாம், ஆனால் வில் அம்பு ஒரு ஈர்க்கக்கூடிய சாகசப் படமாகும். இதனை படமாக காண்பது மதிப்புள்ளது." என்று எழுதியது.[10] "பிஹைண்ட்வுட்ஸ்" இவ்வாறு " இயக்குநர் ரமேஷ் சுப்பிரமணியம் ஒரு உணர்ச்சிகரமான கதையை விவரித்தார் எந்தவொரு புள்ளியும். கதையின் ஒரே பிரச்சனை அதன் வெளிப்படைத்தன்மை, முதல் பாதியில் பார்வையாளர்களுடன் இணைப்பை தக்க வைத்துக் கொள்வது கதைசொல்லிக்கு ஒரு சவாலாக மாறும்". என்று எழுதுகிறது [11]
மேற்கோள்கள்
[தொகு]- ↑ "'Vil Ambu', a film on how society influences commoners". The Indian Express. 7 April 2015.
- ↑ "Madras and Pandiya Nadu menace for Suseenthiran's next!".
- ↑ "Suseenthiran picks Vijays title for his next". Archived from the original on 2014-10-10. பார்க்கப்பட்ட நாள் 2019-10-31.
- ↑ "'Packing Punches in Acchamindri'". The New Indian Express.
- ↑ "'I Like Stepping out of my Comfort Zone'". The New Indian Express.
- ↑ Only Kollywood. "Harish Kalyan to star in Suseenthiran's next - Only Kollywood". Only Kollywood.
- ↑ "The title Nerukku Ner again ?".
- ↑ "Suseenthirans next to have Suriyas debut film connection". Archived from the original on 2014-10-14. பார்க்கப்பட்ட நாள் 2019-10-31.
- ↑ "Kajal Aggarwal Launches Vil Ambu Motion Poster". Silverscreen.in. Archived from the original on 2015-04-16. பார்க்கப்பட்ட நாள் 2019-10-31.
- ↑ http://www.rediff.com/movies/report/review-vil-ambu-is-worth-a-watch/20160214.htm
- ↑ http://www.behindwoods.com/tamil-movies/vil-ambu/vil-ambu-review.html