ஸ்ரீ மகாராஜா

ஸ்ரீ மகாராஜா Sri Maharaja
பாதுகா
சிங்கபுர இராச்சியத்தின் 4-ஆவது அரசர்
ஆட்சிக்காலம்	1375-1389
முன்னையவர்	ஸ்ரீ ராணா விக்கிரமா
பின்னையவர்	பரமேசுவரா
பிறப்பு	சிங்கப்பூர்
இறப்பு	சிங்கப்பூர்
புதைத்த இடம்	கெனிங் கோட்டை மலை (Fort Canning Hill)
குழந்தைகளின் பெயர்கள்	பரமேசுவரா
தந்தை	ஸ்ரீ விக்கிரம வீரா

ஸ்ரீ மகாராஜா (மலாய் மொழி: Paduka Sri Maharaja; ஆங்கிலம்: Sri Maharaja); என்பவர் சிங்கபுர இராச்சியத்தின் நான்காவது அரசர். ஸ்ரீ ராணா விக்கிரமா என்பவரின் மூத்த மகன் ஆவார்.

இவர் 1375-ஆம் ஆண்டில் இருந்து 1389-ஆம் ஆண்டு வரை சிங்கப்பூரை ஆட்சி செய்தவர். இவர் பதவி ஏற்பதற்கு முன்பு தமியா ராஜா (Damia Raja) என்று அழைக்கப்பட்டார்.^[1]

பொது

செஜாரா மெலாயு எனும் மலாய் இலக்கிய வரலாற்றுச் சான்றுகளில், ஸ்ரீ மகாராஜாவின் ஆட்சியின் போது சிங்கபுரக் கடற்கரையை வாள் மீன்கள் தாக்கிய நிகழ்வுடன் குறிக்கப்படுகிறது.

ஆங் நாடிம் (Hang Nadim) எனும் சிறுவன், வாள்மீன்களின் தாக்குதலைத் தடுக்க ஒரு புத்திசாலித்தனமான தீர்வை வழங்கினான். ஸ்ரீ மகாராஜா ஆரம்பத்தில் நன்றியுடன் இருந்தார்.

தானா மேரா

ஆனாலும், சிறுவனின் புத்திசாலித் தனத்தால் அவருக்கு அச்சுறுத்தல்கள் ஏற்படலாம் எனத் தவறுதலாக அறிவுரை வழங்கப்பட்டார். அரசவை அமைச்சர்களின் பேச்சைக் கேட்டு அந்தச் சிறுவனை தூக்கிலிட உத்தரவிட்டார்.^[2]

தூக்கிலிடப்பட்ட ஆங் நாடிமின் இரத்தம், சிங்கப்பூர் நிலத்தின் ஒரு பகுதியைச் சிவப்பு நிறத்தில் கறை படுத்தியதாகக் கூறப்படுகிறது. அதனால் சிங்கப்பூரின் அந்தப் பகுதிக்கு தானா மேரா (Tanah Merah) எனும் பெயர் வந்ததாகச் சொல்லப் படுகிறது.

பரமேசுவரா

1389-ஆம் ஆண்டில், ஸ்ரீ மகாராஜாவுக்குப் பிறகு அவரின் மகன் பரமேசுவரா என்பவர் சிங்கபுர இராச்சியத்தின் அரியணையில் அமர்ந்தார். இவர்தான் மலாக்கா நகரத்தையும்; மலாக்கா சுல்தானகத்தையும் தோற்றுவித்தவர்.^[3]

மேற்கோள்கள்

1. A. Samad, Ahmad (1979), Sulalatus Salatin (Sejarah Melayu), Dewan Bahasa dan Pustaka, p. 54, பன்னாட்டுத் தரப்புத்தக எண் 983-625-601-6
2. Dr. John Leyden (1821). Malay Annals: Translated from the Malay Language. London: Longman, Hurst, Rees, Orme, and Brown. pp. 83–85.
3. Tsang, Susan; Perera, Audrey (2011), Singapore at Random, Didier Millet, p. 120, பன்னாட்டுத் தரப்புத்தக எண் 978-9-814-26037-4

ஸ்ரீ மகாராஜா சிங்கபுர இராச்சியம்
ஆட்சியின் போது இருந்த பட்டம்
முன்னர் ஸ்ரீ ராணா விக்கிரமா	சிங்கப்பூர் அரசர் 1375-1389	பின்னர் பரமேசுவரா

நூல்கள்

• Singapore and the Silk Road of the Sea, 1300–1800
• Ahmad Sarji, Abdul Hamid (2011), The Encyclopedia of Malaysia - The Rulers of Malaysia, vol. 16, Editions Didier Millet, பன்னாட்டுத் தரப்புத்தக எண் 978-981-3018-54-9
• Tsang, Susan; Perera, Audrey (2011), Singapore at Random, Didier Millet, பன்னாட்டுத் தரப்புத்தக எண் 978-981-4260-37-4
• Wade, Geoff (2005), Southeast Asia in the Ming Shi-lu: an open access resource, Asia Research Institute and the Singapore E-Press, National University of Singapore, பார்க்கப்பட்ட நாள் 6 November 2012
• Windstedt, Richard Olaf (1938), "The Malay Annals or Sejarah Melayu", Journal of the Malayan Branch of the Royal Asiatic Society, The Branch, XVI

மேலும் காண்க

• துமாசிக்
• சிங்கப்பூரின் வரலாறு
• சிங்கபுர இராச்சியம்
• நீல உத்தமன்

வெளிப்புற இணைப்புகள்