அ. கணேசமூர்த்தி | |
|---|---|
| நாடாளுமன்ற மக்களவை உறுப்பினர் | |
| பதவியில் 2019-2024 | |
| முன்னையவர் | எஸ். செல்வகுமார சின்னையன் |
| தொகுதி | ஈரோடு |
| நாடாளுமன்ற மக்களவை உறுப்பினர் | |
| பதவியில் 2009-2014 | |
| பின்னவர் | எஸ். செல்வகுமார சின்னையன் |
| தொகுதி | ஈரோடு |
| நாடாளுமன்ற மக்களவை உறுப்பினர் | |
| பதவியில் 1998-1999 | |
| முன்னையவர் | ச. கு. கார்வேந்தன் |
| பின்னவர் | பழனியப்ப கவுண்டர் குமாரசாமி |
| தொகுதி | பழனி |
| சட்டமன்ற உறுப்பினர் | |
| பதவியில் 1989-1991 | |
| முன்னையவர் | எஸ். பாலகிருஷ்ணன் |
| பின்னவர் | கவிநிலவு தர்மராஜ் |
| தொகுதி | மொடக்குறிச்சி |
| தனிப்பட்ட விவரங்கள் | |
| பிறப்பு | 10 சூன் 1947 உலகபுரம், ஈரோடு, சென்னை மாகாணம், பிரித்தானிய இந்தியா |
| இறப்பு | 28 மார்ச்சு 2024 (அகவை 76) கோயம்புத்தூர், தமிழ்நாடு |
| தேசியம் | இந்தியர் |
| அரசியல் கட்சி | மறுமலர்ச்சி திராவிட முன்னேற்றக் கழகம் |
| துணைவர் | பாலமணி (இறப்பு) |
| பிள்ளைகள் | 2 |
| பெற்றோர் | அவினாசி கவுண்டர் சாராதாம்பாள்[1] |
| வாழிடம்(s) | குமாரவலசு, சென்னிமலை ஒன்றியம், பெருந்துறை வட்டம், ஈரோடு, தமிழ்நாடு |
| வேலை | விவசாயம் அரசியல்வாதி |
| மூலம்: [1] | |
அ. கணேசமூர்த்தி (A. Ganeshamurthi, 10 சூன் 1947-28 மார்ச்சு 2024) ஒரு தமிழகத்தைச் சேர்ந்த அரசியல்வாதியும், நாடாளுமன்ற உறுப்பினரும் ஆவார். மறுமலர்ச்சி திமுகவின் மூத்த தலைவர்களில் ஒருவரான இவர் அக்கட்சியின் பொருளாளராக பதவி வகித்தார். 1978-இல் திமுக மாணவரணி பொறுப்பில் இருந்த இவர் பின்னர் ஒருங்கிணைந்த பெரியார் (ஈரோடு) மாவட்ட திமுக செயலாளராக பொறுப்பு வகித்தார். 1993-இல் திமுகவிலிருந்து வைகோ வெளியேற்றப்பட்ட போது அவருக்கு ஆதரவு தெரிவித்து வெளியேறிய ஒன்பது மாவட்ட செயலாளர்களில் கணேசமூர்த்தியும் ஒருவர். மறுமலர்ச்சி திமுக தொடங்கியதிலிருந்து ஈரோடு மாவட்ட செயலாளராக பொறுப்பு வகித்த இவர் 2016 ஆம் ஆண்டு மறுமலர்ச்சி திமுக பொருளாளராக ஆனார். இவர் 1998 ஆம் ஆண்டு பொதுத்தேர்தலில் பழனி தொகுதியில் போட்டியிட்டு வென்றார். பின்னர் 2009, 2019ஆம் ஆண்டு நடைபெற்ற மக்களவைத் தேர்தலில், ஈரோடு தொகுதியிலிருந்து ம.தி.மு.க சார்பில் போட்டியிட்டு, இந்திய நாடாளுமன்றத்திற்குத் தேர்ந்தெடுக்கப்பட்டார்.[2] இவர் 2009 பொதுத் தேர்தலில் மதிமுக சார்பாக வென்ற ஒரே வேட்பாளரும் இவரே.[3]
மொத்தம் 25 பேர் தேர்தலில் போட்டியிட்ட 15வது ஈரோடு மக்களவைத் தொகுதிக்கான தேர்தலில், காங்கிரசு கட்சியை சார்ந்த ஈ.வே.கி.ச. இளங்கோவனை 49,336 வாக்குகள் வேறுபாட்டில் தோற்கடித்து, ஈரோடு மக்களவைத் தொகுதியின் முதல் உறுப்பினராக தேர்வுபெற்றார்.
பின்னர் 2019 ஆம் ஆண்டு நடந்த இந்திய மக்களவைத் தேர்தலில், ஈரோடு தொகுதியிலிருந்து, மறுமலர்ச்சி திராவிட முன்னேற்றக் கழகம் சார்பாக வேட்பாளராக நிறுத்தப்பட்டாலும், திமுக சின்னமான உதயசூரியன் சின்னத்தில் போட்டியிட்டு, இந்திய நாடாளுமன்றத்திற்குத் தேர்ந்தெடுக்கப்பட்டார்.[4]
| ஆண்டு | தொகுதியின் பெயர் | மக்களவை / சட்டமன்றம் | முடிவு |
|---|---|---|---|
| 1989 | மொடக்குறிச்சி | சட்டமன்றம் | வெற்றி |
| 1998 | பழனி மக்களவைத் தொகுதி | மக்களவை | வெற்றி |
| 2006 | வெள்ளக்கோயில் (சட்டமன்றத் தொகுதி) | சட்டமன்றம் | தோல்வி |
| 2009 | ஈரோடு மக்களவைத் தொகுதி | மக்களவை | வெற்றி |
| 2014 | ஈரோடு மக்களவைத் தொகுதி | மக்களவை | தோல்வி |
| 2019 | ஈரோடு மக்களவைத் தொகுதி | மக்களவை | வெற்றி |
உடல் நலக்குறைவினால் மருத்துவமனையில் சிகிச்சைப்பெற்று வந்த அ. கணேசமூர்த்தி சிகிச்சைப் பலனின்றி 28 மார்ச்சு 2024 அன்று அதிகாலை உயிரிழந்தார்.[5]