அமலாக்க இயக்குனரகம்

அமலாக்க இயக்குநரகம் प्रवर्तन निदेशालय
சுருக்கம்	ED
துறையின் கண்ணோட்டம்
உருவாக்கம்	1 மே 1956 (68 ஆண்டுகள் முன்னர்) (1956-05-01)
சட்ட ஆளுமை	இந்திய அரசு முகமை
அதிகார வரம்பு அமைப்பு
செயல்பாட்டு அதிகார வரம்பு	இந்தியா
ஆட்சிக் குழு	நிதி அமைச்சகம், இந்திய அரசு
Constituting instruments	அந்நிய செலாவணி மேலாண்மைச் சட்டம் கருப்புப் பண மோசடி சட்டம் தப்பியோடிய பொருளாதாரக் குற்றவாளிகள் சட்டம்
செயல்பாட்டு அமைப்பு
தலைமையகம்	புது தில்லி, இந்தியா
அமைச்சர்	நிர்மலா சீதாராமன், நிதி அமைச்சர்
துறை நிருவாகி	சஞ்சய் குமார் மிஸ்ரா, இந்திய வருவாய்ப் பணி, அமலாக்கத் தலைமை இயக்குநர்
அமைச்சு	நிதி அமைச்சகம், வருவாய்த் துறை
இணையத்தளம்
enforcementdirectorate.gov.in

அமலாக்கப் பிரிவு அல்லது அமலாக்க இயக்குநரகம் (Directorate General of Economic Enforcement or Enforcement Directorate [ED]) (இந்தி: प्रवर्तन निदेशालय) என்பது இந்தியாவில் பணமோசடி தடுப்பு சட்டம், 2002 மற்றும் அந்நியச் செலாவணி மேலாண்மைச் சட்டம், 1999 போன்ற பொருளாதாரச் சட்டங்களை கண்காணிக்கவும், நடவடிக்கைகளை மேற்கொள்வதும் இதன் பணியாகும்.^[1] அமலாக்கப் பிரிவு, இந்திய அரசின் நிதி அமைச்சகத்தின்கீழ் செயல்படும் வருவாய்த் துறையின் கீழ் இயங்கும் புலனாய்வு மற்றும் சட்ட அமலாக்க அமைப்பு ஆகும். அமலாக்க இயக்குனரகத்தில் இந்திய ரிசர்வ் வங்கி, செபி, வருமானவரி, சுங்கம் மற்றும் கலால் வரித்துறை அதிகாரிகள் ஆகியோர்களைக் கொண்டு இயங்குகிறது. இது இந்திய அரசால் 11 மே 1956 அன்று நிறுவப்பட்டது.

வெளிநாட்டு பணப் பரிவர்த்தனைகளை கண்காணிக்கும் பொருட்டு இயற்றப்பட்ட அந்நியச் செலாவணி மேலாண்மைச் சட்டம், 1999, பணமோசடி தடுப்பு சட்டம், 2002 மற்றும் தப்பியோடிய பொருளாதாரக் குற்றவாளிகள் சட்டம் ஆகியவைகளை நடைமுறைப்படுத்த அமலாக்க இயக்குநரகம் செயல்படுகிறது.

நோக்கம்

அமலாக்கப் பிரிவு இயக்குநரகத்தின் முதன்மையான மூன்று பணிகள், வெளிநாட்டு பணப்பரிவர்த்தனை மேலாண்மைச் சட்டம் (FEMA), மற்றும் கணக்கில் வராத பணத்தை வெள்ளைப் பணமாக மாற்றுவதை தடுக்கும் சட்டம், 2002 (PMLA) மற்றும் தப்பியோடிய பொருளாதாரக் குற்றவாளிகள் சட்டம் ஆகிய மூன்று சட்டங்களை அமல்படுத்துவதும், நாட்டில் கருப்புப் பணத்தை ஒழிப்பதேயாகும்.^[2]

அமைப்பு

தலைமை இயக்குநர் ஒருவர் தலைமையில், அமலாக்கப்பிரிவின் தலைமையிடம் புதுதில்லியிலும், இதன் பத்து மண்டல அலுவலகங்கள், மண்டல இயக்குநர்களின் தலைமையில் மும்பை, கொல்கத்தா, சண்டிகர், சென்னை, அகமதாபாத், பெங்களூரு, கொச்சி மற்றும் ஹைதராபாத் நகரங்களில் செயல்படுகிறது. அமலாக்க இயக்குநரகத்தின் துணை மண்டல அலுவலகங்கள், இணை இயக்குநர்களின் தலைமையில், ஆக்ரா, ஸ்ரீநகர், ஜெய்ப்பூர், வாரணாசி, ஹைதராபாத், குவகாத்தி, மற்றும் பஞ்சிம் ஆகிய இடங்களில் செயல்படுகிறது.^[3]

அமல் படுத்தும் சில சட்டங்கள்

• பணமோசடி தடுப்பு சட்டம், 2002
• அந்நியச் செலாவணி மேலாண்மைச் சட்டம், 1999
• தப்பியோடிய பொருளாதாரக் குற்றவாளிகள் சட்டம்

மேற்கோள்கள்

1. "Official Website".
2. "காப்பகப்படுத்தப்பட்ட நகல்". Archived from the original on 2012-04-26. பார்க்கப்பட்ட நாள் 2015-04-04. {{cite web}}: Unknown parameter |= ignored (help)
3. http://www.directorateofenforcement.gov.in/about-us.html[

வெளி இணைப்புகள்

• கோடி போதைப் பொருள் கடத்தல் வழக்கு: பஞ்சாப் அமைச்சரிடம் தீவிர விசாரணை - அமலாக்கத் துறை அதிரடி நடவடிக்கை
• ஜெகன்மோகன் சொத்து குவிப்பு வழக்கில் தொடர்புடைய ரூ.132 கோடி சொத்துகளை முடக்கியது அமலாக்கத் துறை

• ஏர்செல்-மேக்சிஸ் வழக்கு: மாறன் சகோதரர்களின் ரூ.742 கோடி சொத்து முடக்கம் - அமலாக்கப் பிரிவு நடவடிக்கை