என். கே. விஸ்வநாதன் | |
---|---|
பிறப்பு | 23 ஏப்ரல் 1941 |
இறப்பு | ஏப்ரல் 25, 2017[1] | (அகவை 76)
பணி | இயக்குநர், ஒளிப்பதிவாளர் |
செயற்பாட்டுக் காலம் | 1978-2017 |
என். கே. விஸ்வநாதன் (N. K. Vishwanathan, இறப்பு 25 மார்ச் 2017) என்பவர் ஒரு இந்திய திரைப்பட இயக்குநரும், ஒளிப்பதிவாளருமாவார். இவர் பெரும்பாலும் தமிழ் படங்களில் பணியாற்றியவர்.[2][3] 1980 களில் தமிழ் படங்களுக்கு ஒளிப்பதிவாளராக பணியாற்றத் தொடங்கிய பின்னர், திரைப்பட இயக்குநராக கிளைத்து 1990 களில் வணிக ரீதியாக வெற்றிகரமான திரைப்படங்களை உருவாக்கினார்.
விஸ்வநாதன் 1970 களில் இருந்து பல படங்களில் ஒளிப்பதிவாளராக பணியாற்றினார். முக்கியமாக ராம நாராயணன் இயக்கிய படங்களில் பணியாற்றினார். மேலும் சட்டம் என் கையில் (1978) படத்தில் முதல் முதலில் நடிக்க நடிகர் சத்தியராஜை பரிந்துரைத்து உதவினார்.[4] படத்தின் இயக்குநர் டி. என். பாலு படப்பிடிப்பின் போது இறந்தபோது கமல்ஹாசனின் வற்புறுத்தலின் பேரில், சங்கர்லால் (1981) படத்தை இயக்கினார்.[5] 1990 களில் குடும்ப நாடகப் படங்களில் பணிபுரிந்த இவர் திரைப்படங்களை இயக்கத் தொடங்கினார்.
2000 களின் முற்பகுதியில், ஒளிப்பதிவாளராக பல பக்தி படங்களில் பணியாற்றிய இவர், சிஜிஐ மற்றும் விஎஃப்எக்ஸ் தொடர்பான தொழில்நுட்பங்கள் பற்றிய தனது அறிவை வளர்த்துக் கொண்டார்.[6] விஸ்வநாதன் 1978 ஆம் ஆண்டய ஜகன்மோகினி படத்தின் மறு தயாரிப்பான ஜெகன்மோகினி (2009) படத்தை இயக்கினார், நமீதாவும், நிலாவும் முக்கிய கதாபாத்திரங்களில் நடித்தனர். வெளியீட்டிற்கு முன்னர் கவனத்தை உருவாக்கிய போதிலும், இது கலவையான விமர்சனங்களுடன் வெளியானது.[7][8]
மாரடைப்பு காரணமாக இவர் 25 ஏப்ரல் 2017 அன்று இறந்தார்.[9]
ஆண்டு | படம் | குறிப்புகள் |
---|---|---|
1990 | பெரியவீட்டுப் பண்ணக்காரன் | |
1990 | இணைந்த கைகள் | |
1992 | நாடோடிப் பாட்டுக்காரன் | |
1993 | பொறந்தாலும் அம்பளையா பொறக்கக் கூடாது | |
1994 | பொண்டாட்டியே தெய்வம் | |
1994 | புதுப்பட்டி பொன்னுதாயி | |
1994 | பெரிய மருது | |
1995 | வாரார் சண்டியர் | |
1996 | புருஷன் பொண்டட்டி | சிறந்த படத்திற்கான தமிழக மாநில அரசின் திரைப்பட விருது (3 வது பரிசு) |
2009 | ஜெகன்மோகினி |