கார்போ ஐதரசைடு

கார்போ ஐதரசைடு

பெயர்கள்
ஐயூபிஏசி பெயர் 1,3-டையமினோயூரியா
இனங்காட்டிகள்
சிஏஎசு எண்	497-18-7^Y
ChEBI	CHEBI:61308^Y
ChemSpider	66578^Y
InChI InChI=1S/CH6N4O/c2-4-1(6)5-3/h2-3H2,(H2,4,5,6)^Y Key: XEVRDFDBXJMZFG-UHFFFAOYSA-N^Y InChI=1/CH6N4O/c2-4-1(6)5-3/h2-3H2,(H2,4,5,6) Key: XEVRDFDBXJMZFG-UHFFFAOYAS
யேமல் -3D படிமங்கள்	Image Image
பப்கெம்	73948
SMILES C(=O)(NN)NN O=C(NN)NN
பண்புகள்
மூலக்கூறு வாய்பாடு	CH6N4O
வாய்ப்பாட்டு எடை	90.09 கி/மோல்
அடர்த்தி	1.341 கி/செ.மீ^3
உருகுநிலை	153 முதல் 154 °C (307 முதல் 309 °F; 426 முதல் 427 K)
மாறுதலாக ஏதும் சொல்லவில்லை என்றால் கொடுக்கப்பட்ட தரவுகள் யாவும் பொருள்கள் அவைகளின் இயல்பான வெப்ப அழுத்த நிலையில் (25°C, 100kPa) இருக்கும். Y verify (இது ^YN ?) வார்ப்புரு மேற்கோள்கள்

கார்போ ஐதரசைடு (Carbohydrazide) என்பது OC(N₂H₃)₂ என்ற மூலக்கூற்று வாய்ப்பாட்டால் விவரிக்கப்படும் ஒரு கரிம வேதியியல் சேர்மமாகும். இது வெண்மை நிறத்தில் நீரில் கரையக்கூடிய திண்மமாகக் காணப்படுகிறது ^[1][2]. சூடுபடுத்தி உருகும்போது கார்போ ஐதரசைடு சிதைவடைகிறது ^[2]. ஒன்று அல்லது அதற்கு மேற்பட்ட N-H குழுக்கள் பிற மாற்றீடுகளால் மாற்றப்பட்டு உருவாகும் பல கார்போ ஐதரசைடுகள் அறியப்படுகின்றன. அவை பெரும்பாலும் மருந்துகள், களைக்கொல்லிகள், தாவர வளர்ச்சி கட்டுப்பாட்டாளர்கள் மற்றும் சாயப்பொருள்களில் பரவலாகக் காணப்படுகின்றன.

தயாரிப்பு

யூரியாவுடன் ஐதரசீனைச் சேர்த்து வினைபுரியச் செய்து தொழிற்சாலை அளவுகளில் கார்போ ஐதரசைடுகள் தயாரிக்கப்படுகின்றன :^[3]

OC(NH₂)₂ + 2 N₂H₄ → OC(N₂H₃)₂ + 2 NH₃.

சி1 முன்னோடிகள் எனப்படும் கார்பனேட்டு எசுத்தர்களுடன் ஐதரசீனை வினைபுரியச் செய்தும் இதை தயாரிக்க முடியும் ^[2]. பாசுகீனிலிருந்தும் கார்போ ஐதரசைடைத் தயாரிக்க முடியும். ஆனால் இத்தயாரிப்பு வழிமுறையில் ஐதரசீனியம் உப்பும் [N2H5]Cl கூடவே இணையாக உற்பத்தியாகி அதன் விளைவாக டைபார்மைலேற்றம் நிகழ்கிறது.கார்பசிக் அமிலமும் பொருத்தமான ஒரு முன்னோடிச் சேர்மமாகும்.

N₂NH₃CO₂H + N₂H₄ → OC(N₂H₃)₂ + H₂O

கட்டமைப்பு

சமதளமற்ற மூலக்கூறால் இச்சேர்மம் ஆக்கப்பட்டுள்ளது. அனைத்து நைட்ரசன் மையங்களும் குறைந்தபட்சம் பார்ப்பதற்கு கூர்நுனிக் கோபுரம் வடிவத்தைக் கொடுக்கின்றன. மேலும் அவை C-N பை-பிணைப்பை குறிக்கின்றன. கட்டமைப்பில் உள்ள C-N மற்றும் C-O பிணைப்பு இடைவெளிகள் முறையே 1.36 மற்றும் 1.25 Å, ஆகும் .^[4].

தொழிற்துறை பயன்கள்

• ஆக்சிசன் துப்புரவாக்கி: கொதிகலன்களில் உள்ள ஆக்சிசனை நீக்க கார்போ ஐதரசைடு பயன்படுகிறது. ஆக்சிசன் துப்புரவாக்கிகள் அரிப்பைத் தடுக்கின்றன ^[5][6].
• பலபடி முன்னோடி: எப்பாக்சைடு வகை பிசின்களில் நீராற்றும் முகவராக கார்போ ஐதரசைடு பயன்படுகிறது ^[2]
• புகைப்படத்தொழில்: வெள்ளி ஆலைடு விரவல் செயல்முறையில் அச்சுப் பொடிகளில் ஒன்றாக இது பயன்படுத்தப்படுகிறது. அசோமெத்தின், அசின் வகை பிம்பங்களை உருவாக்கும் நிற மேம்படுத்திகளை நிலைநிறுத்துவதில் கார்போ ஐதரசைடு பயன்படுகிறது ^[2].
• வெடிபொருள் உந்திகள்^[7], நிலைப்படுத்தி சோப்புகள், போன்றவற்றை மேம்படுத்துவதிலும் கரிமத் தொகுப்பு வினைகளில் வினைப்பொருளாகவும் கார்போ ஐதரசைடு பயன்படுகிறது.

தீங்குகள்

கார்போ ஐதரசைடை வெப்பப்படுத்துவதால் வெடித்தல் நிகழலாம். விழுங்க நேர்ந்தால் ஆபத்தான விளைவுகளை சந்திக்க நேரிடலாம். கண்கள், மூச்சுக் குழாய்கள் மற்றும் தோலுக்கு எரிச்சலை ஏற்படுத்தும். மேலும், கார்போ ஐதரசைடு நீர்வாழ் உயிரினங்களுக்கும் நச்சுத்தன்மையை அளிக்கிறது ^[8].

மேற்கோள்கள்

1. Inorganic Syntheses Volume IV. McGraw-Hill Book Company, Inc. 1953. p. 35.
2. Kurzer, Frederick; Michael Wilkinson (February 1970). "Chemistry of carbohydrazide and thiocarbohydrazide". Chemical Reviews. doi:10.1021/cr60263a004. http://pubs.acs.org/doi/abs/10.1021/cr60263a004. 
3. Jean-Pierre Schirmann, Paul Bourdauducq "Hydrazine" in Ullmann's Encyclopedia of Industrial Chemistry, Wiley-VCH, Weinheim, 2002. எஆசு:10.1002/14356007.a13_177.
4. Ottersen, T.; Hope, H. "The Structure and Electron Deformation Density Distribution of Carbonohydrazide (Carbohydrazide) at 85 K" Acta Crystallographica B 1979, volume 35, p373-p378. எஆசு:10.1107/S0567740879003575
5. Buecker, Brad (1997). Power Plant Water Chemistry A Practical Guide. PennWell Publishing Company. pp. 13–16. ISBN 0-87814-619-9.
6. "Patent US4269717". Retrieved 8 October 2012.^{[தொடர்பிழந்த இணைப்பு]}
7. "Patent US2970899". Retrieved 8 October 2012.^{[தொடர்பிழந்த இணைப்பு]}
8. "MSDS". Retrieved 8 October 2012.