கிருஷ்ணசுவாமி ராமையா

கிருஷ்ணசுவாமி ராமையா
பிறப்புஏப்ரல் 15, 1892
கீழக்கரை, இராமநாதபுரம் மாவட்டம் சென்னை மாகாணம், பிரித்தானியாவின் இந்தியப் பேரரசு
(தற்போது இராமநாதபுரம் மாவட்டம், தமிழ்நாடு, இந்தியா)
இறப்பு3 ஆகத்து 1988(1988-08-03) (அகவை 96)
பெங்களூரு, கருநாடகம், இந்தியா
பணிவேளாண்மை விஞ்ஞானி
அறியப்படுவதுநெல் மரபியல்
வாழ்க்கைத்
துணை		ஜானகி அம்மாள் ( ஆகஸ்டு 3, 1902 – மார்ச்சு 15, 1985)
பிள்ளைகள்ஐந்து மகன்கள் மற்றும் இரண்டு மகள்கள்
விருதுகள்

கிருஷ்ணசுவாமி ராமையா (Krishnaswamy Ramiah), (எம்.பி.இ) ( ஏப்ரல் 15, 1892 - ஆகஸ்ட் 3, 1988) இந்திய வேளாண்மை விஞ்ஞானி, மரபியலாளர் , நாடாளுமன்ற உறுப்பினர் மற்றும் கட்டாக்கின் மத்திய ரைஸ் ரிசர்ச் இன்ஸ்டிடியூட் (சி.ஆர்.ஆர்.ஐ) இன் நிறுவனர் மற்றும் இயக்குநர் ஆவார்.[1] இவர், இந்திய நெல் வகைகளில் உள்ள முறையான கலப்பினத் திட்டங்களை அறிமுகப்படுத்தியவர்.[2] 1957இல்,இந்திய அரசு அவருக்கு, தேசத்திற்கு ஆற்றிய சேவைகளுக்காக நான்காவது உயர்ந்த இந்திய சிவிலியன் விருதான பத்மஸ்ரீ, விருதினை வழங்கி கவுரவித்தது. அதைத் தொடர்ந்து, 1970 இல், மூன்றாம் மிக உயரிய சிவிலியன் விருதான பத்ம பூஷன்[3] விருதினை அவருக்கு வழங்கியது.

சுயசரிதை

[தொகு]

கிருஷ்ணசுவாமி ராமையா, 1892 இல் பிறந்தார்,[2] இவர், 1914இல், தமிழ்நாட்டில் உள்ள கோயம்புத்தூர் நெல் இனப்பெருக்க நிலையத்தில் ஆராய்ச்சி ஊழியர்கள் குழுவில் உறுப்பினராக சேர்ந்து தனது வாழ்க்கையைத் தொடங்கினார்.[1] மூன்று ஆண்டுகளில், 1917 ஆம் ஆண்டில், அவர் தூய வரி தேர்வு மற்றும் இனப்பெருக்க முன்னேற்றத்தின் மூலமாக, அரிசியில் புதிய ரக குறுக்கு இனங்களை உற்பத்தி செய்தார்.[2] பின்னர், அவர் முறையான கலப்பின திட்டங்களை அறிமுகப்படுத்தினார், அரிசி இனப்பெருக்கத்தில் அத்தகைய நெறிமுறையைத் தொடர முதல் இந்திய விஞ்ஞானியாக அறியப்பட்டார்.[1]

தொழில்

[தொகு]

1946 ல் இந்திய அரசு மத்திய நெல் ஆராய்ச்சி நிறுவனத்தை (சி.ஆர்.ஆர்.ஐ), தொடங்கிய போது, ராமையா அதன் நிறுவனர் இயக்குநர் மற்றும் தலைவராக தேர்ந்தெடுக்கப்பட்டார் [2] பின்னர் அந்த நிறுவனம் இந்திய வேளாண் ஆராய்ச்சி குழுமத்தின் (ஐசிஏஆரின்).[4] கீழ் கொண்டு வந்து அவர் தம்முடைய பதவியை தொடர்ந்தார். அங்கு அவர் தனது பதவிக்காலத்தில், ஐக்கிய நாடுகளின் உணவு மற்றும் வேளாண்மை அமைப்பு முன்முயற்சிக்கான சர்வதேச ரைஸ் கமிஷன் தலைவராகவும் இருந்தார். அவர் எப்.ஓ.ஏ. ஸ்பான்சர் இந்தோ-ஜபோனிகா கலப்பின திட்டத்தின் மூலமாக நைட்ரஜன் வெளியாகும் அரிசி வகைகள் மாஹ்சூரி, மலிஞ்சா, ஏடிடீ 27 மற்றும் சிர்க்னா என்பதாகும் என அறிவிக்கப்பட்டது [1] இதில், முதல் இரண்டு வகைகள் மலேஷியாவில் வெளியிடப்பட்டது. இந்தியாவில் மூன்றாவது வகையும் மற்றும் நான்காவது வகை ஆஸ்திரேலியாவிலும் வெளியிடப்பட்டது.[5] மேலும், இவர், ஜீஇபி 24, ஏடிடீ 3, சிஒ 4 மற்றும் சிஒ 25 ஆகியவற்றை உள்ளடக்கிய அரிசி வகைகள் பலவற்றையும் அவர் உருவாக்கியிருந்தார்.[6] இதில், ஜீஇபி 24 பல்வேறு நாடுகளில் வளர்ந்து வரும் 83 அரிசி வகைகளில் ஒரு முன்னோடியாக உள்ளது.[7]

அரிசி மரபணு அடையாளங்கள் தரப்படுத்தலுக்காக வாதிட்ட முதல் விஞ்ஞானிகளில் ராமையா ஒருவராக இருந்தார்.[2] பேங்காக்கை அடிப்படையாகக் கொண்ட எப்.ஏ.ஒ நிபுணராக சேவை செய்து, அவர் பல நாடுகளில் அரிசி இனப்பெருக்கத்துடன் தொடர்பு கொண்டிருந்தார்.[1][2] எக்சு-கதிர் தூண்டப்பட்ட அரிசி [2] இன் வளர்ச்சியை மேம்படுத்தி, அரிசிக்கு ஒரு மரபணு வங்கி நிறுவப்பட்டது.[8] இது குறித்து, இரண்டு புத்தகங்களை எழுதியுள்ளார். அவை, ரைஸ் இன் மெட்ராஸ் [9] மற்றும் ரைஸ் பிரீடிங் அண்டு ஜெனிடிக்ஸ் என்பதாகும்.[10]

விருதுகள் மற்றும் அங்கீகாரம்

[தொகு]

பிரித்தானிய அரசாங்கம் 1938 பிறந்தநாள் பரிசு பட்டியலில் பிரித்தானிய பேரரசின் (எம்.பி.இ.) ஆணையாளராக ராமையாவை நியமித்தது.[11] இந்தியாவின் சுதந்திரத்திற்குப் பிறகு, 1957 ல் பத்மஸ்ரீ விருது பெற்ற நான்காவது மிக உயர்ந்த சிவில் கௌரவம் மற்றும் 1970 ஆம் ஆண்டில் பத்ம பூசண் விருதான மூன்றாவது மிக உயர்ந்த சிவில் கௌரவத்தை அவருக்கு வழங்கியதன் மூலம் இந்திய அரசாங்கமானது அவரது சேவைகளை அங்கீகரித்தது.[3] மும்பையில் உள்ள இந்திய இன்ஸ்டிடியூட் ஆப் டெக்னாலஜி, சுற்றுச்சூழல் அறிவியல் மற்றும் பொறியியல் மையம் அவருக்கு மரியாதை செய்யும் விதமாக, ஆண்டு விழா விரிவுரையாளராக "ராமையா மெமோரியல்" விரிவுரையை நிறுவியுள்ளது.[12] 1988 ஆம் ஆண்டு ஆகஸ்ட் 3 ம் தேதி அவர் காலமானார். அவர் தனது ஐந்து மகன்கள் மற்றும் இரு மகள்கள் மற்றும் அவர்களது குடும்பத்தினருடன் வாழ்ந்து வந்தார்.[1]

குறிப்புகள்

[தொகு]
  1. ↑ 1.0 1.1 1.2 1.3 1.4 1.5 "Gramene". Gramene. 2015. Retrieved 3 April 2015.
  2. ↑ 2.0 2.1 2.2 2.3 2.4 2.5 2.6 "Shigen". Shigen. 2015. Retrieved 3 April 2015.
  3. ↑ 3.0 3.1 "Padma Shri" (PDF). Padma Shri. 2015. Archived from the original (PDF) on 15 நவம்பர் 2014. Retrieved 11 November 2014.
  4. ↑ "Central Rice Research Institute". Central Rice Research Institute. 2015. Archived from the original on 1 ஏப்ரல் 2015. Retrieved 3 April 2015.
  5. ↑ "Japan's Role in Tropical Rice Research". International Rice Research Institute. Retrieved 4 April 2015.
  6. ↑ "NRRI ஆண்டு அறிக்கை 2017-2018." [1] , டிசம்பர் 9, 2018 இல் மீட்டெடுக்கப்பட்டது.
  7. ↑ "NRRI ஆண்டு அறிக்கை 2017-2018." [2] , டிசம்பர் 9, 2018 இல் பெறப்பட்டது.
  8. ↑ "A Master in his Field". Archived from the original on 4 ஏப்ரல் 2015. Retrieved 3 April 2015.
  9. ↑ Rice in Madras. Government Press. 1937.
  10. ↑ Rice Breeding and Genetics : Scientific Monographs. Indian Council of Agricultural Research. 1953.
  11. ↑ "No. 34518". இலண்டன் கசெட் (Supplement). 7 June 1938. p. 3704.
  12. ↑ "Nebraska Water Centre". Nebraska Water Centre. 2015. Retrieved 3 April 2015.