கும்பல்கர் வனவிலங்கு காப்பகம்

கும்பல்கர் வனவிலங்கு காப்பகம்
Map showing the location of கும்பல்கர் வனவிலங்கு காப்பகம்
Map showing the location of கும்பல்கர் வனவிலங்கு காப்பகம்
இராசத்தான் நிலப்படம்
Map showing the location of கும்பல்கர் வனவிலங்கு காப்பகம்
Map showing the location of கும்பல்கர் வனவிலங்கு காப்பகம்
கும்பல்கர் வனவிலங்கு காப்பகம் (இந்தியா)
அமைவிடம்ராஜ்சமந்து மாவட்டம், இராசத்தான், இந்தியா
அருகாமை நகரம்உதய்பூர்
ஆள்கூறுகள்24°33′54″N 73°54′22″E / 24.565°N 73.906°E / 24.565; 73.906
பரப்பளவு610.528 km2 (235.726 sq mi)[1][2]
நிறுவப்பட்டது1971
கோட்டை பார்க்கும்போது கும்பால்கர் வனவிலங்கு சரணாலயத்தின் காட்சி

கும்பல்கர் வனவிலங்கு காப்பகம் (Kumbhalgarh Wildlife Sanctuary) என்பது இந்தியாவில் இராசத்தான் மாநிலத்தில் ராஜ்சமந்து மாவட்டத்தில் அமைந்துள்ள ஒரு வனவிலங்கு சரணாலயம் ஆகும்.[3] கும்பல்கர்க் கோட்டையினைச் சுற்றி 610.528 km2 (236 sq mi) பரப்பளவில் இந்த வனவிலங்கு காப்பகம் அமைந்துள்ளது. இக்காப்பகம் ஆரவல்லி மலைத் தொடருக்கு அப்பாலும் ராஜ்சமந்து, உதய்பூர், பாலி மாவட்டங்களில் சுமார் 500 முதல் 1,300 மீட்டர்கள் (1,600 முதல் 4,300 அடி) வரையிலான உயரப் பகுதியில் அமைந்துள்ளது. இது in elevation. இது காதியர்-கிர் உலர் இலையுதிர் காடுகளின் ஒரு பகுதியாகும்.

புவியியல்

[தொகு]

கும்பல்கர் வனவிலங்கு காப்பகம் கும்பல்கரின் ஈர்க்கக்கூடிய வரலாற்றுக் கோட்டையின் பெயரைப் பெற்றது. வனவிலங்கு காப்பகம் இக்கோட்டையினைச் சுற்றி 224.890 கிமீ2 (87 சது மை) மையப் பகுதியினையும் 385.638 கிமீ2 (149 சது மை) தாங்கல் பகுதியையும் கொண்டுள்ளது. இது ஆரவல்லி மலைத்தொடரின் நான்கு மலை மற்றும் மலைத் தொடர்களை உள்ளடக்கியது. இவை கும்பல்கர் மலைத்தொடர், சத்ரி வீச்சு, தேசூரி மலைத்தொடர் மற்றும் போகடா மலைத்தொடர் ஆகும். இருபத்தி இரண்டு கிராமங்கள் இந்தக் காப்பகத்திற்குள் அமைந்துள்ளன. இக்காப்பக மண் பொதுவாக மெல்லியதாக இருக்கும். பெரும்பாலும் மணல், களிமண் அடிப்படை பாறைகள் முக்கியமாக ஆர்க்கியனிலிருந்து உருமாறிய பாறைகளைக் கொண்டவை.[4] காப்பகத்தின் நிலப்பரப்பில் மலைகள், மலையடிவாரம், சமவெளி எனப் பிரிக்கலாம். சமவெளிப் பகுதிகள் பெரும்பாலும் விவசாய இடமாக ஒருங்கிணைக்கப்பட்டுள்ளன.

விலங்கினங்கள்

[தொகு]

கும்பல்கர் வனவிலங்கு சரணாலயத்தில் இந்திய ஓநாய், இந்தியச் சிறுத்தை, தேன் கரடி, வரிக் கழுதைப் புலி, பொன்னிறக் குள்ளநரி, காட்டுப்பூனை, கடமான், நீலான், நாற்கொம்பு மான், இந்தியச் சிறுமான் மற்றும் இந்தியக் குழிமுயல் ஆகியவை காணப்படுகின்றன. சிறுத்தை சரணாலயத்தில் உச்ச வேட்டையாடும் உயிரினமாக உள்ளது . கும்பால்கரில் உள்ள பறவைகளில் சாம்பல் காட்டுப்பறவைகளும் அடங்கும்.[5] நீர்நில வாழ் உயிரினங்களில் பொதுவான தேரை, இந்தியப் புதர்த் தவளையும், எலி பாம்பு, இந்திய நாகப்பாம்பு போன்ற ஊர்வனவையும் அடங்கும். கட்லா, மகசீர் போன்ற மீன் இனங்களும் அல்சியா, பன்வார் மற்றும் டானின் போன்ற முதுகெலும்பற்ற விலங்குகள் காணப்படுகின்றன.[6]

மேலும் காண்க

[தொகு]

மேற்கோள்கள்

[தொகு]
  1. ↑ "Wildlife Sanctuaries". Retrieved 22 December 2021.
  2. ↑ Bohra, Padma (2013). "Kumbhalgarh Wildlife Sanctuary: An Overview". Faunal Exploration of Kumbhalgarh Wildlife Sanctuary Rajasthan. Conservation Area Series, 47. Kolkata: Zoological Survey of India. pp. 1–5. ISBN 978-81-8171-350-6.
  3. ↑ Negi, S. S. (2002). Handbook of National Parks, Wildlife Sanctuaries and Biosphere Reserves in India (Third ed.). Indus Publishing. p. 151. ISBN 978-81-7387-128-3.
  4. ↑ Hatui, Kalyanbrata (2016). "Meso- and micro-scopic structures and Metamorphism from South Delhi Fold Belt, Rajasthan, India: An analysis". Seminar Abstract Volume: Developments in Geosciences in the Past Decade - Emerging Trends for the Future & Impact on Society & Annual General Meeting of the Geological Society of India, 2016. Department of Geology & Geophysics, Indian Institute of Technology Kharagpur. pp. 227–229.
  5. ↑ "Grey Junglefowl Gallus sonneratii". Handbook of the Birds of the World. Archived from the original on 14 July 2018.
  6. ↑ "Kumbhalgarh Wildlife Sanctuary » Naparks" (in அமெரிக்க ஆங்கிலம்). 2024-07-14. Retrieved 2024-08-03.

வெளி இணைப்புகள்

[தொகு]