சஹாரா கதுன்

சஹாரா கதுன் வங்களாதேச அரசியல்வாதி மற்றும் முன்னாள் அமைச்சரவை அமைச்சராவார்.^[1] கதுன் ஜாதியோ சங்சாத் (வங்காளதேச நாடளுமன்றம்),^[2] மற்றும் அவாமி லீக்கின் முன்னாள் சட்ட செயலாளர் ஆவார்.^[3]

ஆரம்ப கால வாழ்க்கை

1943 மார்ச் 1 ஆம் தேதி டாக்காவின் குர்மிடோலாவில் அப்துல் அஜீஸ் மற்றும் துர்ஜன் நேசா ஆகியோருக்கு கதுன் பிறந்தார்.^[4] இவர் கலைப்பட்டதாரி மற்றும் சட்டங்களில் இளையர் பட்டங்களை முடித்தார். இவர் வங்களாதேச அவாமி லீக்கின் செயற்குழு உறுப்பினர், வங்களாதேசத்தின் அவாமி அஞ்சிபி பரிஷத்தின் நிறுவனத் தலைவர் மற்றும் வங்களாதேச மஹிலா சமிட்டியின் பொதுச் செயலாளர், அத்துடன் சர்வதேச பெண்கள் வழக்கறிஞர்கள் சங்கம் மற்றும் சர்வதேச மகளிர் கூட்டணியின் உறுப்பினராகவும் உள்ளார். இவர் ஒரு வழக்கறிஞராக தனது வாழ்க்கையைத் தொடங்கினார். வங்காளதேச உச்சநீதிமன்றத்தில் வழக்குகளுக்கு வாதாடியுள்ளார்.

அரசியல் வாழ்க்கை

கதுன் தனது மாணவ பருவத்திலிருந்தே அரசியலில் ஈடுபட்டுள்ளார்.^[1] இவர் தற்போது நாடாளுமன்ற உறுப்பினர் ^[2]மற்றும் வங்களாதேச அரசாங்கத்தின் அஞ்சல் மற்றும் தொலைத்தொடர்பு அமைச்சராக உள்ளார்.^[5] 2012 ஆம் ஆண்டு அமைச்சரவை மறுசீரமைப்பில், உள்துறை அமைச்சராக இருந்த இவர் விடுவிக்கப்பட்டு வங்களாதேச அரசாங்கத்தின் அஞ்சல் மற்றும் தொலைத் தொடர்பு அமைச்சராக நியமிக்கப்பட்டார்.

பொதுத் தேர்தல்கள், 1991

1991 ஆம் ஆண்டில் 5 வது நாடாளுமன்றத் தேர்தலில் அவாமி லீக் வேட்பாளராக போட்டியிட்டபோது, ​​தேசிய அரசியல் களத்தில் நுழைந்த கதுன், வங்காளதேச தேசியக் கட்சியின் காலிதா சியாவால் தோற்கடிக்கப்பட்டார். பின்னர் அவர் வங்களாதேசத்தின் பிரதமரானார்.^[1]

பொதுத் தேர்தல்கள், 2008

அப்போதைய பிரதமர் ஷேக் அசீனா கைது செய்யப்பட்டவுடன் கதுன் மீண்டும் அரசியலுக்கு வந்தார். அசீனாவுக்கு ஆதரவாக ஒரு சட்ட மற்றும் அரசியல் போரைத் தூண்டுவதற்கு காரணமான முன்னோடிகளில் கதுன் ஒருவராக இருந்தார். காடூக்கர் அரசாங்கத்தின் ஆட்சியில் அரசியல் ரீதியாக ஊக்கமளித்த குற்றங்களுக்காக கதுன் மீது குற்றம் சாட்டப்பட்டது.^[6]

2008 வங்களாதேச பொதுத் தேர்தலுக்கு முன்னதாக, இவர் டாக்கா -18 தொகுதியில் அவாமி லீக் வேட்பாளராக தேர்வு செய்யப்பட்டார். சாலைகளை புனரமைப்பதாகவும், அப்பகுதியில் வடிகால் அமைப்பை மேம்படுத்துவதாகவும் சஹாரா கதுன் தனது தொகுதியில் உள்ள மக்களுக்கு உறுதியளித்தார். இறுதியில் அவர் தேர்தலில் வெற்றி பெற்றார்.^[1][2] பின்னர் வங்களாதேச அரசாங்கத்தின் உள்துறை அமைச்சராக நியமிக்கப்பட்டார். இவர் 6 ஜனவரி 2009 அன்று பதவியேற்றார்.^[7] 2012 ஆம் ஆண்டு அமைச்சரவை மறுசீரமைப்பில், அவர் உள்துறை அமைச்சர் பதவியில் விடுவிக்கப்பட்டு வங்களாதேச அரசாங்கத்தின் அஞ்சல் மற்றும் தொலைத் தொடர்பு அமைச்சராக நியமிக்கப்பட்டார்.^[5]

அமைச்சர் பதவியில்

உள்துறை அமைச்சராக இருந்த கதுனின் பதவிக்காலம் பின்வரும் சர்ச்சைகளால் பாதிக்கப்பட்டது.

பி.டி.ஆர். கலகம்

2009 பி.டி.ஆர் கலகத்தின் போது, எல்லைகளுக்கு பொறுப்பான துணை ராணுவப் படையான வங்களாதேச ரைபிள்ஸின் அதிகாரிகளுக்கு எதிராக கலகம் செய்த கலவரக்காரர்களுடன் பேச்சுவார்த்தை நடத்தும் தூதுக்குழுவிற்கு கதுன் தலைமை தாங்கினார்.^[8] பேச்சுவார்த்தைக்காக, கலவரக்காரர்களை சந்திக்க இவர் பங்களாதேஷ் ரைபிள்ஸ் வளாகத்திற்குள் சென்றார்.

இந்த கலவரத்தின் விளைவாக இராணுவத்தின் 53 உயர் அதிகாரிகள் மற்றும் 3 குடும்ப உறுப்பினர்கள் கொல்லப்பட்டனர்.^[9]

பங்களாதேஷ் ரைபிள்ஸ் உள்துறை அமைச்சகத்தின் ^[10] அதிகார வரம்பிற்குள் வருவதால், படுகொலை ஏற்பட்டதற்கு சஹாரா கதுன் குற்றம் சாட்டப்பட்டார்.

எவ்வாறாயினும், அதிகாரப்பூர்வமாக, சஹாரா கதுன் ஒரு பேச்சுவார்த்தையை நடத்துவதில் அவர் மேற்கொண்ட முயற்சிகளுக்கு பாராட்டப்பட்டார். மேலும் கலவரக்காரர்கள் சரணடைந்தபோது இன்னும் பிணைக் கைதிகளாக இருந்த சுமார் 40 அதிகாரிகளை காப்பாற்ற முடிந்தது.^{[சான்று தேவை]}

மேலும், கைது செய்யப்பட்ட கலவரக்காரர்கள் சோதனைகளுக்கு முன்னர் காவலில் இருந்தபோது மர்மமான மரணங்களால் இவரது அமைச்சகம் ஆய்வுக்கு உட்பட்டது^[11]

மேற்கோள்கள்

1. "About Honourable Minister". Ministry of Home Affairs. MHA. Archived from the original on 27 September 2011. Retrieved 11 April 2011.
2. "List of 9th Parliament Members". Bangladesh Parliament. Archived from the original on 4 மார்ச்சு 2016. Retrieved 11 April 2011. {{cite web}}: Check date values in: |archive-date= (help)
3. "Bangladesh Awami League – Central Committee". Bangladesh Awami League. Archived from the original on 29 June 2011. Retrieved 11 April 2011.
4. "Profile of Ministers". The Daily Star இம் மூலத்தில் இருந்து 2013-01-26 அன்று. பரணிடப்பட்டது.. https://web.archive.org/web/20130126034248/http://www.thedailystar.net/profile/index.htm. பார்த்த நாள்: 2018-11-27. 
5. "Minister Message". Ministry of Posts & Telecommunications. Archived from the original on 29 March 2013.
6. Kumar, Anand (18 April 2007). "Bangladesh: Caretaker Government Targets Dynastic Politics". South Asia Analysis Group. Archived from the original on 13 June 2010. Retrieved 11 April 2011.
7. "The President appointed Sheikh Hasina as the Prime Minister". Bangabhaban. Archived from the original on 4 September 2011. Retrieved 11 April 2011.
8. Manik, Julfiker Ali (26 February 2009). "Mutiny, bloodshed at BDR HQ". The Daily Star. http://www.thedailystar.net/newDesign/news-details.php?nid=77491. பார்த்த நாள்: 14 April 2011. 
9. Manik, Julfiker Ali (3 March 2009). "6, not 72, army officers missing". The Daily Star. http://www.thedailystar.net/story.php?nid=78206. பார்த்த நாள்: 14 April 2011. 
10. "Border Guard Bangladesh". MHA. Archived from the original on 5 July 2007. Retrieved 14 April 2011.
11. "BDR men killed one after another in the custody after mutiny". Modern Ghana. Retrieved 3 April 2016.