தனித் தகவல் | |||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
பிறப்பு | 27 திசம்பர் 1996 | ||||||||||||||||||||||||
உயரம் | 173 செ.மீ[1] | ||||||||||||||||||||||||
விளையாடுமிடம் | நடுக்களம் | ||||||||||||||||||||||||
Club information | |||||||||||||||||||||||||
தற்போதைய சங்கம் | பெட்ரோலிய விளையாட்டு மேம்பாட்டு வாரியம் | ||||||||||||||||||||||||
தேசிய அணி | |||||||||||||||||||||||||
2018– | இந்தியா | 47 | (13) | ||||||||||||||||||||||
பதக்க சாதனை
| |||||||||||||||||||||||||
Last updated on: 24 சூலை 2021 |
சிம்ரஞ்சித் சிங் (Simranjeet Singh) இந்தியாவைச் சேர்ந்த ஒரு வளைகோல் பந்தாட்ட விளையாட்டு வீரராவார். 1996 ஆம் ஆண்டு திசம்பர் மாதம் 27 ஆம் தேதியன்று இவர் பிறந்தார். இந்திய ஆண்கள் வளைகோல் பந்தாட்ட அணியில் நடுக்கள வீரராக சிம்ரஞ்சித் சிங் விளையாடி வருகிறார். 2020 டோக்கியோ கோடைக்கால ஒலிம்பிக் போட்டிகளில் பங்கேற்கும் இந்திய அணியில் இடம்பெற்றுள்ளார்.
2016 ஆம் ஆண்டு நடைபெற்ற இளையோர் உலகக் கோப்பை வளைகோல் பந்தாட்டப் போட்டியில் வெற்றி பெற்ற இந்திய அணியில் இவரும் ஓர் உறுப்பினராக இருந்தார்.[2] 2018 ஆம் ஆண்டு முதல் இந்திய மூத்தோர் அணியில் இடம்பெற்று விளையாடி வருகிறார். இதே ஆண்டு நடைபெற்ற வெற்றியாளர் கோப்பைப் போட்டியில் வெள்ளிப்பதக்கம் வென்ற இந்திய அணியில் சிம்ரஞ்சித் சிங் ஓர் உறுப்பினராக இருந்தார்.
சலந்தர் நகரத்தில் அமைந்துள்ள சுர்சித் வளைகோல் பந்தாட்டப் பயிற்சிப் பள்ளியில் சிம்ரஞ்சித் சிங் பயிற்சி பெற்றார்.[3] இவருடைய உறவினர் குர்சந்து சிங்கும் ஒரு பன்னாட்டு வளைகோல் பந்தாட்ட வீரராவார்.[4]