சூரல்

சூரல்
Ziziphus oenoplia
உயிரியல் வகைப்பாடு
திணை:	தாவரம்
தரப்படுத்தப்படாத:	பூக்கும் தாவரம்
தரப்படுத்தப்படாத:	இருவித்திலைத் தாவரம்
தரப்படுத்தப்படாத:	ரோசிதுகள்
வரிசை:	Rosales
குடும்பம்:	Rhamnaceae
பேரினம்:	Ziziphus
இனம்:	Z. oenoplia
இருசொற் பெயரீடு
Ziziphus oenoplia (L.) Mill.
வேறு பெயர்கள்
Rhamnus oenoplia L.

சூரல் என்பது முள் இருக்கும் காட்டுப் புதர்ச்செடி. சங்ககால மகளிர் குவித்து விளையாடியதாகக் கூறும் 99 மலர்களில் இதுவும் ஒன்று.^[1]

நாட்டுப்புறங்களில் வாழும் மக்கள் சூரல் முள்ளை வெட்டிக் கவைக்கோலில் மாட்டித் துக்கிக் கொண்டுவந்து வேலியாகப் போட்டுக்கொள்வர்.

பழங்கால நூல்களில் சூரல்

• கடுவன் என்னும் ஆண்குரங்கு ஒன்று சூரல் கோல் ஒன்றைக் கையில் வைத்துக்கொண்டு பாறையில் மாரிக்காலத்தில் கொட்டிக்கிடந்த மலர்மொட்டுகளைப் புடைத்து விளையாடியதாம்.^[2]
• ஆற்றுவழிப் பாதையில் சூரல் வேலிபோல் அமைந்திருக்கும் ^[3]
• காடுகளைக் கடந்துசெல்ல வழி விடாமல் ஈங்கை முள்ளும், சூரல் முள்ளும் பின்னிப் பிணைந்து கிடக்கும்.^[4]
• பாலைநிலச் சூரலில் இருந்துகொண்டு அணில் பிளிற்றும். ஊர்ச்சேவல் இதல் என்னும் காட்டுக்கோழியோடு கூடி விளையாடும்.^[5]

இவற்றையும் பார்க்க

சங்ககால மலர்கள்

வெளியிணைப்புகள்

• சூரல்

அடிக்குறிப்பு

1. குறிஞ்சிப்பாட்டு (பாடல் அடி 71)
2. ஐங்குறுநூறு 275
3. சூரல் மிளைஇய சாரல் ஆர் ஆறு - அகம் 228-9
4. கொடுமுள் ஈங்கை சூரலொடு மிடைந்த வான்முகை இறும்பு - அகம் 357

5.  
   சூரல் புறவின் அணில் பிளிற்றும் சூழ்படப்பை
   ஊர்கெழு சேவல் இதலொடு போர் திளைக்கும் - ஐந்திணை எழுபது 35