செர்க்காம்
Serkam | |
---|---|
நாடு | மலேசியா |
மாநிலம் | மலாக்கா |
அரசு | |
• சட்டமன்ற உறுப்பினர் | சைடி பி அத்தான் (2013 - 2018) |
நேர வலயம் | ஒசநே+8 (MST) |
• கோடை (பசேநே) | பயன்பாடு இல்லை |
அஞ்சல் குறியீடு | 77300 |
இடக் குறியீடு | 06 |
செர்க்காம் (ஆங்கிலம், மலாய் மொழி: Serkam) என்பது மலேசியா, மலாக்கா, சாசின் மாவட்டத்தில் அமைந்து இருக்கும் ஒரு சிறுநகரமாகும். இந்த நகரம் மலாக்கா மாநகரத்தில் இருந்து 18 கி.மீ.; சாசின் நகரத்தில் இருந்து 24 கி.மீ.; மூவார் நகரத்தில் இருந்து 27 கி.மீ.;தொலைவில் இருக்கிறது.
செர்க்காம் நகருக்கு அருகில், மலாக்கா நீரிணைக் கடற்கரையோரம், உம்பாய் எனும் ஒரு சிறுநகரம் இருக்கிறது. ஈக்கான் பாக்கார் என அழைக்கப்படும் மீன் வாட்டல் உணவிற்குப் பெயர் பெற்ற இடம்.[1][2] தொலைதூர கோலாலம்பூர், சிங்கப்பூர் இடங்களில் இருந்து சுற்றுப் பயணிகள் வருகை தருகின்றனர். அருகாமையில் இருக்கும் சாசின் நகர மக்களும் இந்த மீன் உணவுக்காக வருகை தருகின்றனர்.[3]
முன்பு காலத்தில், இங்கு நிறைய ரப்பர் தோட்டங்கள் இருந்தன. அந்தத் தோட்டங்களில் நிறைய தமிழர்களைக் காண முடிந்தது. அண்மையக் காலங்களில் இந்தப் பகுதி தொழில்துறை சிறுநகரமாக மாறி வருவதால், தமிழர்களின் மக்கள் தொகையும் குறைந்து வருகிறது.