| சேம்சு டி. காலன் | |
|---|---|
| துறை | அறிவாற்றல் விஞ்ஞானம் |
| பணியிடங்கள் | கலிபோர்னியா பல்கலைக்கழகம் (சான் டியேகோ) நியூ மெக்சிகோ பல்கலைக்கழகம் |
| கல்வி கற்ற இடங்கள் | புளோரிடா பல்கலைக்கழகம் இசுட்டான்போர்டு பல்கலைக்கழகம் |
| அறியப்படுவது | கணக்கீட்டு அடிப்படையிலான ஊடகம் தொடர்பான அவரது ஆய்வு |
| விருதுகள் | கணிமைப் பொறிகளுக்கான சங்கம் கணினி-மனித தொடர்பு பற்றிய சிறப்பு ஆர்வக் குழு வாழ்நாள் ஆராய்ச்சி விருது (2015) |
சேம்சு டி. காலன் (James D. Hollan) அமெரிக்கா நாட்டின் கலிபோர்னியா மாநிலத்தில் உள்ள சான்டியேகோ நகரில் உள்ள கலிபோர்னியா பல்கலைக்கழகத்தின் அறிவாற்றல் அறிவியல் பேராசிரியராகவும், கணினி அறிவியலின் துணைப் பேராசிரியராகவும் உள்ளார். பேராசிரியர் எட்வின் கட்சின்சுடன் இணைந்து, இவர் கலிபோர்னியா பல்கலைக்கழகத்தின் விநியோகிக்கப்பட்ட அறிவாற்றல் மற்றும் மனிதனுக்கும் கணினிக்குமான தொடர்பு ஆய்வகத்தை இயக்குகிறார். மேலும் வடிவமைப்பு ஆய்வகத்தை துணையாக இயக்குகிறார். காலன் நகல் நிறுவனத்தின் அங்கமாக செயல்பட்டு வரும் பாராக் நிறுவனம் மற்றும் பெல்கோர் நிறுவனத்திலும் பணிபுரிந்தார். 2003 ஆம் ஆண்டு கணினிக்கும் மனித தொடர்புக்குமான அகாடமிக்குத் தேர்ந்தெடுக்கப்பட்டார். [1] மேலும் 2015 ஆம் ஆண்டு கணிமைப் பொறிகளுக்கான சங்கம் கணினி-மனித தொடர்பு பற்றிய சிறப்பு ஆர்வக் குழு வாழ்நாள் ஆராய்ச்சி விருதைப் பெற்றார். [2]
இவரது ஆராய்ச்சி கணக்கீட்டு அடிப்படையிலான ஊடகங்களின் அறிவாற்றல் விளைவுகளை ஆராய்கிறது. பயனுள்ள அமைப்பு வடிவமைப்பிற்கான அடிப்படையாக மாறும் ஊடாடும் பிரதிநிதித்துவங்களின் அறிவாற்றல் மற்றும் கணக்கீட்டு பண்புகளை புரிந்துகொள்வதே இந்த ஆராய்ச்சியின் குறிக்கோள் ஆகும். இவரது தற்போதைய பணி அறிவாற்றல் இனவியல், கணினி-மத்தியசுத தொடர்பு, விநியோகிக்கப்பட்ட அறிவாற்றல், மனித-கணினி தொடர்பு, தகவல் காட்சிப்படுத்தல், பலதரப்பட்ட மென்பொருள் மற்றும் காணொளி தரவை பகுப்பாய்வு செய்வதற்கான கருவிகளில் கவனம் செலுத்துகிறது.
இவரது தற்போதைய ஆராய்ச்சிக்கு தேசிய அறிவியல் அறக்கட்டளை, இன்டெல், நிசான் மற்றும் கலிபோர்னியா பல்கலைக்கழகத்தின் எண்ணிமம் மீடியா கண்டுபிடிப்பு திட்டத்தால் நிதியளிக்கப்படுகிறது. சமீபத்தில் முடிக்கப்பட்ட ஆராய்ச்சிக்கு தர்பா, இன்டெல், என்.எசு.எப் மற்றும் சோனி நிறுவனங்கள் நிதியளித்துள்ளன.
புளோரிடா பல்கலைக்கழகத்தில் அறிவாற்றல் உளவியலில் முனைவர் பட்டம் மற்றும் இசுட்டான்போர்டு பல்கலைக்கழகத்தில் செயற்கை நுண்ணறிவில் முதுகலை கூட்டுறவை முடித்த பிறகு, காலன் ஒரு பத்தாண்டு காலமாக சான் டியாகோவின் கலிபோர்னியா பல்கலைக்கழகத்தில் ஆராய்ச்சி பீடத்தில் இருந்தார். எட்வின் கட்சின்சு மற்றும் டொனால்டு நார்மன் ஆகியோருடன் இணைந்து, சான்டியேகோ நகரில் உள்ள கலிபோர்னியா பல்கலைக்கழகத்தில் உள்ள அறிவாற்றல் அறிவியலுக்கான நிறுவனத்தில் நுண்ணறிவு அமைப்புகள் குழுவையும், கடற்படை பணியாளர்கள் பணியகம் எதிர்கால தொழில்நுட்பக் குழுவையும் வழிநடத்தினார். மைக்ரோ மின்னணுவியல் மற்றும் கணினி தொழில்நுட்ப கழக மனித இடைமுக ஆய்வகத்தின் இயக்குநராக சான்டியேகோ நகரில் உள்ள கலிபோர்னியா பல்கலைக்கழகத்தினை விட்டு வெளியேறிய காலன், பின்னர் பெல்கோரில் கணினி வரைகலை மற்றும் ஊடாடும் ஊடக ஆராய்ச்சி குழுவை நிறுவினார். 1993 ஆம் ஆண்டு, கணினி அறிவியல் துறையின் தலைவராக நியூ மெக்சிகோ பல்கலைக்கழகத்திற்குச் சென்றார். 1997 ஆம் ஆண்டு, காலன் மீண்டுன் சான்டியேகோ நகரில் உள்ள கலிபோர்னியா பல்கலைக்கழகத்தில் அறிவாற்றல் அறிவியல் பேராசிரியராகத் திரும்பினார்.