ஞான சந்திர கோஷ்

ஞான சந்திர கோஷ்
D.Sc., F.N.I.
ஞான சந்திர கோஷ்
பிறப்பு(1894-09-04)4 செப்டம்பர் 1894
கிரீடிக், புருலியா மாவட்டம், பிரித்தானிய இந்தியாவின் மாகாணங்களும், ஆட்சிப் பகுதிகளும்
இறப்பு21 சனவரி 1959(1959-01-21) (அகவை 64)
கொல்கத்தா, இந்தியா
வேறு பெயர்கள்சர். ஜே. சி கோஷ்
வாழிடம்இந்தியா
தேசியம்இந்தியன்
துறைவேதியியல்
பணியிடங்கள்தாக்கா பல்கலைக்கழகம்
இந்திய அறிவியல் கழகம்
இந்திய தொழில்நுட்பக் கழகம் கரக்பூர்
கொல்கத்தா பல்கலைக்கழகம்
கல்வி கற்ற இடங்கள்ராஜபசார் அறிவியல் கல்லூரி
(கொல்கத்தா பல்கலைக்கழகம்)
கற்கை ஆலோசகர்கள்பிரபுல்லா சந்திர ராய்
அறியப்படுவதுவலுவான எலக்ட்ரோலைட்டுகளின் ஒழுங்கின்மை
விருதுகள்பத்ம பூசண்

சர் ஞான சந்திர கோஷ் (Sir Jnan Chandra Ghosh) (4 செப்டம்பர் 1894 – 21 சனவரி 1959) இவர் ஓர் இந்திய வேதியியலாளர் ஆவார். இந்தியாவில் அறிவியல் ஆராய்ச்சி, தொழில்துறை மேம்பாடு மற்றும் தொழில்நுட்பக் கல்வியின் வளர்ச்சியில் இவர் செய்த பங்களிப்புக்கு மிகவும் பிரபலமானவர்.[1] இவர் முதல் முறையாக இந்தியத் தொழில்நுட்பக் கழகத்தை முன்மொழிந்தார். மேலும் 1951 இல் புதிதாக உருவாக்கப்பட்ட கரக்பூர், இந்திய தொழில்நுட்பக் கழகத்தின் இயக்குநராகப் பணியாற்றினார். பெங்களூரு இந்திய அறிவியல் கழகத்தின் இயக்குநராகவும் , கொல்கத்தா பல்கலைக்கழக துணைவேந்தராகவும் இருந்தார்.

வலுவான எலக்ட்ரோலைட்டுகளின் ஒழுங்கின்மை மற்றும் விலகல் - அயனியாக்கம் கோட்பாட்டின் வளர்ச்சிக்காகவும் இவர் அறியப்பட்டார்.[2][3]

பங்களிப்புகள்

[தொகு]

ஜே.சி. கோஷின் மற்ற முக்கியமான பங்களிப்புகளில் துருவப்படுத்தப்பட்ட ஒளியின் செல்வாக்கின் கீழ் ஒளிச்சேர்க்கையாளர்களைப் பற்றிய விரிவான ஆய்வு மற்றும் ஹைட்ரோகார்பன்களின் தொகுப்புக்கான பிஷ்ஷர்-டிராப்ஸ் எதிர்வினையின் முன்னேற்றங்கள் ஆகியவை அடங்கும்.[4][5] திடமான வினையூக்கிகளின் முறையான ஆய்வுக்கான கருவியாக வேறுபட்ட வெப்ப பகுப்பாய்வு (டி.டி.ஏ) பயன்பாட்டுத் துறையில் முனைவர் கோஷ் பங்களிப்பு செய்தார்.

பாஸ்பேடிக் உரங்கள், அம்மோனியம் சல்பேட், ஃபார்மால்டிஹைட், பொட்டாசியம் குளோரேட் போன்றவற்றின் இந்திய மூலப்பொருட்களிலிருந்து உற்பத்தி தொடர்பான தொழில்நுட்ப சிக்கல்கள் குறித்த ஆராய்ச்சி பணிகளையும் இவர் வெற்றிகரமாக வழிநடத்தினார். விஞ்ஞான ஆராய்ச்சி, தொழில்நுட்ப கல்வி மற்றும் தொழில்துறை மேம்பாடு ஆகியவற்றில் தனது சுறுசுறுப்பான வாழ்க்கையின் போது, தாக்கா பல்கலைக்கழகத்தில் வேதியியல் துறைத் தலைவராகவும், பெங்களூரில் உள்ள இந்திய அறிவியல் கழக இயக்குநராகவும், இந்திய தொழில்நுட்பக் கழகத்தின் இயக்குநராகவும், துணை அதிபராகவும் இருந்தார். கொல்கத்தா பல்கலைக்கழகத்தின், மற்றும் இந்திய அரசாங்கத்தின் தொழில்கள் மற்றும் தலைமை விநியோக இயக்குநராகவும் இருந்தார்.

கல்வி

[தொகு]

ஞான சந்திர கோஷ் பிரிட்டிசு இந்தியாவின் புருலியா மாவட்டத்திற்கு அருகிலுள்ள கிரிடிக் என்ற இடத்தில் இராம் சந்திர கோஷ் என்பவருக்குப் பிறந்தார்.[6] ஜே.சி. கோஷ் மைக்கா சுரங்க உரிமையாளர் மற்றும் மைக்கா வணிகரின் குடும்பத்தைச் சேர்ந்தவராவார். கிரிடிக் உயர்நிலைப் பள்ளியில் தனது ஆரம்ப பள்ளிப்படிப்பைப் பெற்றார். அங்கு இவர் 1909 இல் சோட்நாக்பூர் பிரிவில் முதலிடம் பிடித்தார். பின்னர் மாநிலப் பல்கலைக்கழகத்தில் சேர்ந்து சிறந்த விஞ்ஞானிகளாக மாறிய சிறந்த மாணவர்களில் ஒருவராக இருந்தார்.

1911 ஆம் ஆண்டில், ஞான சந்திர கோஷ் கல்லூரித்தேர்வில் நான்காவது இடத்தைப் பெற்றார். தேர்வில், அவரது மற்ற பிரபல வகுப்பு தோழர்கள் சத்யேந்திரநாத் போசு முதலிடத்திலும், மேக்னாத சாகா மூன்றாம் இடத்தையும் பெற்றனர்.[7]

இவர் ஆச்சார்யா பிரபுல்லா சந்திரராயின் எழுச்சியூட்டும் செல்வாக்கின் கீழ் இளங்கலை அறிவியல் மற்றும் முதுகலை வேதியியல் ஆகிய இரண்டிலும் முதல் வகுப்பில் தேர்ச்சிப் பெற்றார். முடிவுகள் வெளிவருவதற்கு முன்பே கல்கத்தா பல்கலைக்கழக துணைவேந்தர் சர் அசுதோஷ் முகர்சி ஞான கோஷை விரிவுரையாளராக சேர அழைத்தார். இவரது முதுகலைக்குப் பிறகு,. கொல்கத்தாவில் புதிதாக நிறுவப்பட்ட ராஜபஜார் அறிவியல் கல்லூரியின் வேதியியல் துறையின் விரிவுரையாளராக நியமிக்கப்பட்டார்.

சர் தாரக் நாத் பாலித் உதவித்தொகை மற்றும் ஆண்டின் பிரேம்சந்த் ரேச்சந்த் சிறந்த மாணவர் விருது ஆகிய இரண்டும் லண்டனில் உள்ள பல்கலைக்கழக அறிவியல் கல்லூரியில் முனைவர் பட்டத்திற்காக இங்கிலாந்து செல்ல உதவியது.[8]

ஆராய்ச்சி

[தொகு]

லண்டனில், ஒளியியல் வேதியியலின் பல்வேறு பிரச்சினைகள் குறித்த ஆராய்ச்சியை மேற்கொண்ட இவர், வலுவான எலக்ட்ரோலைட்டுகளின் ஒழுங்கின்மை கோட்பாடு மற்றும் அயனியாக்கம் கோட்பாட்டை வெளிப்படுத்த வழிவகுத்தார். இவரது விஞ்ஞான ஆராய்ச்சி மேக்ஸ் பிளாங்க், வில்லியம் பிராக் மற்றும் வால்டர் நெர்ன்ஸ்ட் போன்ற பல பிரபல விஞ்ஞானிகளிடமிருந்து பாராட்டுகளைப் பெற்றது.[9] 1918 இல், வலுவான எலக்ட்ரோலைட்டுகள் பற்றிய இவரது ஆராய்ச்சிக்காக பட்டம் கிடைத்தது. இவர் லண்டனில் தங்கியிருந்த காலத்தில், பிரடெரிக் ஜி. டோனனின் கீழ் சிறிது காலம் பணியாற்றினார்.

தொழில்

[தொகு]
கொல்கத்தா பல்கலைக்கழகத்தின் மற்ற விஞ்ஞானிகளுடன் ஞான சந்திர கோஷ்

1955 மே முதல், முனைவர் கோஷ் திட்டமிடல் ஆணையத்தின் உறுப்பினராக மிகுந்த தனித்துவத்துடன் பணியாற்றினார். இரண்டாம் ஐந்தாண்டுத் திட்டத்தை தயாரிப்பதற்கான அனைத்து நிலைகளிலும் பங்கேற்ற இவர், பல்வேறு நிலைகளில் தொழில்நுட்பக் கல்விக்கான வசதிகளை விரிவுபடுத்துவதற்கான திட்டங்களை வகுப்பதில் பெரும் பங்கைக் கொண்டிருந்தார். இவர் 1959 சனவரி 21, அன்று இறந்தார்.[10]

குறிப்புகள்

[தொகு]
  1. ↑ The Shaping of Indian Science: Indian Science Congress Association Presidential Addresses, Vol 1: 1914-1947, Universities Press (India) Private Limited, 2003, p. 457, ISBN 978-81-7371-432-0
  2. ↑ F.I.C, Henry J. S. Sand D. Sc Ph D. (1923-02-01). "XXVI. On the anomaly of strong electrolytes with special reference to the theories of J. C. Ghosh". The London, Edinburgh, and Dublin Philosophical Magazine and Journal of Science 45 (266): 281–292. doi:10.1080/14786442308634114. பன்னாட்டுத் தர தொடர் எண்:1941-5982. 
  3. ↑ F.I.C, Henry J. S. Sand D. Sc Ph D. (1923-01-01). "IX. On the anomaly of strong electrolytes with special reference to the theories of J.C. Ghosh". The London, Edinburgh, and Dublin Philosophical Magazine and Journal of Science 45 (265): 129–144. doi:10.1080/14786442308634096. பன்னாட்டுத் தர தொடர் எண்:1941-5982. 
  4. ↑ GHOSH, J. C.; SASTRY, S. L. (October 1945). "Chromium Oxide as a Promoter in Catalysts for the Fischer-Tropsch Synthesis". Nature 156 (3965): 506. doi:10.1038/156506b0. பன்னாட்டுத் தர தொடர் எண்:1476-4687. Bibcode: 1945Natur.156..506G. 
  5. ↑ GHOSH, J. C.; SASTRI, M. V. C. (1951). "The Adsorption of Synthesis Gas and ITS Components on Fischer—Tropsch Catalysts". Current Science 20 (12): 316–318. 
  6. ↑ Ray, N. R. (1990), Dictionary of National Biography (Supplement) Vol II (E-L), Institute of Historical Studies, p. 55
  7. ↑ Bose, S (1994), S N Bose : The Man and His Work Part II : Life, Lectures and Addresses, Miscellaneous Pieces, S N Bose National Center for Basic Science, p. 20
  8. ↑ Das Gupta, Jyoti Bhusan, ed. (2007), History of Science, Philosophy and Culture in Indian Civilization: v. XV, Pt. 1: Science, Technology, Imperialism and War, Pearson Education India, p. 830
  9. ↑ The Shaping of Indian Science: Indian Science Congress Association Presidential Addresses, Vol 1: 1914-1947, Universities Press (India) Private Limited, 2003, p. 458, ISBN 978-81-7371-432-0
  10. ↑ [1] Planning Commission Notification, Jan 23, 1959

வெளி இணைப்புகள்

[தொகு]