தகான் ஆறு

4°23′N 102°24′E / 4.383°N 102.400°E / 4.383; 102.400

தகான் ஆறு
Tahan River
Sungai Tahan
அமைவு
நாடு மலேசியா
சிறப்புக்கூறுகள்
மூலம்தித்திவாங்சா மலைத்தொடர்
 ⁃ அமைவுதாமான் நெகாரா
முகத்துவாரம்பகாங்: குவாந்தான், தென்சீனக் கடல்
வடிநில சிறப்புக்கூறுகள்
பாயும் வழிகுவாந்தான் மாவட்டம், லிப்பிஸ் மாவட்டம், பெக்கான் மாவட்டம், கோலா தகான், கோலா தெம்பிலிங்,
வடிநிலம்குவாந்தான்;

தகான் ஆறு; (மலாய்: Sungai Tahan; ஆங்கிலம்: Tahan River) என்பது மலேசியாவின் நீளமான ஆறுகளில் ஒன்றாகும். மலேசியாவின் பகாங் மாநிலத்தின் தித்திவாங்சா மலைத்தொடரில் (Titiwangsa Mountains) உருவாகி தாமான் நெகாரா (Taman Negara) எனும் தேசியப் பூங்கா வழியாகச் சென்று தென் சீனக் கடலில் (South China Sea) கலக்கிறது.

கோலா தகான் எனும் கிராமப்புர நகரத்தின் பெயர் இந்த ஆற்றுக்கு வைக்கப்பட்டு உள்ளது. இந்த நதி தீபகற்ப மலேசியாவின் மிக உயரமான மலையான தகான் மலையில் உருவாகிறது.

பொது

[தொகு]

தகான் மலை

[தொகு]

குனோங் தகான் அல்லது தகான் மலை (Mount Tahan); தீபகற்ப மலேசியாவில் மிக உயர்ந்த மலையாகும். மலேசியாவில் குனோங் தகான் என்றே பரவலாக அழைக்கப் படுகிறது. பகாங், ஜெராண்டுட் நகரில் இருந்து 76 கி.மீ. தொலைவில் இருக்கிறது.

தகான் மலையின் உயரம் 2,187 மீட்டர், (7,174 அடி). இந்த மலை தகான் மலைத்தொடரில் அமைந்து இருக்கிறது.

தென்னாசெரிம் மலைத்தொடர்

[தொகு]

தகான் மலைத்தொடர் என்பது தெனாசிரிம் மலைத்தொடரில் ஒரு பகுதியாகும். தென்னாசிரிம் மலைத்தொடர் என்பது தென்கிழக்காசியாவில் 1,700 கி.மீ. நீளத்திற்கு பர்மா, தாய்லாந்து, தீபகற்ப மலேசியா நாடுகளில் படர்ந்து இருக்கும் ஒரு மலைத்தொடராகும்.[1]

தீபகற்ப மலேசியாவில் உள்ள மலைகளில் குனோங் தகான் மலையில் ஏறுவதற்கு கடினமாக இருக்கும் என்று மலையேறுபவர்கள் கருத்து கூறுகின்றனர்.[2]

தாமான் நெகாரா

[தொகு]
முதன்மைக் கட்டுரை: தாமான் நெகாரா

தாமான் நெகாரா (Taman Nagara) என்பது ஒரு தேசியப் பூங்காவாகும். 4,343 சதுர கிலோமீட்டர் பரப்பளவைக் கொண்டது. உலகிலேயே மிகப் பழமையான வெப்ப மண்டல மழைக்காடுகளைக் கொண்ட வனப்பூங்கா என்றும் புகழ்பெற்றது. இந்தக் காடுகள் 130 மில்லியன் ஆண்டுகள் பழமையானவை.[3] [4] இங்கு தான் தகான் மலை அமைந்து இருக்கிறது.

கோலா தகான் சிறுநகரில் இருந்து, தகான் மலையை அடைவதற்கு 54 கி.மீ. காட்டுப் பயணப்பாதை உள்ளது. ஏப்ரல், மே, ஜூன், ஜூலை மாதங்களே மலை ஏறுவதற்கு பொருத்தமான காலம் ஆகும். நவம்பர் மாதத்தில் இருந்து ஜனவரி மாதம் வரையிலான மழைக் காலங்களில், மலையேறும் பயணங்கள் ரத்துச் செய்யப் படுகின்றன.

காட்சியகம்

[தொகு]
  • கோலா தகான் பட்டினம்
    கோலா தகான் பட்டினம்
  • தகான் ஆறு
    தகான் ஆறு
  • தாமான் நெகாரா
    தாமான் நெகாரா
  • சுங்கை தெம்பிலிங் ஆறு
    சுங்கை தெம்பிலிங் ஆறு

மேற்கோள்கள்

[தொகு]
  1. ↑ Tenasserim Hills or Tenasserim Range is the geographical name of a roughly 1,700 km long mountain chain, part of the Indo-Malayan mountain system in Southeast Asia.
  2. ↑ Gunung Tahan may not be the highest mountain, but it sure poses one of the most challenging trails in Malaysia.[தொடர்பிழந்த இணைப்பு]
  3. ↑ The Taman Negara is a grandmother to the rest of the world’s rainforests. During the Ice Ages, when immense glaciers covered much of the Earth, Malaysia was blessed with a location far enough away from the ice.
  4. ↑ "Taman Negara is situated in the centre of the Peninsular Malaysia. Covering over 4343 square kilometers of primary forest". Archived from the original on 2009-08-12. பார்க்கப்பட்ட நாள் 2014-12-31.

மேலும் காண்க

[தொகு]

வெளி இணைப்புகள்

[தொகு]

பொதுவகத்தில் Taman Negara National Park பற்றிய ஊடகங்கள்