Other name | NIPER or NIPERs (plural) |
|---|---|
| வகை | பொது தேசிய முக்கியத்துவம் வாய்ந்த நிறுவனங்கள் |
| உருவாக்கம் | 1998 |
| அமைவிடம் | |
| மொழி | ஆங்கிலம் |
தேசிய மருந்தியல் கல்வி மற்றும் ஆராய்ச்சி நிறுவனங்கள் (National Institutes of Pharmaceutical Education and Research) என்பது இந்தியாவில் உள்ள தேசிய அளவிலான மருந்து அறிவியல் நிறுவனங்களின் குழுவாகும். இந்திய அரசு தேசிய மருந்தியல் கல்வி மற்றும் ஆராய்ச்சி நிறுவனங்களைத் தேசிய முக்கியத்துவம் வாய்ந்த நிறுவனங்களாக அறிவித்துள்ளது.[சான்று தேவை] இவை மருந்துகள் துறை, இரசாயனங்கள் மற்றும் உரங்கள் அமைச்சகத்தின் கீழ் தன்னாட்சி அமைப்புகளாகச் செயல்படுகின்றன.
| # | நிறுவனம் | நகரம் | மாநிலம் | நிறுவப்பட்டது | இணையதளம் |
|---|---|---|---|---|---|
| 1 | தேசிய மருந்தியல் கல்வி மற்றும் ஆராய்ச்சி நிறுவனம், எஸ். ஏ. எஸ். நகர் | மொஹாலி | பஞ்சாப் | 1998 | niper.gov.in/ |
| 2 | தேசிய மருந்தியல் கல்வி மற்றும் ஆராய்ச்சி நிறுவனம், அகமதாபாது | அகமதாபாது | குசராத்து | 2007 | niperahm.ac.in/ |
| 3 | தேசிய மருந்தியல் கல்வி மற்றும் ஆராய்ச்சி நிறுவனம், ஹாஜிப்பூர் | ஹாஜிப்பூர் | பீகார் | 2007 | niperhajipur.ac.in/ பரணிடப்பட்டது 2021-06-24 at the வந்தவழி இயந்திரம் |
| 4 | தேசிய மருந்தியல் கல்வி மற்றும் ஆராய்ச்சி நிறுவனம், ஐதராபாத் | ஹைதராபாத் | தெலங்காணா | 2007 | niperhyd.ac.in/ |
| 5 | தேசிய மருந்தியல் கல்வி மற்றும் ஆராய்ச்சி நிறுவனம், கொல்கத்தா | கொல்கத்தா | மேற்கு வங்காளம் | 2007 | niperkolkata.edu.in/ |
| 6 | தேசிய மருந்தியல் கல்வி மற்றும் ஆராய்ச்சி நிறுவனம், குவுகாத்தி | குவுகாத்தி | அசாம் | 2008 | niperguwahati.ac.in/ |
| 7 | தேசிய மருந்தியல் கல்வி மற்றும் ஆராய்ச்சி நிறுவனம், ரேபரேலி | ரேபரேலி | உத்தரப்பிரதேசம் | 2008 | niperraebareli.edu.in/ |
2011ஆம் ஆண்டு சனவரி 20ஆம் தேதி நடைபெற்ற எட்டாவது நிதிக் ஆணையக் கூட்டத்தில், தமிழ்நாட்டின் மதுரையில் தேசிய மருந்தியல் கல்வி மற்றும் ஆராய்ச்சி நிறுவனம் நிறுவப் பரிந்துரைத்தது, இதற்காக தமிழ்நாடு அரசு ஏற்கனவே மதுரையில் 116 ஏக்கர் நிலத்தை ஒதுக்கியுள்ளது. இதற்குப் பிறகும், இத்திட்டம் தொடங்கப்படாமல் உள்ளது.[1] பிப்ரவரி 2015-ல், நிதி அமைச்சர் அருண் ஜெட்லி, ராஜஸ்தான், சத்தீசுகர் மற்றும் மகாராட்டிராவில் மூன்று புதிய தேசிய மருந்தியல் கல்வி மற்றும் ஆராய்ச்சி நிறுவனங்களை அறிவித்தார்.[2] மார்ச் 2015-ல், மகாராட்டிராவின் முதல்வர் தேவேந்திர பத்னாவிசு, மகாராஷ்டிராவின் நாக்பூரில் இந்நிறுவனம் அமையும் என்று அறிவித்தார்.[3] நவம்பர் 2015-ல், அப்போதைய இரசாயனங்கள் மற்றும் உரங்களின் அமைச்சகமான அனந்த் குமார், ராஜஸ்தான் நிறுவனம் ஜலவரில் இருக்கும் என்று அறிவித்தார்.[4] சூலை 2016-ல், குமார் ராஜஸ்தான், சத்தீசுகர் மற்றும் மகாராஷ்டிராவிற்கான திட்டங்களைச் சரிபார்த்தார். அடுத்த நிதியாண்டில் மத்தியப் பிரதேசம், ஆந்திரப் பிரதேசம் மற்றும் கர்நாடகாவில் தேசிய மருந்தியல் கல்வி மற்றும் ஆராய்ச்சி நிறுவனங்களுக்கான திட்டங்களைக் குறிப்பிட்டார்.[5] சனவரி 2016-ல் வெளியிடப்பட்ட முந்தைய அறிவிப்புக்கு மாறாக[6] ஆந்திரப் பிரதேசத்தின் விசாகப்பட்டினத்தில் தேசிய மருந்தியல் கல்வி மற்றும் ஆராய்ச்சி நிறுவனம் திட்டமிடப்படவில்லை.[5] இருப்பினும் நவம்பர் 2018 நிலவரப்படி, தேசிய மருந்தியல் கல்வி மற்றும் ஆராய்ச்சி நிறுவனம் நாக்பூருக்கான திட்டங்கள் எதுவும் செயல்வடிவம் பெறவில்லை.[7]
ஏப்ரல் 2016-ல், ஒடிசாவின் புவனேசுவரில் ஒரு தேசிய மருந்தியல் கல்வி மற்றும் ஆராய்ச்சி நிறுவனம் நிறுவ ஒடிசா அரசு கோரியது.[8]
சூன் 2019-ல், இரசாயனங்கள் மற்றும் உரங்கள் அமைச்சர் டி. வி. சதானந்த கெளடா, வரும் ஆண்டுகளில் புதிய தேசிய மருந்தியல் கல்வி மற்றும் ஆராய்ச்சி நிறுவனங்களைத் திறக்கும் திட்டம் இல்லை என்று பாராளுமன்றத்தில் தெரிவித்தார். மகாராஷ்டிரா, ராஜஸ்தான் மற்றும் சத்தீசுகரில் 3 புதிய தேசிய மருந்தியல் கல்வி மற்றும் ஆராய்ச்சி நிறுவனங்களை அமைக்கும் யோசனையை அமைச்சகம் கைவிட்டதாகவும் தெரிவித்தார்.[9]