நரேலா

நரேலா (Narela) துணை நகரம், டெல்லியின் என்.சி.டி.யின் வடக்கு தில்லி மாவட்டத்தில் அமைந்துள்ள ஒரு வட்டம் ஆகும், இது தில்லி மாநிலத்தின் எல்லையை ஹரியானாவுடன் உருவாக்குகிறது. கிராண்ட் ட்ரங்க் சாலையிலிருந்து சற்று தொலைவில் அமைந்துள்ள அதன் இருப்பிடம், 19 ஆம் நூற்றாண்டில், அதைச் சுற்றியுள்ள பகுதிகளுக்கு ஒரு முக்கியமான சந்தை நகரமாக மாற்றியது. அதை, இன்றும் தக்க வைத்துக் கொண்டுள்ளது. ரோஹினி துணை நகரம் மற்றும் துவாரகா துணை நகரத்திற்குப் பிறகு டெல்லியின் நகர்ப்புற விரிவாக்க திட்டத்தில் டெல்லி மேம்பாட்டு ஆணையத்தின் (டி.டி.ஏ) மூன்றாவது மெகா துணை நகர திட்டமாக இது உருவாக்கப்பட்டது.[1] மற்றும் இந்த நகரம், 9866 ஹெக்டேர் பரப்பளவை உள்ளடக்கியது .[2] 1980 களின் முற்பகுதியில் உருவாகத் தொடங்கிய 'நரேலா தொழில்துறை பகுதி' இன்று தில்லியில் முக்கியமான வளாகங்களில் ஒன்றாகும்.[3]

இது டெல்லி மாநகராட்சியின் (எம்.சி.டி) 12 மண்டலங்களில் ஒன்றாகும்.[4] மற்றும் சரஸ்வதி விகார் மற்றும் மாதிரி நகரத்துடன் வடமேற்கு தில்லி மாவட்டத்தின் மூன்று நிர்வாக பிரிவுகள் அல்லது துணைப்பிரிவுகளில் ஒன்றாக உள்ளது.[5]

வரலாறு

[தொகு]

ஹரப்பா ( சிந்து சமவெளி நாகரிகம் ) நாகரிகத்திற்கு முந்தைய ஒரு தளமான, ரோஹில்லா நகரம் போர்கருக்கு அருகில் நரேலாவில் உள்ளது.

டெல்லி மாவட்டங்கள், வடமேற்கு டெல்லி மாவட்டத்தில் நரேலாவுடன்.

வரலாற்று புகழ் பெற்ற மற்றும் எப்போதும் பரபரப்பான, கிராண்ட் ட்ரங்க் சாலையில் சாராய் நரேலா முக்கியமான கேரவன் செராய் ஆகும். இது லாகூர் மற்றும் காபூல் வரை எல்லா வழிகளையும் நீட்டித்தது. மேலும், பண்டைய காலத்தில், பேரரசின் உயிர்நாடியாகவும், முக்கியமான வர்த்தக பாதையாகவும் உள்ளது.[6] 13 ஆம் நூற்றாண்டில் கூட, டெல்லி சுல்தானகத்தின் நாட்களில், நரேலா பெரும்பாலும் டெல்லியில் இருந்து படைகளை அணிவகுத்துச் செல்ல அல்லது பின்வாங்குவதற்காக ஒரு முகாம் இடமாக மாறியது.[7] பின்னர், முகலாய காலத்தில், நரேலா சாராய், ஜகாங்கிர்ணாமாவில், முகலாய பேரரசர் ஜஹாங்கிரின் (1569-1609) உத்தியோகபூர்வ சுயசரிதை, அவரது பயணங்களில், சாராயில் தங்கியிருப்பதைக் குறிப்பிடுகையில்,(ca. 1605.)இதன் சிறப்பு விளங்குகிறது.[8][9]

பழங்கால நாணயங்கள்

[தொகு]

நரேலாவில் ஒரு பிரபலமான குளம் (தலாப்) உள்ளது. முன்பு, அது எல்லா நேரங்களிலும் தண்ணீரில் நிரம்பியிருந்தது. இந்த நாட்களில் அது காய்ந்து, டி.டி.ஏ. நிர்வாகத்தின் கீழ் உள்ளது. இந்த குளத்திலிருந்து முகமது ஷா ரங்கிலாவின் காலத்தின் சில நாணயங்கள் கண்டுபிடிக்கப்பட்டுள்ளன.

தேவாலயம்

[தொகு]

நரேலாவின் கௌதம் காலனியில் 30 ஆண்டு பழமையான தேவாலயம் (நரேலா தேவாலயம், என்.ஐ.சி.ஒ.ஜி.) உள்ளது.

மராத்தா இராணுவம்

[தொகு]

ஜனவரி 16, 1757 அன்று , பானிபட் போருக்கு முந்தைய ஆண்டுகளில் (1761), நரேலா போரில், அந்தாஜி மங்கேஷ்வர் தலைமையிலான மராத்தா இராணுவம், நரேலாவுக்கு அருகிலுள்ள அஹ்மத் ஷா அப்தாலியின் இராணுவத்தின் முன்கூட்டிய படைகளுடன் போராடி, அதை விரட்டியது.[10]

சந்தை நகரம்

[தொகு]

19 ஆம் நூற்றாண்டின் நடுப்பகுதியில், நரேலா ஒரு வட்டம் மற்றும் செழிப்பான சந்தை நகரமாக இருந்தது. மேலும், இது, 31.2 கி.மீ தொலைவில், தலைநகர் டெல்லிக்கு அருகிலுள்ள நகரமாகும். மேலும் அண்டை கிராமங்களைச் சேர்ந்த மக்கள் உணவுப்பொருட்களை வாங்கவும், தங்கள் விவசாய விளைபொருட்களை விற்கவும், இதன் நரேலா மண்டி (விவசாய சந்தை), ஒரு பாரம்பரியமாக, இன்றுவரை தொடர்கிறது.[11] 20 ஆம் நூற்றாண்டின் முற்பகுதியில், இது ஒரு நகராட்சி நகரமாக இருந்தது. சிவில் மருத்துவமனை மாவட்ட வாரியத்தால் 1913 இல் நிறுவப்பட்டது.[12] 1919 ஆம் ஆண்டில் முதலாம் உலகப் போருக்குப் பிறகு, நரேலாவை டெல்லி நிர்வாகத்தால் அறிவிக்கப்பட்ட பகுதியாக அறிவிக்கப்பட்டது, இது எதிர்கால வளர்ச்சிக்கு ஒதுக்கப்பட்டுள்ளது.[13]

குறிப்புகள்

[தொகு]
  1. ↑ "Urban Extension Projects:Narela". Delhi Development Authority. Archived from the original on 2012-07-07. பார்க்கப்பட்ட நாள் 2020-01-09.
  2. ↑ "Delhi Masterplan 2021- Narela Urban Extension Project". Delhi Master Plan, தில்லி அரசு. 17 September 2011. Archived from the original on 3 September 2011.
  3. ↑ "Narela Industrial Complex". Delhi Industrial Development Corporation (DSIDC). Archived from the original on 2017-06-12. பார்க்கப்பட்ட நாள் 2020-01-09.
  4. ↑ Zones பரணிடப்பட்டது 9 சனவரி 2009 at the வந்தவழி இயந்திரம் Municipal Corporation of Delhi.
  5. ↑ "North West District: Organisation Setup". தில்லி அரசு website.
  6. ↑ Usha Masson Luther; Moonis Raza (1990). Historical routes of north west Indian Subcontinent, Lahore to Delhi, 1550s-1850s A.D. Sagar Publications. p. 43.
  7. ↑ Elliot; John Dowson (1871). The History of India, as Told by Its Own Historians. The Muhammadan Period (Vol 5.). London : Trübner & Co.
  8. ↑ Jahangir. Tuzk-e-Jahangiri Vol. 1 (Jahangirnama). London Royal Asiatic Society. p. 58.
  9. ↑ Subhash Parihar (2008). Land transport in Mughal India: Agra-Lahore Mughal highway and its architectural remains. Aryan Books International. p. 52. பன்னாட்டுத் தரப்புத்தக எண் 978-81-7305-335-1.
  10. ↑ Jaswant Lal Mehta (2005). Advanced study in the history of modern India 1707-1813. Sterling Publishers Pvt. Ltd. p. 225. பன்னாட்டுத் தரப்புத்தக எண் 1-932705-54-6.
  11. ↑ Sudesh Nangia (1976). Delhi metropolitan region: a study in settlement geography. K.B. Publications.
  12. ↑ Rann Singh Mann (1979). Social structure, social change, and future trends: Indian village perspective. Rawat Publications. p. 215.
  13. ↑ Vijendra K. R. V. Rao (1965). Greater Delhi: a study in urbanisation, 1840-1957. Asia Pub. House. p. 28.

வெளி இணைப்புகள்

[தொகு]