நிக்கல் ஆக்சைடு ஐதராக்சைடு

நிக்கல் ஆக்சைடு ஐதராக்சைடு
பெயர்கள்
வேறு பெயர்கள்
நிக்கல் ஆக்சி ஐதராக்சைடு
இனங்காட்டிகள்
55070-72-9
பப்கெம் 19695605
பண்புகள்
Ni(O)(OH)
தோற்றம் கருப்பு திண்மம்
மாறுதலாக ஏதும் சொல்லவில்லை என்றால் கொடுக்கப்பட்ட தரவுகள் யாவும்
பொருள்கள் அவைகளின் இயல்பான வெப்ப அழுத்த நிலையில் (25°C, 100kPa) இருக்கும்.

நிக்கல் ஆக்சைடு ஐதராக்சைடு (Nickel oxide hydroxide) என்பது NiO(OH) என்ற மூலக்கூற்று வாய்ப்பாட்டைக் கொண்ட கனிம வேதியியல் சேர்மமாகும். கருப்பு நிறத்தில் திண்மமாகக் காணப்படும் இச்சேர்மம் எந்தக் கரைபானிலும் கரையாது ஆனால் காரம் மற்றும் அமிலத்தால் பாதிக்கப்படும். நிக்கல்-உலோக ஐதரைடு மின்கலத்தில் ஒரு பகுதிப்பொருளாக நிக்கல் ஆக்சைடு ஐதராக்சைடு அடங்கியுள்ளது.

தொடர்புடைய பொருட்கள்

[தொகு]

நிக்கல்(III) ஆக்சைடுகள் பெரும்பாலும் மிகக்குறைவாகவே அடையாளப்படுத்தப்பட்டுள்ளன. மேலும் விகிவிதவியல் தன்மையற்ற சேர்மங்கள் எனக் கருதுகிறார்கள். நிக்கல்(III) ஆக்சைடு படிகவியல் ஆய்வுகளின்படி சரிபார்க்கப்படவில்லை, கரிம வேதியியல் பயன்பாடுகளுக்கும் நிக்கல் ஆக்சைடுகள் அல்லது பெராக்சைடுகள் தளத்திலேயே உருவாக்கிக் கொள்ளப்படுகின்றன. நிக்கல் பெராக்சைடு (சி.ஏ.எசு # 12035-36-8) சேர்மம் நிக்கல் ஆக்சைடு ஐதராக்சைடு உடன் நெருங்கிய தொடர்பும் அதே அடையாளங்களையும் பெற்றுள்ளது [1].

கட்டமைப்பு

[தொகு]

நிக்கல்(II) ஐதராக்சைடின் புருசைட்டு பல்லுருவத்தை ஒத்ததாகவே ஐதரசன்களில் பாதி அளவைக் கொண்டு இதனுடைய அடுக்குக் கட்டமைப்பும் உள்ளது. நிக்கலின் ஆக்சிசனேற்ற எண் 3+ ஆகும்[2].

தயாரிப்பு

[தொகு]

நிக்கல்(II) நைட்ரேட்டுடன் நீரிய பொட்டாசியம் ஐதராக்சைடு சேர்த்து புரோமினை ஆக்சிசனேற்றியாகக் கொண்டு வினைபுரியச் செய்தால் நிக்கல் ஆக்சைடு ஐதராக்சைடு தயாரிக்கலாம் :[3]

Ni(OH)2 + KOH + 0.5 Br2 → KBr + H2O + NiOOH.

கரிம வேதியியல் பயன்

[தொகு]

பென்சைல் ஆல்ககாலை ஆக்சிசனேற்றம் செய்து பென்சாயிக் அமிலமாக மாற்றும் வினையில் நிக்கல்(III) ஆக்சைடுகள் வினையூக்கிகளாகச் செயல்படுகின்றன:[4]

பென்சைல் ஆல்ககாலின் ஆக்சிசனேற்றம்.

இதேபோல 3-பியூட்டனாயிக் அமிலத்தை பியூமரிக் அமிலமாக மாற்றும் இரட்டை ஆக்சிசனேற்ற வினையிலும் இது வினையூக்கியாகச் செயல்படுகிறது.

3-பியூட்டனாயிக் அமிலத்தின் ஆக்சிசனேற்றம்

மேற்கோள்கள்

[தொகு]
  1. ↑ Gary W. Morrow "Nickel(II) Peroxide" Encyclopedia of Reagents for Organic Synthesis, 2001 John Wiley & Sons. எஆசு:10.1002/047084289X.rn017
  2. ↑ Casas-Cabanas, M.; Canales-Vazquez, J.; Rodriguez Carvajal, J.; Palacin, M.R. "Characterizing nickel battery materials: crystal structure of beta-(NiOOH)" Materials Research Society Symposia Proceedings (2009) 1126, p131-p136.
  3. ↑ O. Glemser "β-Nickel(III) Hydroxide" in Handbook of Preparative Inorganic Chemistry, 2nd Ed. Edited by G. Brauer, Academic Press, 1963, NY. Vol. 1. p. 1549.
  4. ↑ An Efficient and Practical System for the Catalytic Oxidation of Alcohols, Aldehydes, and ,-Unsaturated Carboxylic Acids Joseph M. Grill, James W. Ogle, and Stephen A. Miller J. Org. Chem.; 2006; 71(25) pp 9291 - 9296; (Article) எஆசு:10.1021/jo0612574