பரிதா பர்வீன்

பரிதா பர்வீன்
பின்னணித் தகவல்கள்
பிறப்பு	31 திசம்பர் 1954 (1954-12-31) (அகவை 69)
பிறப்பிடம்	நத்தோர் மாவட்டம், கிழக்கு வங்கம், வங்காளதேசம்
இசை வடிவங்கள்	லாலோன், நாட்டுப்புறம்
தொழில்(கள்)	பாடகர்
இசைக்கருவி(கள்)	iகருவி, வாய்ப்பாட்டு
இசைத்துறையில்	1968 முதல் தற்போது வரை

பரிதா பர்வீன் (Farida Parveen) (பிறப்பு: 1954 திசம்பர் 31) இவர் ஓர் வங்காளதேச நாட்டுப்புற பாடகியாவார். இவர் லாலன் பாடலின் ராணி என்றும் குறிப்பிடப்படுகிறார். ^[1] (1952 ஆம் ஆண்டு வங்காள மொழி இயக்கத்தின் தியாகிகளின் நினைவாக அறிமுகப்படுத்தப்பட்ட பங்களாதேஷின் இரண்டாவது மிக உயர்ந்த சிவில் விருது இது ) இவர் 1987இல் ஏகுஷே பதக் மற்றும் 1993ஆம் ஆண்டில் அந்தோ பிரேம் (1993) என்றத் திரைப்படத்திற்காக சிறந்த பெண் பின்னணி பாடகருக்கான வங்காளதேச தேசிய திரைப்பட விருதைப் பெற்றார். ^[2] பரிதா பர்வீன் மிகவும் பிரபலமான குரல் இசைக்கலைஞர்களில் ஒருவர் மற்றும் வங்காளதேசத்தில் லாலோன் பாடல்களின் முன்னணி நிபுணர் ஆவார்.

ஆரம்ப கால வாழ்க்கை

பர்வீன் நத்தோர் மாவட்டத்தில் 1954 திசம்பர் 31 அன்று பிறந்து, குஷ்டியாவில் வளர்ந்தார். இவரது தந்தை சுகாதார சேவையில் பணியாற்றினார். ஒரு குழந்தையாக இருந்தபோதே இவர் ஆர்மோனியம் வாசிப்பார். 1968ஆம் ஆண்டில், இவர் நஸ்ருல் பாடகியாக ராஜ்ஷாஹி பீட்டருடன் சேர்க்கப்பட்டார். ராஜ்ஷாஹி பல்கலைக்கழகத்தின் கீழ் குஷ்டியா அரசு கல்லூரியில் பட்டம் பெற்றுள்ளார்.

பர்வீன் முதலில் கோமல் சக்ரபர்த்தியிடமிருந்து பயிற்சி பெற்றார். பின்னர், இவர் உஸ்தாத் இப்ராகிம் கான், உஸ்தாத் ரவீந்திரநாத் ரே, உஸ்தாத் ஒஸ்மான் கோனி மற்றும் உஸ்தாத் மோட்டாலேப் பிஸ்வாஸ் பாரம்பரிய இசையில் பயிற்சிகளைப் பெற்றார். பின்னர் இவர் உஸ்தாத் மிர் முசாபர் அலி மற்றும் உஸ்தாத் அப்துல் காதிர் ஆகியோரிடமிருந்து நஸ்ருல் பாடல்களைக் கற்றுக்கொண்டார். லோகன் இசையை இவருக்கு மோக்செத்ட் அலி ஷாய் அறிமுகப்படுத்தினார். ^[3]

தொழில்

பர்வீன் தனது வாழ்க்கையை நஸ்ருல் கீத்தியுடன் தொடங்கினார். 1973ஆம் ஆண்டில், இவர் தேசபக்தி பாடலான ஈ பத்மா ஈ மேக்னா மற்றும் லாலோன் பாடலான சத்யோ போல் ஷுபோதே சோல் ஆகியவற்றை நிகழ்த்தினார் . டோம்ரா பூலே கெச்சோ மல்லிகாடிர் நாம், நிந்தர் காந்தா ஜோடி மற்றும் பல லாலோன் பாரம்பரிய பாடல்கள் இவரது மற்ற பாடல்கள் ஆகும். இவர் பெரும்பாலும் லாலோன் பாடல்களைப் பாடுகிறார். 2014ஆம் ஆண்டில், வங்காளதேச தூதரகம் மற்றும் பெல்ஜியத்தில் உள்ள நுண்கலை மையம் ஆகியவற்றால் ஏற்பாடு செய்யப்பட்ட ஒரு சூபி விழாவில் தனது இசை நிகழ்ச்சிகளை நிகழ்த்தினார். 2015ஆம் ஆண்டில், பகேலா பைசாக் குறித்து வங்காளதேச உயர் தூதராலயம் ஏற்பாடு செய்த நிகழ்ச்சியில் புதுடில்லியில் நிகழ்ச்சியை நடத்தினார்.

லாலோன்

லாலோன் என்பது பாகிர் மத சகிப்புத்தன்மை மற்றும் மதச்சார்பின்மை ஆகியவற்றின் சின்னமாகும், அதன் பாடல்கள் பல கவிஞர்கள் மற்றும் இரவீந்திரநாத் தாகூர், காசி நஸ்ருல் இஸ்லாம் மற்றும் ஆலன் கின்ஸ்பெர்க் உள்ளிட்ட சமூக மற்றும் மத சிந்தனையாளர்களை ஊக்கப்படுத்தியது. சாதி மற்றும் மதத்தின் அடிப்படையில் மனிதகுலத்தின் அனைத்து வேறுபாடுகளையும் நிராகரித்ததற்காக லலோன் பக்கீர் நினைவு கூரப்படுகிறார். லாலோன் கீத்தியை வங்காளதேசத்திலும் வெளிநாட்டிலும் கேட்போர் மத்தியில் கவர்ச்சியாகவும் பிரபலமாகவும் மாற்றுவதில் அவரது மெல்லிசை செயதிறன் குறிப்பிடத்தக்க பங்களிப்பை வழங்கியுள்ளது.

பரிதா பர்வீனின் இசையின் செயல் திறன், கலை திறமை மற்றும் அழகான விளக்கக்காட்சியை ஒருங்கிணைக்கிறது. 1954 லாலோனின் ஆக்ராவில் 60 ஆண்டுகள் கழித்த மொக்சாத் அலி ஷா, லாலோன் பாடல்களுக்கு வழிகாட்டினார். பரிதா பர்வீன் லாலோன் பாடல்களின் பாரம்பரிய அம்சத்தை இன்னும் மெருகூட்டினார்.

நிகழ்ச்சிகள்

லாலோன் பாடல்களின் உண்மையான தாளங்களையும் பாடல்களையும் பாதுகாக்க ஜப்பானிய அரசாங்கத்தால் நிதியளிக்கப்பட்ட லாலோன் பாடல்களைப் பாதுகாப்பதற்காக பரிதா பர்வீன் ஒரு அறக்கட்டளையை உருவாக்கியுள்ளார். இந்தியா, பாக்கித்தான், ஜப்பான், இங்கிலாந்து, அமெரிக்கா, பிரான்ஸ், ரஷ்யா, கனடா, ஜெர்மனி, சுவீடன், டென்மார்க், ஆஸ்திரேலியா, கத்தார், மொராக்கோ, துருக்கி போன்ற உலகெங்கிலும் லாலோன் பாடல்களை அவர் வழங்கியுள்ளார். பரிதா பர்வீன் "ஓச்சின் பக்கி பள்ளியின்" நிறுவனர் ஆவார், இது குழந்தைகளுக்கு லாலோன் சங்கீதத்தின் பொருத்தமான பயிற்சிகளை மேம்படுத்துவதற்காக அர்ப்பணிக்கப்பட்டுள்ளது. இவர் 2011 திசம்பரில் கலாச்சார உறவுகளுக்கான இந்திய அமைப்பின் நிதியமைப்பின் கீழ் நிகழ்ச்சிகளுக்காக புது தில்லி, குவகாத்தி, கொல்கத்தா மற்றும் சாந்திநிகேதன் ஆகிய இடங்களுக்குச் வந்துள்ளார். ^[4]

விருதுகள்

• பெரோசா பேகம் நினைவு தங்கப் பதக்கம் (2019)
• புக்குவோக்கா ஆசிய கலாச்சார பரிசு (2008)
• சிறந்த பெண் பின்னணி பாடகருக்கான வங்காளதேச தேசிய திரைப்பட விருது (1993)
• ஏகுஷே பதக் (1987)
• அனன்னியா டாப் டென் விருதுகள் (2008)

மேற்கோள்கள்

1. "THROUGH THE EYES OF FARIDA PARVEEN". The Daily Star (in ஆங்கிலம்). 2017-12-02. பார்க்கப்பட்ட நாள் 2018-12-17. Farida Parveen is an indistinguishable name in the Bangladeshi folk music arena. Known as the Queen of Lalon songs, she was born at 31st December, 1954 in Natore, Bangladesh and was brought up in Kushtia.
2. "জাতীয় চলচ্চিত্র পুরস্কার প্রাপ্তদের নামের তালিকা (১৯৭৫-২০১২)" [List of the winners of National Film Awards (1975-2012)]. Government of Bangladesh (in Bengali). Bangladesh Film Development Corporation. பார்க்கப்பட்ட நாள் 25 March 2019.
3. "Through the eyes of Farida Parveen". 2017-12-02. http://www.thedailystar.net/showbiz/through-the-eyes/through-the-eyes-farida-parveen-1499194. பார்த்த நாள்: 2017-12-09. 
4. https://bengalfoundation.org/portfolio/farida-parveen/