பாதரச(II) ஐதராக்சைடு

பாதரச(II) ஐதராக்சைடு

பெயர்கள்
ஐயூபிஏசி பெயர் மெர்க்குரி டையைதராக்சைடு
இனங்காட்டிகள்
ChemSpider	14227333
InChI InChI=1S/Hg.2H2O/h;2*1H2/q+2;;/p-2
யேமல் -3D படிமங்கள்	Image
பப்கெம்	12989292
SMILES [Hg+2].[OH-].[OH-]
பண்புகள்
மூலக்கூறு வாய்பாடு	H2HgO2
வாய்ப்பாட்டு எடை	234.605
காந்த ஏற்புத்திறன் (χ)	−100.00•10^−6 செ.மீ^3/மோல்
மாறுதலாக ஏதும் சொல்லவில்லை என்றால் கொடுக்கப்பட்ட தரவுகள் யாவும் பொருள்கள் அவைகளின் இயல்பான வெப்ப அழுத்த நிலையில் (25°C, 100kPa) இருக்கும். வார்ப்புரு மேற்கோள்கள்

பாதரச(II) ஐதராக்சைடு (Mercury(II) hydroxide) என்பது Hg(OH)₂ அல்லது HgH₂O₂ என்ற மூலக்கூற்று வாய்ப்பாடு கொண்ட ஒரு கனிம வேதியியல் சேர்மமாகும். மெர்க்குரி டையைதராக்சைடு அல்லது பாதரச டையைதராக்சைடு என்ற பெயராலும் இதை அழைக்கிறார்கள்.

தயாரிப்பு முறை

பாதரச அயனியுடன் (Hg2⁺) ஐதராக்சைடு அயனியை (OH− ) சேர்ப்பதால் இவ்வினையில் பாதரச(II) ஐதராக்சைடு சிறிது நேரத்தில் உற்பத்தி ஆவதற்கு வாய்ப்புகள் இருந்தாலும்^[1], நீரிய கரைசலில் இவ்வாறு பாதரச(II) ஐதராக்சைடு தயாரிக்க சாத்தியம் இல்லை. ஏனெனில் இவ்வினையில் பாதரச ஆக்சைடு மஞ்சள் நிறத்தில் வீழ்படிவாக உருவாகிறது. 2004 ஆம் ஆண்டில் வாங் மற்றும் ஆண்ட்ரூசு ஆகியோர் முதன்முதலில் இம்மூலக்கூறு இருப்பதற்கான சோதனை ஆதாரங்களை அறிவித்தனர்^[1]. பாதரசம், ஆக்சிசன், ஐதரசன் ஆகியனவற்றின் உறைகலவையை பாதரச வில் விளக்கின் மூலம் கதிரியக்கத்துக்கு உட்படுத்தி பாதரச(II) ஐதராக்சைடை உற்பத்தி செய்தார்கள்^[1].

50 ° செல்சியசு வெப்பநிலையில் பாதரச அணுக்களை ஆவியாக்கி அவற்றை நியான், ஆர்கான் அல்லது டியூட்ரியம் வாயுக்கள் கலந்த வாயுவில் செலுத்தி உடன் 2 முதல் 8% ஐதரசன் மற்றும் 0.2 முதல் 2.0% ஆக்சிசன் சேர்த்து அந்த உறை கலவை தயாரிக்கப்பட்டது. பின்னர் இக்கலவையை 5 கெல்வின் வெப்பநிலைக்கு ஒடுக்கி சீசியம் அயோடைடு சன்னலில் கதிரியக்கத்திற்கு உட்படுத்தினர்^[1]

மேற்கோள்கள்

1. Xuefeng Wang; Lester Andrews (November 18, 2004). "Infrared Spectrum of Hg(OH)₂ in Solid Neon and Argon". Inorganic Chemistry 44 (1): 108–11. doi:10.1021/ic048673w. http://pubs.acs.org/doi/pdfplus/10.1021/ic048673w.