பாபுலால் மராண்டி | |
|---|---|
| படிமம்:Marandi During March 2020.jpg 2020இல் மராண்டி | |
| நாடாளுமன்ற மக்களவை உறுப்பினர் கோடர்மா மக்களவைத் தொகுதி | |
| பதவியில் 2004 -2014 | |
| முன்னையவர் | திலக்தாரி சிங் |
| பின்னவர் | ரவீந்திர குமார் ராய் |
| ஜார்கண்ட் மாநிலத்தின் முதலாவது முதலமைச்சர் | |
| பதவியில் 15 நவம்பர் 2000 – 17 மார்ச் 2003 | |
| முன்னையவர் | புதுப் பதவி |
| பின்னவர் | அருச்சுன் முண்டா |
| தனிப்பட்ட விவரங்கள் | |
| பிறப்பு | 11 சனவரி 1958 கிரிதிக், ஜார்கண்ட் |
| அரசியல் கட்சி | பாரதிய ஜனதா கட்சி |
| பிற அரசியல் தொடர்புகள் | சார்க்கண்டு விகாசு மோர்சா (பிரசாதந்திரிக்) |
| துணைவர் | சாந்தி தேவி |
| பிள்ளைகள் | 2 மகன்கள் |
| வாழிடம் | கிரிதிக் |
As of 9 நவம்பர், 2006 மூலம்: [1] | |
பாபுலால் மராண்டி (Babu Lal Marandi) (பிறப்பு: 11 சனவரி 1958), ஜார்கண்ட் மாநிலத்தின் முதலாவது முதல் அமைச்சர் ஆவார்.[1] பாரதிய ஜனதா கட்சி யின் முக்கியத் தலைவரும் ஆவார். 2009 மற்றும் 2014ஆம் ஆண்டு இந்திய நாடாளுமன்ற மக்களவைக்கு கோடர்மா மக்களவைத் தொகுதியிலிருந்து தேர்ந்தெடுக்கப்பட்டவர்.[2]அடல் பிகாரி வாஜ்பாய் தலைமையிலான இந்திய நடுவண் அரசில் காடுகள், சுற்றுச்சூழல் அமைச்சகத்தின், இராசாங்க அமைச்சராக பணியாற்றியவர்.
1991-இல் பாரதிய ஜனதா கட்சி சார்பாக தும்கா மக்களவைத் தொகுதியில் போட்டியிட்டு தோல்வி கண்டவர். 1996 ஜார்கண்ட் சட்டமன்றத் தேர்தலில் சிபு சோரனிடம் 5,000 வாக்குகள் குறைவாகப் பெற்று வெற்றி வாய்ப்பை இழந்தார். 1996-இல் பாரதிய ஜனதா கட்சியின் ஜார்கண்ட் மாநிலத் தலைவராக நியமிக்கப்பட்டார்.[1]
1998 நாடாளுமன்ற மக்களவைத் தேர்தலில் ஜார்கண்ட் மாநிலத்தின் 14 நாடாளுமன்ற தொகுதிகளில் 12 தொகுதிகளை கைப்பற்றி சிபு சோரனின் ஜார்க்கண்ட் முக்தி மோர்ச்சா கட்சியை கலங்கச் செய்தவர் பாபுலால் மராண்டி. பாபுலால் மராண்டி சந்தாலி பழங்குடியினத்தைச் சேர்ந்தவர்.[1]
2000-ஆம் ஆண்டில் பிகார் மாநிலத்திலிருந்து ஜார்கண்ட் மாநிலத்தை பிரித்த போது, 2000-ஆம் ஆண்டில் நடைபெற்ற ஜார்கண்ட் சட்டமன்றத் தேர்தலில் தேசிய ஜனநாயகக் கூட்டணி வெற்றி பெற்று, ஜார்கண்ட் மாநிலத்தின் முதலாவது முதலமைச்சராக பாபுலால் மராண்டி பதவி ஏற்றார்.
ஐக்கிய ஜனதா தளக் கட்சியின் கட்டாயத்தின் பேரில், பாபுலால் மராண்டி 2003-இல் முதலமைச்சர் பதவியிலிருந்து விலகியதால், அருச்சுன் முண்டா முதல்வரானார்.
2006-இல் பாபுலால் மராண்டி பாரதிய ஜனதா கட்சியிலிருந்து விலகி, சார்க்கண்டு விகாசு மோர்சா (பிரசாதந்திரிக்) எனும் மாநிலக் கட்சியை நிறுவினார்.
