பீர்த்தனா

பீர்த்தனா பீர்கனா
கிராமம் தொல்லியல் களம் சிந்துவெளி நாகரிகம்
நாடு	இந்தியா
மாநிலம்	அரியானா
மாவட்டம்	பத்தேஹாபாத்
மொழிகள்
• அலுவல் மொழி	இந்தி
நேர வலயம்	ஒசநே+5:30 (இந்திய சீர் நேரம்)
ஐஎசுஓ 3166 குறியீடு	IN-HR
வாகனப் பதிவு	HR
அருகமைந்த நகரம்	பதேகாபாத்
இணையதளம்	haryana.gov.in

பீர்த்தனா (Bhirrana, also Bhirdana and Birhana,) இந்தியாவின் அரியானா மாநிலத்தில் உள்ள பத்தேகாபாத் மாவட்டத்தில் உள்ள சிந்துவெளி நாகரீத்தின் தொல்லியல் களம் கொண்ட சிறு கிராமம் ஆகும். ^[1][2]

பீர்த்தனா தொல்லியல் களத்தை அகழ்வாய்வு செய்ததில், இதன் வரலாறு அரப்பா நாகரிகத்திற்கு முந்தைய காலத்திற்கு நீண்டுள்ளது என வெளிப்பட்டுள்ளது.

அமைவிடம்

Bhirrana site
இருப்பிடம்	அரியானா, இந்தியா
ஆயத்தொலைகள்	29°33′15″N 75°33′55″E / 29.55417°N 75.56528°E / 29.55417; 75.56528
நீளம்	190 m (620 அடி)
அகலம்	240 m (790 அடி)
வரலாறு
கட்டப்பட்டது	கிமு 7570
பயனற்றுப்போனது	கிமு 2,600
காலம்	அக்ரா மட்பாண்டப் பண்பாடு முதல் முதிர்ந்த அரப்பா பண்பாடு வரை
கலாச்சாரம்	சிந்துவெளி நாகரிகம்
பகுதிக் குறிப்புகள்
அகழாய்வு தேதிகள்	2003-04, 2004–05, 2005-06

இத்தொல்லியல் களம் புதுதில்லிக்கு வடகிழக்கே 220 கிமீ தொலைவிலும், மாவட்டத் தலைமையிடமான பதேகாபாத் நகரத்திற்கு வடகிழக்கே 14 கிமீ தொலைவிலும் உள்ளது. பீர்த்தனா தெல்லியல் மேடு வடக்கு-தெற்கே 190 மீட்டரும்; கிழக்கு-மேற்கே 240 மீட்டரும்; 5.50 மீட்டர் உயரமும் கொண்டது.

அகழ்வாய்வுகள்

பீர்த்தனா தொல்லியல் மேட்டின் மூன்று களங்களை, இந்தியத் தொல்லியல் ஆய்வகம் 2003-04, 2004–05 மற்றும் 2005-06 ஆண்டுகளில் அகழ்வாய்வு செய்தது.

காலம்

பீர்த்தனா தொல்லியல் களம் அரப்பாவிற்கு முந்தைய, கிமு 7,500 முதல் கிமு 6,200 வரை நிலவிய அக்ரா மட்பாண்டப் பண்பாடு காலத்திற்குரியது என தொல்லியல் அறிஞர் இராவ் கூறுகிறார்.^[3][4][5] பீர்த்தனா தொல்லியல் களத்தில் கண்டெடுக்கப்பட்ட தொல்பொருள்களின் கரிமக் காலக் கணிப்பின்படி, கிமு 7570-7180 முதல் கிமு 6689-6201 வரையானது என நிறுவப்பட்டுள்ளது.^[3][4]

பண்பாடு

பீர்த்தனா தொல்லியல் கள அகழ்வாய்வில் இப்பகுதியில் முதலில் அக்ரா மட்பாண்டப் பண்பாடும் பின்னர் துவக்க கால மற்றும் முதிர்ந்த அரப்பா பண்பாடு, நிலவியதாக அறியப்படுகிறது.^[3][4][5]

தொல்பொருட்கள்

கடற்கன்னி போன்ற தேவதைகள் மற்றும் பெண்கள் உருவம் பதித்த மட்பாண்டங்களும் கிடைத்துள்ளது. ^{[1] [6][7]}

பிற தொல்பொருட்கள்

வண்ண ஆரங்களுடன் கூடிய சுடுமண் சக்கரங்கள் இத்தொல்லியல் களத்தில் கிடைத்துள்ளது. ^[8] ஆற்றாங்கரை குழைவுமண் பகுதியில் மக்கள் சடங்குகள் செய்வதற்கும், மட்பாண்டத் தொழிலுக்கும் பயன்படுத்தியுள்ளனர். ^[6] பல அறைகள் கொண்ட வீடுகள் பீர்த்தனா தொல்லியல் களத்தில் கண்டுபிடிக்கப்பட்டுள்ளது. அவற்றுள் ஒரு வீடு 10 அறைகளுடனும், ஒரு வீடு 3 அறைகளுடனும் இருந்தது. வீடுகள் சமயலறை, சமையல் அடுப்புகள், அரைத்த தானியங்கள் மற்றும் முற்றவெளி கொண்டிருந்தது.^[6] பொதுவாக சிந்துவெளி நாகரிகம் பீர்த்தனா பகுதியில் நிலவியதாக அறியப்படுகிறது.

இதனையும் காண்க

• சிந்துவெளி நாகரிகம்
• சிந்துவெளி நாகரிகத்தின் தொல்லியல் களங்கள்

மேற்கோள்கள்

1. "Harappan link". Frontline. 19 January 2008. http://www.frontline.in/static/html/fl2502/stories/20080201504012900.htm. 
2. Kunal, Bhirdana and Banawali in Fatehabad
3. Dikshit 2013, ப. 129-133.
4. Mani 2008, ப. 237-238.
5. Sarkar 2006, ப. 2-3.
6. Singh, Upinder (2008). A History of Ancient and Early Medieval India : from the Stone Age to the 12th century. New Delhi: Pearson Education. pp. 109, 145, 153. பன்னாட்டுத் தரப்புத்தக எண் 9788131711200.
7. "The ageless tale a potsherd from Bhirrana tells". The Hindu. 12 September 2007 இம் மூலத்தில் இருந்து 17 செப்டம்பர் 2007 அன்று. பரணிடப்பட்டது.. https://web.archive.org/web/20070917153550/http://www.hindu.com/2007/09/12/stories/2007091255372200.htm. 
8. "Images of Excavation Site - Bhirrana, A Harappan town - Archaeological Survey of India". asi.nic.in. Archived from the original on 27 September 2007. பார்க்கப்பட்ட நாள் 14 July 2007.

மேற்கோள்கள்

• Ahmed, Mihktar (2014), Ancient Pakistan - an Archaeological History
• Coningham; Young (2015), The Archaeology of South Asia: From the Indus to Asoka, c.6500 BCE–200 CE, Cambridge University Press
• Dikshit, K.N. (2013), "Origin of Early Harappan Cultures in the Sarasvati Valley: Recent Archaeological Evidence and Radiometric Dates" (PDF), Journal of IndIan Ocean Archaeology No. 9, 2013, archived from the original (PDF) on 2017-01-18
• Mani, B.R. (2008), "Kashmir Neolithic and Early Harappan : A Linkage" (PDF), Pragdhara 18, 229–247 (2008), archived from the original (PDF) on 2017-01-18, பார்க்கப்பட்ட நாள் 2019-09-28
• Sarkar, Anindya (2016), "Oxygen isotope in archaeological bioapatites from India: Implications to climate change and decline of Bronze Age Harappan civilization", Scientific Reports, 6, எண்ணிம ஆவணச் சுட்டி:10.1038/srep26555, PMC 4879637

மேலும் படிக்க

• The Tribune, 2 January 2004
• Puratattva, The Bulletin of the Archaeological Society of India No. 34, 35 and 36;
• Man and Environment xxxi

வெளி இணைப்புகள்

• Graffiti of dancing girl