யோகதத்துவ உபநிடதம்

யோகதத்துவ உபநிடதம்
தேவநாகரி	योगतत्त्व
தொடர்பான வேதம்	அதர்வண வேதம்
பாடல்களின் எண்ணிக்கை	143
அடிப்படைத் தத்துவம்	வேதாந்தம்

யோகதத்துவ உபநிடதம் (Yogatattva Upanishad ), ^[1] என்பது ஒரு சமசுகிருத உரையான இந்து மதத்தின் 22 சமய உபநிடதங்களில் முக்கியமான ஒன்றாகும்.^[2] இது அதர்வண வேதத்துடன் இணைக்கப்பட்ட பதினொரு யோக உபநிடதங்களில் ஒன்றாகும். ^[3] மேலும், நான்கு வேதங்களில் உள்ள இருபது யோக உபநிடதங்களில் ஒன்றாகும்.^[4][5] 108 உபநிடதங்களின் நவீன சகாப்தத் தொகுப்பில் இராமன் அனுமனுக்கு உபதேசித்த முக்திகாவின் தொடர் வரிசையில் இது 41 வது இடத்தில் பட்டியலிடப்பட்டுள்ளது. ^[3] இது, ஒரு உபநிடதமாக, இந்து மதத்தின் தத்துவக் கருத்துக்களை முன்வைக்கும் வேதாந்த இலக்கியத் தொகுப்பின் ஒரு பகுதியாகும். ^[6]

அதன் கையெழுத்துப் பிரதிகளின் இரண்டு முக்கிய பதிப்புகள் கண்டறியப்பட்டுள்ளன. ஒன்று பதினைந்து வசனங்களைக் கொண்டுள்ளது. ஆனால் அதர்வண வேதத்துடன் இணைக்கப்பட்டுள்ளது. ^[7] மற்றொரு மிகவும் வித்தியாசமான மற்றும் பெரிதாக்கப்பட்ட கையெழுத்துப் பிரதி தெலுங்கு மொழியில் உள்ளது. ^[7] இது நூற்று நாற்பத்திரண்டு வசனங்கள் மற்றும் கிருஷ்ண யசுர்வேதத்துடன் இணைக்கப்பட்டுள்ளது. ^{[8] [9]} வைணவ மரபில் யோகக் கலையை விவரிப்பதில் இந்த உரை குறிப்பிடத்தக்கது. ^{[7] [10]}

இந்த உபநிடதம் யோகசூத்திரம், ஹத யோகம், குண்டலினி யோகம் ஆகியவற்றுடன் கருத்துக்களைப் பகிர்ந்து கொள்கிறது.^[1] இது மந்திர யோகம்,இலய யோகம் ஹத யோகம், ராஜ யோகம் ஆகிய நான்கு யோக பாணிகளின் விவாதத்தை உள்ளடக்கியது. ^[11] வேதாந்தத் தத்துவத்தின் விளக்கமாக, உபநிடதம், ஓம் என்ற எழுத்தில் தொடங்கி, யோகா செயல்முறை மூலம் ஆன்மாவின் (சுயம்) அர்த்தத்தை விரிவுபடுத்துவதற்கு அர்ப்பணிக்கப்பட்டுள்ளது. ^[12] யோகதத்வ உபநிடதத்தின் படி, "யோகம் இல்லாத ஞானத்தால் (அறிவு) மோட்சத்தை (விடுதலை, முக்தியை) பாதுகாக்க முடியாது. மேலும் அறிவு இல்லாமல் யோக மோட்சத்தைப் பாதுகாக்க முடியாது". மேலும் "விடுதலையை நாடுபவர்கள் யோகக் கலை மற்றும் அறிவு இரண்டையும் பின்பற்ற வேண்டும்". ^[8]

கட்டமைப்பு

உயர்ந்த யோகியான விஷ்ணு

யோகதத்வ உபநிடதத்தின் தெலுங்குப் பதிப்பில் 142 வசனங்கள் உள்ளன. ^[11] சமசுகிருதத்தில் எஞ்சியிருக்கும் மிகக் குறுகிய கையெழுத்துப் பிரதி வெறும் 15 வசனங்களை மட்டுமேக் கொண்டுள்ளது. ^[3] இரண்டு பதிப்புகளும் இந்துக் கடவுள் விஷ்ணுவை உச்ச புருசன் அல்லது உன்னத ஆவி, மகா யோகி, உன்னதமானவர், பெரிய தவம் செய்பவர் மற்றும் சத்தியத்தின் பாதையில் ஒரு விளக்கு என்று போற்றுவதன் மூலம் ஆரம்பமாகின்றது. ^{[8] [1] [13]} இது இந்து மதத்தின் வைணவ பாரம்பரியத்துடன் உரையை இணைக்கிறது. ^[1]

சமசுகிருதப் பதிப்பின் 3 முதல் 15 வசனங்களில் உள்ள பொருள் மற்றும் செய்தி, உரையின் தெலுங்குப் பதிப்பின் கடைசி 13 வசனங்களைப் பிரதிபலிக்கிறது. ^{[14] [15]}

ஒரு யோக மாணவர் தன்னை உணர்தலும் நற்பண்புகளும்

இந்துக் கடவுளான பிரம்மாவின் வேண்டுகோளின் பேரில், அனைத்து ஆத்மாக்களும் மாயையால் உருவாக்கப்பட்ட உலக இன்பங்கள் மற்றும் துக்கங்களின் சுழற்சியில் சிக்கியுள்ளன என்று விஷ்ணு விளக்குகிறார். ^{[16] [11]} மேலும், கைவல்யம் இந்த பிறப்பு, முதுமை மற்றும் நோய் சுழற்சியை சமாளிக்க உதவும். ^[16] இந்த விஷயத்தில் சாஸ்திரங்களைப் பற்றிய அறிவு பயனற்றது என்று விஷ்ணு கூறுகிறா. மேலும் "விளக்க முடியாத விடுதலை நிலை" பற்றிய விளக்கம் அவர்களையும் தேவர்களையும் கூட தவிர்க்கிறது. ^{[16] [11]}

இறுதி யதார்த்தம் மற்றும் உயர்ந்த சுயம் பற்றிய அறிவு மட்டுமே, அது விடுதலை மற்றும் சுய-உணர்தல் பாதைக்கு வழிவகுக்கும் என்று யோகதத்வ உபநிடதம் கூறுகிறது. ^{[17] [16]} "ஆவேசம், கோபம், பயம், மாயை, பேராசை, பெருமை, காமம், பிறப்பு, இறப்பு, கஞ்சத்தனம், மயக்கம், மயக்கம், பசி, தாகம், லட்சியம், அவமானம், பயம், நெஞ்சை எரித்தல், துக்கம் மற்றும் மகிழ்ச்சி" ஆகியவற்றிலிருந்து விடுபட்ட யோகா மாணவருக்கு இந்த உயர்ந்த சுயத்தை உணர முடியும்.^{[17] [16]}

யோகம் மற்றும் அறிவு

உரையில் தியானத்திற்கான ஒரு வழிமுறையாக யோகா விவரிக்கப்பட்டுள்ளது. ^[18]

சான்றுகள்

1. Larson & Potter 1970.
2. Deussen, Bedekar & Palsule (tr.) 1997, ப. 557, 713.
3. Deussen, Bedekar & Palsule (tr.) 1997.
4. Ayyangar 1938, ப. vii.
5. GM Patil (1978), Ishvara in Yoga philosophy, The Brahmavadin, Volume 13, Vivekananda Prakashan Kendra, pages 209–210
6. Max Muller, The Upanishads, Part 1, Oxford University Press, page LXXXVI footnote 1, 22, verse 13.4
7. Deussen, Bedekar & Palsule (tr.) 1997, ப. 713–716.
8. Aiyar 1914.
9. Ayyangar 1938, ப. 301–325.
10. Gerald James Larson (2009), Review: Differentiating the Concepts of "yoga" and "tantra" in Sanskrit Literary History, Journal of the American Oriental Society, Vol. 129, No. 3, pages 487–498
11. Ayyangar 1938.
12. Deussen 2010.
13. "Yogatattva Upanishad" (PDF) (in சமஸ்கிருதம்). Retrieved 23 December 2015.
14. Deussen, Bedekar & Palsule (tr.) 1997, ப. 714–716.
15. Ayyangar 1938, ப. 322–325.
16. Aiyar 1914, ப. 192–93.
17. Ayyangar 1938, ப. 302–304.
18. Ayyangar 1938, ப. 317–318.

உசாத்துணை

• Aiyar, Narayanasvami (1914). "Thirty minor Upanishads". Archive Organization. Retrieved 23 December 2015.
• Ayyangar, TR Srinivasa (1938). The Yoga Upanishads. The Adyar Library.
• Cardin, Matt (28 July 2015). Ghosts, Spirits, and Psychics: The Paranormal from Alchemy to Zombies: The Paranormal from Alchemy to Zombies. ABC-CLIO. ISBN 978-1-61069-684-5.
• Derek (tr), Coltman (1989). Yoga and the Hindu Tradition. Motilal Banarsidass. ISBN 978-81-208-0543-9.
• Deussen, Paul (1 January 2010). The Philosophy of the Upanishads. Cosimo, Inc. ISBN 978-1-61640-239-6.
• Deussen, Paul; Bedekar, V.M. (tr.); Palsule (tr.), G.B. (1 January 1997). Sixty Upanishads of the Veda. Motilal Banarsidass. ISBN 978-81-208-1467-7.
• Flood, Gavin D (1996), An Introduction to Hinduism, Cambridge University Press, ISBN 978-0-521-43878-0
• Gyurme, Tenzin (2008). S-Alchemy. Lulu.com. ISBN 978-0-557-43582-1.
• Larson, Gerald James; Potter, Karl H. (1970). Yogatattva Upanishad (Translated by NSS Raman), in The Encyclopedia of Indian Philosophies: Yoga: India's philosophy of meditation. Motilal Banarsidass. ISBN 978-81-208-3349-4.
• Whiteman, Joseph Hilary Michael (1993). Aphorisms on Spiritual Method: The "Yoga Sutras of Patanjali" in the Light of Mystical Experience : Preparatory Studies, Sanskrit Text, Interlinear and Idiomatic English Translations, Commentary and Supplementary Aids. Colin Smythe. ISBN 978-0-86140-354-7.

வெளி இணைப்புகள்

• [https://web.archive.org/web/20170705193616/http://www.celextel.org/upanishads/krishna_yajur_veda/yogatattva.html பரணிடப்பட்டது 2017-07-05 at the வந்தவழி இயந்திரம் Full Translation