ராஜ்ய சபா தொலைக்காட்சி (RSTV) என்பது இந்திய கேபிள் தொலைக்காட்சி வலையமைப்பில் உள்ள ஒர் ஒளியலை வரிசை ஆகும். இது மாநிலங்களவைக்குச் (இந்திய நாடாளுமன்றத்தின் மேலவை)[1] சொந்தமானது அவர்களால் நடத்தப்படுவது. நாடாளுமன்ற விவகாரங்களை நேரடியாக ஒளிபரப்புகிறது. மேலும் நாடாளுமன்ற விவகாரங்களை பகுப்பாய்வு செய்தல், தேசிய மற்றும் சர்வதேச விவகாரங்களில் கவனம் செலுத்துதல், பார்வையாளர்களுக்கு அறிவுசார்ந்த தளத்தை வழங்குதல், நாடாளுமன்றத்தால் மேற்கொள்ளப்படும் சட்டபூர்வ வியாபாரங்களை சிறப்பு கவனத்துடன் வழங்குதல் போன்ற பணிகளைச் செய்கிறது.
இது ஒரு பொது தொலைக்காட்சியாக இருப்பதோடு, இதில் வழங்கப்படும் நிகழ்ச்சிகள் மக்களுக்கும் நாடாளுமன்றத்திற்கும் இடையில் கருத்தியல் அடிப்படையிலான உறவை ஏற்படுத்துகிறது. மக்களுக்கு தேசிய மற்றும் சர்வதேச நடப்புகளை வழங்குவதே இதன் நோக்கமாக உள்ளது. அரசியல், பொருளாதாரம், சமூகம் மற்றும் பண்பாடு போன்ற பல நிகழ்ச்சிகளை கொண்டுள்ளது. இந்திய அரசியல் அமைப்பு எவ்வாறு உருவாக்கப்பட்டது என்ற ஷ்யாம் பெனகல் ஆல் இயக்கப்பட்ட சம்விதான் என்ற 10 தொகுதிகள் கொண்ட சிறிய தொலைக்காட்சித் தொடரை தயாரித்துள்ளது.[2][3][4][5]