ரேடியம் சல்பேட்டு

ரேடியம் சல்பேட்டு (Radium sulfate) என்பது RaSO4 என்ற மூலக்கூற்று வாய்ப்பாடால் விவரிக்கப்படும் ஒரு கனிம வேதியியல் சேர்மமாகும். இச்சேர்மத்தின் சராசரி மூலக்கூற்று நிறை 322.088 கி/மோல் ஆகும். ரேடியம் சல்பேட்டு வெண்மை நிறத்தில் காணப்படுகிறது. அறியப்பட்ட அனைத்து சல்பேட்டு உப்புகளிலும் மிகக் குறைவாகக் கரையக்கூடிய உப்பு என்ற பண்பைக் கொண்டுள்ளது.[1] முன்னதாக இச்சேர்மம் கதிரியக்க சிகிச்சையிலும் புகை கண்டறியும் கருவிகளிலும் பயன்படுத்தப்பட்டது. ஆனால் இதைவிட குறைவான அபாயங்கள் கொண்ட மாற்று வேதிப் பொருட்கள் கிடைத்ததால் ரேடியம் சல்பேட்டு படிப்படியாக நீக்கப்பட்டது.

பண்புகள்

[தொகு]

பேரியம் சல்பேட்டின் அதே படிகக் கட்டமைப்பில் ரேடியம் சல்பேட்டு ஒரு திடப்பொருளாகப் படிகமாகிறது. a = 9.13 b=5.54 மற்றும் c = 7.31 Å என்ற அணிக்கோவை அளவுருக்களுடன் 369.7 Å3 என்ற அலகுசெல் அளவுடன் இது நேர்சாய்சதுரப் படிக அமைப்பில் படிகங்களாக உருவாகிறது.[2] ரேடியம் அயனியில் இருந்து ஆக்சிசனுக்கான தூரம் 2.96  Å ஆகவும், சல்பேட்டு அயனியில் கந்தகம் மற்றும் ஆக்சிசன் பிணைப்பின் நீளம் 1.485  Å ஆகவும் உள்ளது. ரேடியம் சல்பேட்டு சேர்மத்தில் ரேடியம் அயனியின் அயனி ஆரம் 1.66 Å ஆகும். மேலும் இது பத்து ஒருங்கிணைப்புகளைக் கொண்டுள்ளது.[3]

இசுட்ரோன்சியம் பேரியம் அல்லது ஈயத்தின் சல்பேட்டுகளுடன் ரேடியம் சல்பேட்டு வினைபுரிந்து திண்மக் கரைசலை உருவாக்கும்.[3]

மேற்கோள்கள்

[தொகு]
  1. ↑ Kirby, H. W.; Salutsky, Murrell L. (1964). The Radiochemistry of Radium (PDF). National Academies Press. p. 12.
  2. ↑ Matyskin, Artem V.; Ylmen, Rikard; Lagerkvist, Petra; Ramebäck, Henrik; Ekberg, Christian (2017). "Crystal structure of radium sulfate: An X-ray powder diffraction and density functional theory study". Journal of Solid State Chemistry 253: 15–20. doi:10.1016/j.jssc.2017.05.024. Bibcode: 2017JSSCh.253...15M. https://www.sciencedirect.com/science/article/pii/S0022459617301925. 
  3. ↑ 3.0 3.1 Hedström, Hanna; Persson, Ingmar; Skarnemark, Gunnar; Ekberg, Christian (2013-05-22). "Characterization of Radium Sulphate". Journal of Nuclear Chemistry 2013: 1–4. doi:10.1155/2013/940701.