ಗಾಡೆ ರುತ್ವಿಕಾ ಶಿವಾನಿ (ಜನನ ೨೬ ಮಾರ್ಚ್ ೧೯೯೭) ಒರ್ತಿ ಭಾರತೀಯ ಬ್ಯಾಡ್ಮಿಂಟನ್ ಗೊಬ್ಬುದಾರ್, ಮೆರ್ ಇತ್ತೆ ಬ್ಯಾಡ್ಮಿಂಟನ್ ಸಿಂಗಲ್ಸ್ ಗೊಬ್ಬುನಾರ್.[೧] ಇತ್ತೆ ಗೋಪಿಚಂದ್ ಬ್ಯಾಡ್ಮಿಂಟನ್ ಅಕಾಡೆಮಿಡ್ ಕಲ್ಪಾವೊಂದುಲ್ಲೆರ್.[೨]
ಮೆರೆನ ಅಮ್ಮೆರ್ ಜಿ.ಭವಾನಿ ಪ್ರಸಾದ್ ಅಪ್ಪೆ ಜಿ. ಪ್ರಮೀಳಾ ರಾಣಿ ಬೊಕ್ಕ ಮೆರೆನ ಸಹೋದರ ಜಿ ಎಸ್ ಚೈತನ್ಯ ಪ್ರಸಾದ್.ಮೆರ್ ೨೬ ಮಾರ್ಚ್ ೧೯೯೭ಡ್ ಒಂಜಿ ತೆಲುಗು ಕುಟುಂಬೊಡು ಪುಟ್ಟುವೆರ್. ಮೆರೆನ ಅಪ್ಪೆ ಗೃಹಿಣಿ ಬೊಕ್ಕ ಅಮ್ಮೆರ್ ಒಂಜಿ ಎಲ್ಯ ಉದ್ಯಮಿಯಾದುಲ್ಲೆರ್. ಮೆರ್ ಐನ್ ವರ್ಷ ಇಪ್ಪುನಗನೆ ಬ್ಯಾಡ್ಮಿಂಟನ್ ಗೊಬ್ಬುಡು ಉಮೇದ್ ಇತ್ತಿನಾರಾದಿತ್ತೆರ್ .ಮೆರೆನ ಅಮ್ಮೆರೆನ ಒಟ್ಟುಗು ಗೊಬ್ಬೆರೆ ಸುರು ಮಲ್ಪುವೆರ್ . ಮೆರೆನ ಅಮ್ಮೆರ್ ಕಮ್ಮಾಮ್ ಸೀಕ್ವೆಲ್ ರೆಸಾರ್ಟ್‌ದ ಸದಸ್ಯರಾದಿತ್ತೆರ್. ೨೦೦೨ ಪ್ರೇಮ್ ಸಿಂಗ್‌ಡ ತರಬೇತಿ ಪಡೆಯೆರೆ ಸುರು ಮಲ್ಪುವೆರ್ . ಬೊಕ್ಕ ೨೦೦೪ಡ್ದ್ ೨೦೧೧ ಮುಟ್ಟ ಜಿ.ಸುಧಾಕರ ರೆಡ್ಡಿಡ ತರಬೇತಿನ್ ಪಡೆಪೆರ್. ತರಬೇತಿ ಪಡೆಯೊಂದಿಪ್ಪುನ ಪೊರ್ತುಡೆ,ಭಾರಿ ಉಸಾರ್‌ಡ್ ಸಿಂಗಲ್ಸ್ ಬೊಕ್ಕ ಡಬಲ್ಸ್ ಗೊಬ್ಬುನು ಆಣ್ ಜೋಕುಲೆನ ಒಟ್ಟಿಗೆ ಗೊಬ್ಬೊಂದಿತ್ತೆರ್ . ಉಂದು ಅರೆನ ಸರೀರೊದ ತಾಕತ್ತ್‌ನ್ ಜಾಸ್ತಿ ಮಲ್ತ್ಂಡ್ .
೨೦೧೨ಡ್ ಶಿವಾನಿ ಪುಲ್ಲೇಲ ಗೋಪಿಚಂದ್ ಬ್ಯಾಡ್ಮಿಂಟನ್ ಅಕಾಡೆಮಿನ್ ಸೇರಿಯೆರ್. ಮುಲ್ಪ ತರಬೇತಿ ಪಡೆವೊಂದಿಪ್ಪುನಗ ರಷ್ಯ‍ಡ್ ನಡತಿನ ರಷ್ಯಿಯನ್ ಗ್ರಾಂಡ್ ಪ್ರಿಕ್ಸ್ ಡ್ ಬಂಗಾರ್ದ ಪದಕೊನು ಪೊಂಜೊಲೆನ ಸಿಂಗಲ್ಸ್ ವಿಭಾಗೊಡು ಗೆಂದಿಯೆರ್.[೩] ಶಿವಾನಿಯವರು ರಾಷ್ಟ್ರ ಮಟ್ಟೊಡು ೧೧೫ಡ್ದ್ ಜಾಸ್ತಿ ಪದಕೊಲೆನ್ ಬ್ಯಾಡ್ಮಿಂಟನ್ ಕಿರಿಯ ಬೊಕ್ಕ ಹಿರಿಯ ವಿಭಾಗೊಡು ಪಡೆತೆರ್. ಅಂತರ್ ರಾಷ್ಟ್ರೀಯ ಮಟ್ಟೊಡು ೨೦ ಪದಕೊಲೆನ್ ಪಡೆತೆರ್
ಮೆರ್ ತನ್ನ ಶಿಕ್ಷಣೊನು ಕಮ್ಮಾಮ್ ದ ಹಾರ್ವೆಸ್ಟ್ ಪಬ್ಲಿಕ್ ಸ್ಕೂಲ್‌‍ಡ್ ಸುರು ಮಲ್ತೆರ್. ಪದವಿಪೂರ್ವ ಶಿಕ್ಷಣೊನು ಜುಬ್ಲೀ ಹಿಲ್ಸ್ ಪಬ್ಲಿಕ್ ಸ್ಕೂಲ್ ಡ್ ಮಲ್ತೆರ್. ಬಿ.ಕಾಂ ಪದವಿನ್ ಸಂತ. ಆನ್ಸ್ ಮಹಿಳಾ ಕಾಲೇಜ್, ಹೈದರಬಾದ್‌‍ಡ್ ಮಲ್ತೆರ್. ಉಂದುವೆ ಕಾಲೇಜ್‌ಡ್ ಎಂ.ಬಿ.ಎ ಪದವಿನ್‌ಲ ಪಡೆಯೆರ್.
೨೦೧೦ಡ್ ಕಿರಿಯೆರೆ ವಿಭಾಗೊಡು ಅಂತರ್ ರಾಷ್ಟ್ರೀಯ ಮಟ್ಟದ ಗೊಬ್ಬುಡು ಪಾಲ್ ಪಡೆಯೆರ್. ಉಂದು ಮೆರೆನ ಸುರುತ ಅಂತರ್ ರಾಷ್ಟ್ರೀಯ ಪಂದ್ಯೊ. ಬೊಕ್ಕ ಜಪಾನ್‌ಡ್ ನಡತಿನ ಯುವ ಏಷ್ಯಿಯಾ ಯು೧೭ ಬೊಕ್ಕ ಯು೧೫ ಬ್ಯಾಡ್ಮಿಂಟನ್ ಪಂದ್ಯೊಡು ಕಂಚಿದ ಪದಕ ಪಡೆಯೆರ್.[೪] ಇದು ಇವರು ಮೊದಲ ಅಂತರ್ ರಾಷ್ಟ್ರೀಯ ಮಟ್ಟದ ಪದಕ.
೨೦೧೧ಡ್ ರಷ್ಯಾದ ರಾಮೆನ್ಸ್ಕೊ‌ಡ್ ನಡತಿನ ಕಿರಿಯೆರೆ ಅಂತರ್ ರಾಷ್ಟ್ರೀಯ ಮಟ್ಟದ ಪಂದ್ಯ ಮೆರೆನ ಸುರುತ ಪಂದ್ಯೊ. ಈ ಪಂದ್ಯೊಡು ಗೆಲ್ತೆರ್, ಬೊಕ್ಕ ಮಹಿಳಾ ಡಬಲ್ಸ್‌ಡ್ ಕಂಚಿದ ಪದಕ ಪಡೆಯೆರ್. ಏಷ್ಯಿಯನ್ ಜೂನಿಯರ್ ಕ್ರೀಡಾಕೂಟೊಡು ಮಿಕ್ಸ್ ಡಬಲ್ಸ್‌ಡ್ ಕಂಚಿದ ಪದಕೊ ಪಡೆಯೆರ್.
೨೦೧೨ಡ್ ಮಹಾರಾಷ್ಟ್ರದ ಪುಣೆಡ್ ನೆಡತಿನ ಕಿರಿಯೆರೆ ಅಂತರ್ ರಾಷ್ಟ್ರೀಯ ಪಂದ್ಯ ಸುಶಾಂತ್ ಚಿಪಲ್ಕಟಿ ಮೆಮೊರಿಯ ಕ್ರೀಡಾಕೂಟ ೨೦೧೨ ಡ್ ರಿತುಪರ್ಣಾ ದಾಸ್ರೆನ್ ಎದುರಿಸದ್, ಮಹಿಳಾ ಸಿಂಗಲ್ಸ್ ಪಂದ್ಯೊನು ಗೆಲ್ತೆರ್.ಅವೆತೊಟ್ಟುಗು ಮಹಿಳಾ ಡಬಲ್ಸ್‌ಡ್ ಗೆಲ್ಮೆ ಪಡೆಯೆರ್ .
೨೦೧೩ಡ್ ಇಂಡಿಯನ್ ಬ್ಯಾಡ್ಮಿಂಟನ್ ಲೀಗ್ ಅವಾಡೆ ವಾರಿಯರ್ಸ್ ತಂಡೊದ ಪರ ಗೊಬ್ಬುದೆರ್. ಮೆರೆನ ತಂಡೊ ರಡ್ಡ್‌ನೆ ಸ್ಥಾನ ಪಡೆದಿತ್ತ್ಂಡ್. ವಂಕಿನ ಅಂಜನಾ ದೇವಿ ಮೆಮೊರಿಯಲ್ ಕ್ರೀಡೆಡ್‌ಲ ಗೆಲ್ಮೆ ಪಡೆಯೆರ್ . ಸುಶಾಂತ್ ಚಿಪಲ್ಕಟಿ ಮೆಮೊರಿಯ ಕ್ರೀಡಾಕೂಟ ೨೦೧೩ ಡ್ ಮಹಿಳಾ ಸಿಂಗಲ್ಸ್‌ಡ್ ಗೆಲ್ಮೆ ಪಡೆಯೆರ್.
೨೦೧೪ ಡಿಸೆಂಬರ್‌ಡ್ ಅಂತರ್ ರಾಷ್ಟ್ರೀಯ ಟಾಟಾ ಓಪನ್ ಇಂಡಿಯ ಕ್ರೀಡಾಕೂಟೊಡು ಮಹಿಳಾ ಸಿಂಗಲ್ಸ್ ವಿಭಾಗೊಡು ಅರುಂಧತಿ ಪಂತವಾನೆರೆ ವಿರುದ್ದದ ಕಡೆತ ಪಂದ್ಯೊನು ಗೆಲ್ತೆರ್.[೫] ಇದು ಮಹಾರಾಷ್ಟ್ರದಲ್ಲಿ ನೆಡೆದ ಪಂದ್ಯ. ಇದು ಶಿವಾನಿ ಸುರುಕು ಭಾರತೊಡು ಗೆಲ್ತಿನ ಅಂತರ್ ರಾಷ್ಟ್ರೀಯ ಪಂದ್ಯವಾದಿತ್ತ್ಂಡ್. ಸೆಪ್ಟೆಂಬರ್‌ಡ್ ನೆಡತಿನ ಸುಶಾಂತ್ ಚಿಪಲ್ಕಟಿ ಮೆಮೊರಿಯ ಕ್ರೀಡಾಕೂಟೊಡು ಕಾರ್ತೀಕಾ ರೇಷ್ಮಾನ ವಿರುದ್ದದ ಕಡೆತ ಪಂದ್ಯೊನು ಗೆಲ್ತೆರ್ . ಮೆರ್ ಗುಜರಾತ್‌ಡ್ ನೆಡತಿನ ಅಖಿಲ ಭಾರತೀಯ ಹಿರಿಯೆರೆನ ಬ್ಯಾಡ್ಮಿಂಟನ್ ರ‍್ಯಾಂಕ್ ಕ್ರೀಡಾಕೂಟದ ವಿಜೇತೆಯಾದುಲ್ಲೆರ್.
೨೦೧೫ಡ್ ಅಂತರ್ ರಾಷ್ಟ್ರೀಯ ಮಟ್ಟದ ಯೋನೆಕ್ಸ್ ಸಂರೈಸ್ ಬಾಂಗ್ಲಾ ಓಪನ್ ಪಂದ್ಯೊಡು ಮಹಿಳಾ ಸಿಂಗಲ್ಸ್‌ಡ್ ಗೊಬ್ಬುನು ಗೆಂದಿಯೆರ್. ಶಿವಾನಿ ಗಾಡೆ ಅಕ್ಟೋಬರ್‍‌ಡ್ ಕಂಚಿದ ಪದಕೊನು ಅಂತರ್ ರಾಷ್ಟ್ರೀಯ ಬಾಬೋಲಾಟ್‌ ಬಲ್ಗೇರಿಯನ್ ಪಂದ್ಯೊಡು ಪಡೆಯೆರ್. ಸೆಪ್ಟೆಂಬರ್‌ಡ್ ನಡತಿನ ಸುಶಾಂತ್ ಚಿಪಲ್ಕಟಿ ಮೆಮೊರಿಯ ಕ್ರೀಡಾಕೂಟ ೨೦೧೫ ಡ್ ಮಹಿಳಾ ಸಿಂಗಲ್ಸ್ ವಿಭಾಗೊಡು ಗೆಲ್ಮೆ ಸಾಧಿಸದೆರ್. ಈ ಕ್ರೀಡಾಕೂಟೊನು ಕಯಾಮ್ ನಾಲ್ ವರ್ಷೊ ಗೆಂದ್‌ದೆರ್. ಮೆರ್ ಉತ್ತರ ಪ್ರದೇಶೊಡು ನಡತಿನ ರಾಡೆಯ್ ಶ್ಯಾಮ್ ಗುಪ್ತಾ ಮೆಮೊರಿಯಲ್ ಅಖಿಲ ಭಾರತೀಯ ಹಿರಿಯೆರೆ ಬ್ಯಾಡ್ಮಿಂಡನ್ ಕ್ರೀಡಾಕೂಟೊಡು ಗೆಲ್ತ್‌ದೆರ್.
೨೦೧೬ಡ್ ಗುವಾಹಾಟಿಡ್ ನೆಡತಿನ ದಕ್ಷಿಣ ಏಷ್ಯಿಯಾ ಕ್ರೀಡಾಕೂಟ ೨೦೧೬ ಡ್ ರಡ್ಡ್ ಬಂಗಾರ್ದ ಪದಕೊಲೆನ್, ಮಹಿಳಾ ತಂಡ ಬೊಕ್ಕ ಮಹಿಳಾ ಸಿಂಗಲ್ಸ್‌ಡ್ ಪಡೆತೆರ್. ಪಿ.ವಿ.ಸಿಂಧುನು ಕಡೆತ ಸುತ್ತುಡು ಎದುರಿಸದ್ ಪಂದ್ಯೊನು ಶಿವಾನಿ ಗೆಲ್ತ್‌ದೆರ್.[೬] ೨೦೧೬ಡ್ ಭಾರತೀಯ ಮಹಿಳಾ ಬ್ಯಾಡ್ಮಿಂಟನ್ ತಂಡೊಡು ಶಿವಾನಿ ಇತ್ತೆರ್. ಚೀನಾಡ್ ನೆಡತಿನ ಥಾಮಸ್ ಬೊಕ್ಕ ಉಬರ್ ಕಪ್ ಅಂತರ್ ರಾಷ್ಟ್ರೀಯ ಚಾಂಪಿಯನ್ ಶಿಪ್ ೨೦೧೬ ಡ್ ಭಾರತೀಯ ಮಹಿಳಾ ತಂಡೊ ಕಂಚಿದ ಪದಕೊನು ಗೆಂದ್‌ದ್ಂಡ್. ೨೦೧೬ಡ್ ಶಿವಾನಿ ಭಾರತೀಯ ಪ್ರೀಮಿಯಮ್ ಬ್ಯಾಡ್ಮಿಂಡನ್ ಕ್ರೀಡಾಕೂಟೊಡು, ಮುಂಬೈ ರಾಕರ್ಸ್ ತಂಡೊಡು ಗೊಬ್ಬುದಾರಾದಿತ್ತೆರ್. ಮಹಾರಾಷ್ಟ್ರದ ಪುಣೆಡ್ ನೆಡತಿನ ವಿ.ವಿ. ನಟು ಮೆಮೊರಿಯಲ್ ಅಖಿಲ ಭಾರತೀಯ ರ‍್ಯಾಂಕ್ ಕ್ರೀಡಾಕೂಟೊಡು ಗೆಲ್ಮೆ ಪಡೆತೆರ್ .
ರುತ್ವಿಕಾ ಭಾರತ್ ಪೆಟ್ರೋಲಿಯಮ್ ಕಾರ್ಪೋರೆಶನ್ ಲಿಮಿಟೆಡ್ ನವೆಂಬರ್ ೨೩ ೨೦೧೫ಡ್ದ್ ಕೆಲಸ ಮಲ್ತೊಂದುಲ್ಲೆರ್. ಪ್ರಸ್ತುತ ಕ್ರೀಡಾ ಇಲಾಕೆದ ಕಾರ್ಯನಿರ್ವಾಹಕ ಅಧಿಕಾರಿಯಾದ್ ಹೈದರಾಬಾದ್‌‌ಡ್ ಕರ್ತವ್ಯ ನಿರ್ವಹಿಸವೊಂದುಲ್ಲೆರ್.