ಒನಕೆ ಓಬವ್ವ

ಒನಕೆ ಓಬವ್ವ ೧೮ ನೇ ಶತಮಾನೊದ ಚಿತ್ರದುರ್ಗದ ಕೋಟೆದ ಪಾಳೆಗಾರನಾದಿತ್ತಿನ ಮದಕರಿ ನಾಯಕೆನ ಕೋಟೆದ ಕಾವಲುಗಾರೆ ಆದಿತ್ತಿನ ಕಹಳೆ ಮದ್ದಹನುಮಪ್ಪನ ಬೊಡೆದಿ. ಓಬವ್ವನ್ ಕನ್ನಡದ ವೀರ ಪೊಂಜೊವ್ಲ್ ಆತಿನ ಕಿತ್ತೂರು ಚೆನ್ನಮ್ಮ, ರಾಣಿ ಅಬ್ಬಕ್ಕ ನ ಸಾಲ್‍ಡ್ ಪರಿಗಣಿಸಾವೆರ್.^[೧]

ಒನಕೆ ಓಬವ್ವ

ಹೈದರಾಲಿ ಚಿತ್ರದುರ್ಗದ ಮಿತ್ತ್ ಆಕ್ರಮಣ ಆನಗ ಓಬವ್ವ ತನ್ನ ಒನಕೆನ್ ಅಸ್ತ್ರವಾದ್ ಶತ್ರುಲೆನ್ ಎದುರಿಸಾಯೆರ್. ನೂದುರ್ದ್ಲಾ ಮಿತ್ತ್ ಶತ್ರು ಸೈನಿಕೆರೆನ್ ತನ್ನ ಒನಕೆರ್ದೇ ಕೆರ್ದ್ ಕಡೆಕ್ ಶತ್ರು ಸೈನಿಕೆ ಪಿರೋಡ್ ಬತ್‍ದ್ ಬಿಸತಿ ಪಾಡಿನೈರ್ದಾವರ ಜೀವನ್ ಬುಡಿಯೆರ್ ಪಂದ್ ಕೆಲವೆರ್ ನಂಬುದೆರ್. ಆ ಗಲಿಗೆರ್ದ್ ಅರೆಗ್ ಒನಕೆ ಓಬವ್ವ ಪನ್ಪಿನ ಬಿರುದು ತಿಕ್ಕ್ಂಡ್.^[೨]^[೩]

ಓಬವ್ವನ ಕತೆ

ಮದಕರಿ ನಾಯಕನ ಆಳ್ವಿಕೆಡ್, ಚಿತ್ರದುರ್ಗೊಗ್ ನಗರೊನ್ ಹೈದರ್ ಅಲಿ (1754-1779) ಪಡೆ ಆಕ್ರಮಣ ಮಲ್ಪುಂಡು. ಬಂಡೆದ ರಂದ್ರೊದ ಮೂಲಕ ಶತ್ರುಲು ಚಿತ್ರದುರ್ಗದ ಕೋಟೆದುಲಾಯಿ ಬರ್ಪಿನೈನ್ ಆಕಸ್ಮಿಕವಾದ್ ತುಯ್ನ ಹೈದರ್ ಅಲಿ ತನ್ನ ಸೈನಿಕೆರೆನ್ ಆ ರಂದ್ರೊದ ಮೂಲಕ ಕಡಪಾವುನ ಯೋಜನೆ ಮಲ್ಪುವೆ. ಅಲ್ಪ ಬೇಲೆ ಮಲ್ತೊಂದಿತ್ತಿನ ಕಹಳೆ ಊದುನಾಯೆ ಹನುಮ, ಒಣಸ ಮಲ್ಪರೆ ಪೋದಿತ್ತೆ. ಒಣಸ್‌ದ ಪೊರ್ತುಡ್ ಮದಕರಿ ನಾಯಕಗ್ ಪರ್ರೆ ನೀರ್ ಬೋಡಿತ್ತ್ಂಡ್, ಅಂಚಾದ್ ಬೊಡೆದಿ ಓಬವ್ವ ನೀರ್ ಕನರೆ ಪೋದಿತ್ತೊಲು. ಶತ್ರುಲು ಒರಿ ಒರಿಯೆ ರಂದ್ರೊದ ಮೂಲಕ ಕೋಟೆದುಲಾಯಿ ಬರ್ಪುನೈನ್ ಓಬವ್ವ ತೂಯೊಲ್. ಆ ಪೊರ್ತುಗ್ ದಾಲ ತೋಚಂದೆ ಕಂಡನ್ಯನ್ ಲೆಪ್ಪರೆಲಾ ಆವಂದೆ ತಾನಾದೇ ಒಂಜೊಂಜೆ ಸೈನಿಕೆರೆಗ್ ಮಂಡೆಗ್ ಒನಕೆಡ್ ಪೆಟ್ಟ್ ಪಾರ್ದ್ ಕೆರ್ಪೊಲು. ಆಂಡ ಕಡೆಕ್ ಒರಿ ಶತ್ರು ಓಬವ್ವಗ್ ಬಿಸತಿ ಪಾಡುನೈರ್ದಾವರ ಓಬವ್ವನ ಜೀವ ಪೋಪುಮಡು. ಆಂಡ ಚಿತ್ರದುರ್ಗೊನ್ ಶತ್ರುಲೆರ್ದ್ ರಕ್ಷಿಸಾದೆ ಜೀವ ಬುಡ್ಪೆರ್.

ಒನಕೆ ಒಬವ್ವನ ಕಥೆ

ಮದಕರಿ ನಾಯಕನ ಆಳ್ವಿಕೆಡ್, ಒಂಜಿ ಸರ್ತಿ ಹೈದರ್ ಅಲಿನ (1754-1779) ಗುಪ್ತಚರೆರ್ ಚಿತ್ರದುರ್ಗ ಕೋಟೆಗ್ ಪ್ರವೇಶ ಮಲ್ಪುನ ಗುಪ್ತ ಸಾದಿ ಆದ್ ಚಿತ್ರದುರ್ಗ ಕೋಟೆಡ್ ಒಂಜಿ ಎಲ್ಯ ಮಾಟೆದೊ ಮಾರ್ಗನು ನಾಡ್ ಪತ್ತಿಯೆರ್. ಉಂದೆನ್ ತೆರಿದ್, ಹೈದರ್ ಅಲಿ ಆಯೆನ ಸೈನ್ಯೊನು ಈ ರಹಸ್ಯ ಮಾಟೆದೊ ಮಾರ್ಗೊಡು ಕೋಟೆಗ್ ಕಡಪುಡುನ ಆದೇಶ ಕೊರ್ಯೆರ್. ಒಂಜಿ ದಿನ, ಮುದ್ದ ಹನುಮೆ ಒಣಸುಗು ಇಲ್ಲಗ್ ಪೋನಗ, ಒಬವ್ವ ನೀರ್ ಕನೊರೆ ಕಯಿತಲ್ದ ಕೆದುಕು ಪೋನಗ, ಅಲ್ಪ ಕೆಲವು ಗುಣು ಗುಣು ಶಬ್ದೊಲು ಕೇಂಡುಂಡು. ಸುರುಟು ಅರೆಗ್ ಪೋಡಿಗೆ ಆಂಡ್, ಅಂಡಲಾ, ಅದಗನೇ ಧೈರ್ಯ ಮಂತುದು ಸೈನಿಕೆರೆನ್ ತಡೆಯೆರೆ ದಾದ ಮಲ್ಪುನು ಪಂದ್ ಎನ್ನುದು ಅಲ್ಪನೆ ಇತ್ತಿನ ಒನಕೆನ್ ಪತೊಂದು, ಮಾಟೆದಲ್ಪ ಬರಿಟ್ ಶತ್ರುಲೆಗ್ ಕಾತೊಂದು ಕುಲ್ಲಿಯೆರ್. ಸುರುತ ಸೈನಿಕೆರ್ ಮಾಟೆಡ್ದ್ ಉಲಯಿ ಬನ್ನಗ, ಒಬವ್ವ ಒನಕೆಡ್ ಅಯೆನ ತರೆಕ್ ಹಾಕುದ್ ಅಯೆನ ಶರೀರೊನು ಒಯಿತುದು ಬರಿಕ್ ಪಾಡಿಯೆರ್. ಅರ್ ಈ ರೀತಿಡ್ ಪ್ರತಿಯೊಂಜಿ ಸೈನಿಕೆರೆನ್ ಉಲಯಿ ಬತ್ತಿಲೆಕ್ಕನೇ ಕೆರುದು ಪುನತ ರಾಶಿ ಪಾಡಿಯೆರ್. ಅಂಚನೆ ಅಲ್ಪ ಹೈದರ್ ಆಲಿನ ಸೈನಿಕೆರೆನ ಪುನೊತ ಗುಡ್ಡೆನ್ ನಿರ್ಮಾಣ ಮಲ್ತೆರ್. ಒಬವ್ವ ಬರಂದಿನ ತೂದ್ ಕಾವಲುಗಾರೆ ಮದ್ದ ಹನುಮ ಪಿದಯಿ ಬತ್ತು ನಾಡೊಂದು ಬನ್ನಗ, ಪುನತ ರಾಶಿ ಪಾಡುದು ಬಲಿಕಾದು ಕಾತೊಂದು ಉಪ್ಪುನ ಒಬವ್ವೊನು ತೂಯೆರ್. ಅದಗನೆ ಕೋಟೆದ ಮಿತ್ತು ಪೋದು ರಾಜೆಗ್ ಹೈದರ್ ಅಲಿನ ದಾಳಿದೊ ಬಗ್ಗೆ ಎಚ್ಚರಿಕೆ ಕೊರ್ಪಿನ ಕೊಂಬುನ್ ಊದುವೆರ್.^[೪]

ಒನಕೆ ಒಬವ್ವನ ಮರಣ

ದುರದೃಷ್ಟವಶಾತ್, ಒಬವ್ವ ಆ ದಿನನೇ ತೀರ್‌ದ್ ಪೋಪೆರ್, ಆಂಡ ಅರೆನ ಸಾವುದ ನಿಖರ ಕಾರಣ ಸ್ಪಷ್ಟವಾತ್ ಇಜ್ಜಿ. ಕೆಲವೆರ್ ಮಸ್ತ್ ಶತ್ರುಲೆನ್ ಕೆರಿನೊ ಆಘಾತೊಡ್ದ್ ಸೈತೆರ್ ಪಂದ್ ನಂಬುವೆರ್, ಆಂಡಾ ಕೆಲವೆರ್ ಶತ್ರುಲೆಡ್ ಒರಿ ಅರೆನ ಪಿರವುಡ್ದ್ ಆಕ್ರಮಣ ಮಲ್ತ್‌ದ್ ಅರೆನ್ ಕೆರಿಯೆರ್ ಪಂದ್‌ಲಾ ನಂಬುವೆರ್.^[೫]

ಸಿನಿಮೊಲೆಡ್ ಓಬವ್ವ ಸ್ಮರಣೆ

ಪುಟ್ಟಣ್ಣ ಕಣಗಾಲ್ ನಿರ್ದೇಸನೊದ ನಾಗರಹಾವು ಸಿನಿಮೊದ ಪ್ರಸಿದ್ಧ ಪದ್ಯೊಡ್ ಓಬವ್ವನ್ ಚಿತ್ರಿಸಾದೆರ್.^[೬] ಈ ಸಿನಿಮೊಡ್ ನಟಿ ಜಯಂತಿ ಮೇರ್ ಓಬವ್ವನ ಪಾತ್ರೊನ್ ಮಲ್ದೆರ್. ೨೦೧೯ ನೇ ಇಸವಿಡ್ 'ಚಿತ್ರದುರ್ಗದ ಒನಕೆ ಓಬವ್ವ'^[೭] ಪನ್ಪಿನ ಸಿನಿಮೊಡ್ ತಾರಾ ಅನುರಾಧಾ ಒನಕೆ ಓಬವ್ವನ ಪಾತ್ರಡ್ ಅಬಿನಯ ಮಲ್ತ್ ದೆರ್.^[೮]^[೯]

ಓಬವ್ವ ಜಯಂತಿ

2021 ನೇ ಇಸವಿರ್ದ್ ಕರ್ನಾಟಕ ಸರಕಾರ ಪ್ರತಿ ವರ್ಸ ನವೆಂಬರ್ 11 ನೇ ತಾರೀಕ್‌ಗ್ ಓಬವ್ವ ಜಯಂತಿನ್ ಆಚರ್ಪರೆ ಅನುಮತಿ ಕೊರ್ತುಂಡು.^[೧೦]^[೧೧]

ಸರಕಾರೊರ್ದ್ ಓಬವ್ವಗ್ ತಿಕ್ಕಿನ ಸನ್ಮಾನೊಲು

ನವೆಂಬರ್ 11 ನೇ ತಾರೀಕ್‍ಗ್ ಇಡೀ ರಾಜ್ಯೊಡ್ ‘ಒನಕೆ ಓಬವ್ವ ಜಯಂತಿ’ ಆಚರ್ಪರೆ ಕರ್ನಾಟಕ ಸರ್ಕಾರ ನಿರ್ದಾರ ಮಲ್ದ್ಂಡ್.^[೧೨]
ಹೈದರ್ ಅಲಿನ ಸೈನಿಕೆರ್ ಪ್ರವೇಸ ಮಲ್ದಿನ ರಂದ್ರೊನ್ ‘ಒನಕೆ ಓಬವ್ವನ ಕಿಂಡಿ’ ಪಂಡ್ದ್ ಪುದರ್ ದೀಯೆರ್.
ಓಬವ್ವನ ಕಿಂಡಿ ಉಪ್ಪುನ ಜಾಗೆನ್ ಪ್ರವಾಸಿ ತಾಣ ಆದ್ ಮಲ್ದೆರ್.
ಕರ್ನಾಟಕ ಸರ್ಕಾರ ಚಿತ್ರದುರ್ಗೊದ ಕ್ರೀಡಾಂಗನೊಗ್ ವೀರ ವನಿತೆ ಒನಕೆ ಓಬವ್ವ ಕ್ರೀಡಾಂಗನ ಪಂದ್ ಪುದರ್ ದೀತ್ಂಡ್.
ಚಿತ್ರದುರ್ಗೊದ ಜಿಲ್ಲಾದಿಕಾರಿ ಕಚೇರಿ ಎದುರು ಒನಕೆ ಓಬವ್ವನ ಪ್ರತಿಮೆನ್ ನಿರ್ಮಿಸಾದ್ ಸರ್ಕಾರ ಗೌರವ ಕೊರ್ತುಂಡ್. ಅಶೋಕ್ ಗುಡಿಗಾರ್ ಉಂದೆನ್ ಕೆತ್ತಿನೆ ಮಲ್ದೆರ್.^[೧೩]