| ಕುಡಿಯಾ | |
|---|---|
| ಬಳಕೆಡುಪ್ಪುನ ಪ್ರದೇಸೊಲು | ಭಾರತ |
| ಮೂಲ ಬಾಸಿಗೆರ್ | ೨,೮೦೦ |
ದ್ರಾವಿಡ
| |
| ಬಾಸೆದ ಸಂಕೇತೊಲು | |
| ISO 639-3 | kfg |
| Glottolog | kudi1237[೧] |
en:Category:Language articles with invalid population dates
ಕುಡಿಯಾ ಬಾಸೆ ದ್ರಾವಿಡ ಬಾಸೆಲೆ ಕುಟುಂಬೊಗು ಸೇರ್‌ನ ಒಂಜಿ ಬಾಸೆ.[೨] ಇಂದೆನ್ ದಕ್ಷಿಣ ಕನ್ನಡ, ಕಾಸರಗೋಡು ಬುಕ್ಕೊ ಉಡುಪಿ ಜಿಲ್ಲೆಲೆಡ್ ಹೆಚ್ಚಾದ್, ಕಣ್ಣೂರು ಜೆಲ್ಲೆ ಬುಕ್ಕೊ ತಮಿಳುನಾಡ್ದ ಕೆಲವು ಕಡೆಟ್ ವಾಸೊಡಿಪ್ಪುನ ಮಲೆಕುಡಿಯೆರ್ ಪನ್ಪುನ ತಳ ಸಮುದಾಯೊದಗ್ಲ್ ಪಾತೆರ್ಬೆರ್. ಈ ಬಾಸೆನ್ ಪಾತೆರ್ನಗ್ಲೆನ ಸಂಕ್ಯೆ ಸುಮಾರ್ ೨೮೦೦ (೨೦೦೭ನೆ ಸಮೀಕ್ಷೆದ ಅಂದಾಜ್)[೩].ಕರ್ನಾಟಕದಲ್ಲಿ ಕನ್ನಡ ಲಿಪಿ ಮತ್ತು ಕೇರಳದಲ್ಲಿ ಮಲಯಾಳಂ ಲಿಪಿಯನ್ನು ಬರವಣಿಗೆಗೆ ಬಳಸುತ್ತಾರೆ.[೪][೫]
ಕುಡಿಯೆರ್ ಅತ್ತಂಡ ಮಲೆ(ಬೆಟ್ಟ) ಕುಡಿಯೆರ್ ದಕ್ಷಿಣ ಕೆನರಾ ಜಿಲ್ಲೆದ ನೆರಿಯ, ಧರ್ಮಸ್ಥಳ ಬುಕ್ಕೊ ಶಿಶಿಲ ಪ್ರದೇಶೊಡು ತೋಜಿದ್ ಬರ್ಪೆರ್. ಗಟ್ಟದ ಮಿತ್ತ್ ಏಲಕ್ಕಿ ತೋಟೊಲೆನ್ ಹೊಂದ್‌ದಿಪ್ಪುನ ತೋಟೊದ ಮಾಲೀಕೆರೆ ಕೆಲಸೊದ ಜನೊ. ಅಗ್ಲ್ ಹೆಚ್ಚಾದ್ ಕಾಡ್‌ಲೆಡ್, ಬಂಡೆಕಲ್ಲ್‌ದ ಅಡಿಟ್, ಗುಹೆಕ್ಲೆಡ್ ಅತ್ತಂಡ ತಗ್ಗ್‌ದ ಬುಡಾರೊಲೆಡ್ ವಾಸೊ ಮಲ್ಪುವೆರ್. ಒಂಜಿ ಜಾಗೆಡ್ದ್ ನಾನೊಂಜೆಗ್ ಸ್ಥಳಾಂತರೊ ಆಪೆರ್.[೬]
ಏಲಕ್ಕಿ ಬುಲೆಪುನ ಕಾಲೊಡು ವಾರೊಗೊರೊ ಬುಲೆನ್ ಮಾರಾಟೊಗಾದ್ ಪೇಂಟೆಗ್ ಬರ್ಪೆರ್. ಅಗ್ಲ್ ಮೈಸೂರು ಗಡಿಬಾಗೊಗು ಏಲಕ್ಕಿನ್ ಮಾರಿಯರ ಕೊಂಡುಪೋಪೆರ್. ಗುತ್ತಿಗೆದಾರೆರ್ ಅತ್ತಂಡ ವ್ಯಾಪಾರಿಲೆ ಮೋಸಡ್ದ್ ತಪ್ಪಾದ್ ಮಾರಾಟೊ ಮಲ್ಪುವೆರ್ಂದ್ ಪನೊಲಿ. ಅಗ್ಲ್ ಅರಣ್ಯೊ ಇಲಾಕೆಗ್ ಸೂ ಬೂರಂದಿ ಲೆಕೊ ಸುಡ್‌ನ ಸಾದಿ(fire track)ಲೆನ್ ಮಲ್ತ್‌ದ್ ಸಹಾಯೊ ಮಲ್ಪುವೆರ್.
ಕುಡಿಯೆರ್ ತುಳುಟ್ ಪಾತೆರ್ಬೆರ್. ಅಗ್ಲ್ ಅಳಿಯ ಸಂತಾನೊ ಉತ್ತರಾದಿಕಾರೊದ ನಿಯಮೊನು (ಅಪ್ಪೆಮೂಲ) ಅನುಸರಿಸಬೆರ್. ಕೆಲವೆರ್ ವಿಸೇಸವಾದ್ ಶಿಶಿಲ ಬುಕ್ಕೊ ಮೈಸೂರು ಗಡಿಡ್ ಅಮ್ಮಡ್ದ್ ಮಗಕ್ಕ್ ಉತ್ತರಾದಿಕಾರೊದ (ಅಮ್ಮೆಮೂಲೊ)ನಿಯಮೊನು ಅನುಸರಿಬೆರ್. ಮುಗ್ಲು ಅಡುಗೆಕೋಣೆ ಬುಕ್ಕೊ ಒಣಸ್‌ದ ಕೋಣೆನ್ ಬುಡ್ದ್ ದನಿಕ್ಲೆ ಇಲ್ಲಡೆಡ್ ಮಾಂತ ಕೋಣೆಗ್ಲಾ ಪೋಪೆರ್. ಮೆಕ್ಲೆಗ್ ಒರಿ ಗುರಿಕ್ಕಾರೆ ಪನ್ಪುನ ಯಜಮಾನ್ಯೊ ಸ್ತಾನೊ ವಹಿಸವೊನ್ಬೆರ್. ಅಗ್ಲ್ ಜಾತಿ ನಿಯಮೊಲೆ ಉಲ್ಲಂಗನೆನ್ ವಿಚಾರಿಸಬೆರ್ ಬುಕ್ಕೊ ಅರ್ಜಂಟ್‌ದ ಪೊರ್ತುಗು ಸಹಾಯೊ ಮಲ್ಪುವೆರ್.[೭]
ಕುಡಿಯೆರೆ ಮುಕ್ಯ ದೇವತೆಲು ಭೈರವ, ಕಾಮಂಡವೆರ್ ಬುಕ್ಕೊ ಪಂಚ ಪಾಂಡವೆರ್ (ಐನ್ ಪಾಂಡವ ಸೋದರೆರ್), ಆಂಡ ಅಗ್ಲ್ ಮಲೆ ಕಲ್ಲುರ್ಟಿ ಬುಕ್ಕೊ ಅಂಬಾಟದೈವದಂಚಿನ ಕೆಲವು ಬೂತೊಲೆನ್(ದೆವ್ವಲೆನ್) ನಂಬುವೆರ್.
{{cite web}}: CS1 maint: unrecognized language (link)