ಕುದ್ರೋಳಿ ದೇವಸ್ಥಾನ
ಗೋಕರ್ಣನಾಥ ಕ್ಷೇತ್ರ ಕುಡ್ಲದ ಕುದ್ರೋಳಿ ಪನ್ಪಿ ಜಾಗೆಡ್ ಉಂಡು. ಮುಲ್ಪ ಶಿವ ದೇವೆರೆನ್ ಗೋಕರ್ಣನಾಥನ ರೂಪೊಡು ಸುಗಿಪುವೆರ್. ದುಂಬುದ ಕಾಲೊಡು ಬಿಲ್ಲವೆರೆಗ್ ದೇವಸ್ಥಾನೊದ ಅಂಗಣೊಗು ಪೋದು ಪೂಜೆ ಮಲ್ಪೆರೆ ಅವಕಾಶ ಇಜ್ಜಾಂಡ್ . ತುಳುನಾಡ್ದ ಜನಸಂಖ್ಯೆಡ್ ಮಲ್ಲವು ಬಿಲ್ಲವೆರ್ನವು. ಎಕ್ರೆ ಎಕ್ರೆ ಬೆನ್ನಿ ಸಾಗೋಳಿ,ಗುತ್ತು ಬರ್ಕೆದ ಇಲ್ಲುಲು ಇತ್ತ್ಂಡಲಾ ಬಿಲ್ಲವೆರೆಗ್ ಸ್ಥಾನಮಾನ ಇಜ್ಜಂದಿ ಕಾಲ ಅವು. ನಾಗಾರಾಧನೆ, ಭೂತಾರಾಧನೆಲೆನ್ ಮಲ್ತೊಂದು ಇತ್ತಿ ಬಿಲ್ಲವೆರೆಗ್ ದೇವಸ್ಥಾನೊಲೆಡ್ ಪೂಜೆ ಮಲ್ಪು ಇಜ್ಜಾಂಡ ಪಾಲ್ ದೆತೊನಿಯೆರೆ ಅವಕಾಶ ಇಜ್ಜಾಂಡ್.
ಇತಿಹಾಸ
[ಸಂಪೊಲಿಪುಲೆ]ಕುಡ್ದ ಹ್ಯೊಗೆಬಜಾರ್ಡ್ ಪ್ರತಿಷ್ಟಿತ ಬಿಲ್ಲವ ಮನೆತನೊಟ್ಟು ಪುಟ್ಟುದಿ ಕೊರಗಪ್ಪೆರ್ 1908ಗು ಕೆಲವು ದೋಸ್ತಿಯಾಡ್ಲೆ ಒಟ್ಟುಗು ಕೇರಳದ ಕಣ್ಣನೂರುಡು ಇತ್ತಿನ ನಾರಾಯಣ ಗುರುಸ್ವಾಮಿನ್ ಬೇಟಿ ಮಲ್ತ್ ಕುಡ್ಲಗ್ ಬರಿಯೆರೆ ಲೆಪ್ಪು ಕೊರಿಯೆರ್. ಬಿಲ್ಲವ ಮುಖಂಡೆರೆನ ಲೆಪ್ಪುಗು ಬೊಕ್ಕ ಬಿಲ್ಲವೆರೆ ಬಯಕೆನ್ ಪೂರ್ಣ ಮಲ್ಪರೆ 1912ಕ್ಕ್ ನಾರಾಯಣ ಗುರುಸ್ವಾಮಿ ಕುಡ್ಲಗ್ ಬತ್ತ್ ದ್ ಕುದ್ರೋಳಿಡ್ ಗೋಕರ್ಣ ದೇವಸ್ಥಾನೊನು ಸ್ಥಾಪನೆ ಮಲ್ತೆರ್. ನಾರಾಯಣ ಗುರು ಪನ್ಪುನ ಸಮಾಜ ಸೇವಕೆರ್ ಉಂದೆನ್ ತೂದು ಅಕ್ಲೆಗಾತ್ರ ಈ ದೇವಸ್ಥಾನೊನು ಕಟ್ಟಯೆರ್. ಈ ಕ್ಷೇತ್ರೊ ಇತ್ತೆ ಈ ದೇವಸ್ಥಾನ ಗೋಕರ್ಣನಾಥ ಕ್ಷೇತ್ರ ಪನ್ಪುನ ಪುದರ್ಡ್ ಜಗತ್ತ್ ಇಡೀ ಪ್ರಚಾರ ಪಡೆತ್ತ್ಂಡ್. ಇನಿ ಕುದ್ರೋಳಿ ದೇವಸ್ಥಾನ ಪ೦ದ ಇದಿ ಲೋಕದೆ ಪ್ರಸಿದ.
ಆರಾಧನೆ
[ಸಂಪೊಲಿಪುಲೆ]ಶಿವ ದೇವೆರೆನ ಒಟ್ಟಿಗೆ ಮುಲ್ಪ ಗಣಪತಿ, ಸುಬ್ರಹ್ಮಣ್ಯ, ಅನ್ನಪೂರ್ಣೇಶ್ವರಿ, ಕಾಳ ಭೈರವ, ನವಗ್ರಹ, ಶನೀಶ್ವರ ಅಂಚೆನೆ ಕೃಷ್ಣ ದೇವೆರೆನ್ ಸುಗಿಪುವೆರ್. ಸಾಹುಕಾರ್ ಕೊರಗಪ್ಪ ಉಂದು ದೇವಸ್ಥಾನೊದ ಸುರೂತ್ತ ಆಡಳಿತ ಅಧಿಕಾರಿ ಆದಿತ್ತೆರ್. ಇಂಬೆರೆನ ಮಗೆ ಆಯಿನ ಸೋಮಸುಂದರ ಅಂಚೆನೆ ಜನಾರ್ಧನ ಪೂಜಾರಿ ಉಂದು ದೇವಸ್ಥಾನೊನು ಪುನರ್ನಿರ್ಮಾಣ ಮಂತೆರ್.[೧]
ವರ್ಷಾವಧಿ ಉತ್ಸವ
[ಸಂಪೊಲಿಪುಲೆ]ಉಂದು ದೇವಸ್ಥಾನೊಡು ಮಹಾಶಿವರಾತ್ರಿ, ಕೃಷ್ಣಾಷ್ಟಮಿ, ನವರಾತ್ರಿ, ಗಣೇಶ ಚತುರ್ಥಿ, ನಾಗರ ಪಂಚಮಿ, ದೀಪಾವಳಿ ಅಂಚೆನೆ ಶ್ರೀ ನಾರಾಯಣ ಜಯಂತಿ ಪರ್ಬೊಲೆನ್ ಆಚರಣೆ ಮನ್ಪುವೆರ್.
ಕುಡ್ಲ ದಸರಾ
[ಸಂಪೊಲಿಪುಲೆ]ಮುಲ್ಪ ನವರಾತ್ರಿ ಪರ್ಬ ಮಸ್ತ್ ಗೌಜಿಡ್ ಆಚರಣೆ ಮನ್ಪುವೆರ್. ಮಹಾ ಗಣಪತಿ, ಶಾರದಾ ಮಾತೆ ಅಂಚೆನೆ ನವದುರ್ಗೆಲೆನ ವಿಗ್ರಹ ಪ್ರತಿಷ್ಠಾಪನೆ ಮನ್ಪುವೆರ್. ಶೈಲ ಪುತ್ರಿ, ಬ್ರಹ್ಮಚಾರಿಣಿ, ಚಂದ್ರಕಾಂತ, ಕೂಷ್ಮಾಂಡಿಣಿ, ಸ್ಕಂದ ಮಾತ, ಕಾತ್ಯಾಯಿನಿ, ಮಹಾಕಾಳಿ, ಮಹಾಗೌರಿ, ಅಂಚೆನೆ ಸಿದ್ಧಿದಾತ್ರಿ ಮುಲ್ಪ ಪ್ರತಿಷ್ಠಾಪನೆ ಆಪುನ ನವದುರ್ಗೆಲು. ಮುಲ್ಪದ ದಸರಾ ಆಚರಣೆಗ್ ಕುಡ್ಲದ ದಸರಾ ಆಚರಣೆ ಪಂದ್ ಪನ್ಪೆರ್. ಕುಡ್ಲ ದಸರಾ ಮಹೋತ್ಸವದ ಸ್ಥಾಪಕೆರ್ ಬಿ. ಆರ್. ಕರ್ಕೇರೆರ್. ೧೮೯೨ ಜುಲೈ ತಿಂಗೊಲ್ಡು ಪುಟ್ಡಿನ ಮೇರ್ ಬೇಲೆಗಾದ್ ಬೊಂಬಾಯಿಗ್ ಪೋಯೆರ್. ಅಲ್ತ್ ಡ್ದ್ ಅಸ್ಸಾಂಗ್ ಪೋದು ಬೇಲೆ ಮಲ್ತೊಂದುಪ್ಪುನೊಟ್ಟಿಗೆ ಅಲ್ತ ನಗರ ಸಬೆತ್ತ ಸದಸ್ಯೆರಾದ್ ಲಾ ಸೇವೆ ಮಲ್ತ್ ದೆರ್. ೧೯೪೬ಕ್ಕ್ ಕುಡ್ದಗ್ ಬತ್ತ್ ದ್ ಸಾಮಾಜಿಕ, ರಾಜಕೀಯೊ ಕ್ಷೇತ್ರೊಡು ಇತ್ತೆರ್. ೧೯೫೭ ಸುರತ್ಕಲ್ ಕ್ಷೇತ್ರೊಡು ಓಟುಗು ಉಂತುದು ಮೈಸೂರು ಶಾಸನ ಸಭೆಕ್ಕ್ ಸದಸ್ಯೆರಾದ್ ಆಯ್ಕೆ ಆಯೆರ್. ಮೆರೆನ ಅವದಿಡ್ ಕುದ್ರೋಳಿ ದೇವಾಲಯೊಡು ಶಾರದಾ ಅಪ್ಪೆನ ವಿಗ್ರಹದ ಮೆರವಣಿಗೆನ್ ಸುರು ಮಲ್ತೆರ್. ಕರಿನ ೬೦ ವರ್ಷೊಡ್ದಿಂಚಿ ಕುದ್ರೋಳಿ ದೇವಸ್ಥಾನೊಡು ನಡಪು ದಸರಾ ಮಂಗಳೂರು ದಸರಾ ಪನ್ಪಿ ಪುದರ್ ಡ್ ಬಾರಿ ಗೌಜಿಡ್ ನಡಪುಂಡು.
ಪಟಕುಲು
[ಸಂಪೊಲಿಪುಲೆ]-
ಕುದ್ರೋಲಿ ದೇಲಯೊದ ದ್ವಾರ -
ಕುದ್ರೋಲಿ ದೇಲಯೊ -
ಕುದ್ರೋಲಿ ದೇಲಯೊ -
ಶಿವ ಪಾರ್ವತಿ ಮೂರ್ತಿ -
ಸಾಯಿ ಮಂದಿರ -
ಹನುಮ ಮಂದಿರ -
ನಂದಿ -
ಕುದ್ರೋಲಿ -
ಸಾಯಿ ಮಂದಿರ -
ಸಾಯಿ ಪಾದುಕೆ -
ಸಾಯಿ ಮಂದಿರ -
ಕುದ್ರೋಲಿದ ಕೆರೆ -
ಕೃಷ್ಣ ಅರ್ಜುನ ರತ -
ಕುದ್ರೋಲಿಡ್ ಕೃಷ್ಣ ಮಂದಿರ
ಉಲ್ಲೇಕೊಲು
[ಸಂಪೊಲಿಪುಲೆ]- ↑ "Archive copy". Archived from the original on 2014-11-24. Retrieved 2014-12-06.
{{cite web}}: Unknown parameter|dead-url=ignored (help)CS1 maint: archived copy as title (link)