B. V. Karanth
| ||
---|---|---|
Born | Babukodi Venkataramana Karanth 19 September 1929 | |
Died | 1 September 2002 | (aged 72)|
Nationality | ||
Occupation | Composer, film director, screenwriter, actor | |
Spouse(s) | Prema Rao (1958−2002; his death) |
ಬಾಬುಕೋಡಿ ವೆಂಕಟರಮಣ ಕಾರಂತ (ಬಿ.ವಿ.ಕಾರಂತ) (19 ಸೆಪ್ಟಂಬರ್ 1929 – 1 ಸೆಪ್ಟಂಬರ್ 2002) ರ್ ಭಾರತ ದೇಶದ ಸಿನಿಮಾ ಬೊಕ್ಕ ನಾಟಕ ರಂಗದ ಮಲ್ಲ ನರಮಾನಿ.ಆರ್ ಕನ್ನಡ, ಬೊಕ್ಕ ಹಿಂದಿ ಬಾಷೆಡ್ ಸಿನಿಮಾ ನಿರ್ದೇಶನ , ನಟನೆ, ಸಂಗೀತ ದ ಕೊಡುಗೆ ಕೊರ್ತೆರ್. ನಾಟಕ ಬೊಕ್ಕ ಸಿನಿಮಾ ರಂಗೊಗು ಮಲ್ಲ ಕಾಣಿಕೆ ಕೊರ್ನ ಕಾರಂತೆರ್ ನಮ್ಮ ತುಳುನಾಡ್ದ ಬಂಟ್ವಾಳ ತಾಲೂಕುದ ಮಂಚಿದಾರ್.
ಇಂಬೆರ್ ನಾಷನಲ್ ಸ್ಕೂಲ್ ಅಫ಼್ಫ ಡ್ರಾಮಾ ಡ ಓದಿಯೆರ್ (1962) ಬೊಕ್ಕ ದುಂಂಬುಗು ಅಯಿತ ನಿರ್ದೇಶಕೆ ಆಯೆರ್. ಆರ್ನ ದಿಂಜ ನಾಟಕೊಲೆಗ್ ಬೊಕ್ಕ ಸಿನೆಮಾಗುಲೆಗ್ ಇನಾಮು ತಿಕ್ಕುಂಡು . ಅರೆಗ್ ಭಾರತ ಸರಕಾರ ಪದ್ಮಶ್ರೀ ಇನಾಮು ಕೊರ್ತುಂಡು
೧೯೨೯ ಡು ದಕ್ಶಿನ ಕನ್ನಡ ಜಿಲ್ಲೆದ ಬಂಟ್ವಾಳ ತಾಲೂಕುದ ಮಂಚಿ ಗ್ರಾಮದ ಬಾಬುಕೋಡಿಡ್ ಒಂಜಿ ಬ್ರಾಣೆರನ ಕುಟುಂಬಡ್ ಪುಟ್ಯೆರ್. ನಾಟಕ ರಂಗದ ಬಗೆಟ್ ಆರೆಗ್ ಎಲ್ಯ ಪ್ರ್ರಾಯೊಡು ಆಸಕ್ತಿ ಮೂಡುಂಡು.ಆರ್ ಮೂಜನೆ ಕ್ಲಾಸ್ಡ್ ಇಪ್ಪುನಗ ಪಿ. ಕೆ. ನಾರಾಯಣೆರ್ ನಿರ್ದೇಶನ ಮಲ್ತಿನ ನನ್ನ ಗೋಪಾಲ ನಾಟಕಡ್ ನಟನೆ ಮಲ್ತೆರ್.
..
ದೊಂಬುಗು ಇಲ್ಲದ್ ಪಾರ್ಪೋಯಿನ ಕಾರಂತೆರ್ ನಾಟಕ ರಂಗೊಡು ಮಲ್ಲ ಪುದರ್ ಮಲ್ತಿನ ಗುಬ್ಬಿ ವೀರಣ್ಣ ರನ ನಾಟಕ ಕಂಪನಿಗ್ ಸೀರ್ ದ್, ಅಪಗನೆ ಅಲ್ಲ್ ಸೆರ್ನ ರಾಜ್ ಕುಮಾರ್ ನ ಒಟ್ಟುಗು ಕಜ್ಜ ಬೆಂದೆರ್
ಗುಬ್ಬಿ ವೀರಣ್ಣ ಕಾರಂತೆರೆನ್ ಬನಾರಸ್ ಗ್ ಕಲೆಟ್ ಮಲ್ಲ ಪದವಿ ಪಡೆಯೆರೆ ಕಡಪುಡುವೆರ್, ಅಲ್ಲ್ ಕಾರಂತೆರ್ ಗುರು ಓಮ್ಕಾರನಾಥ ಟಾಕೂರೆರ್ಡ ಹಿಂದುಸ್ತಾನಿ ಸಂಗೀತ ಕಲ್ತೆರ್.
ಅಯಿದ್ ಬೊಕ್ಕ ತನ್ನ ಬುಡೆದಿ ಪ್ರೇಮಾ ಕಾರಂತೆರ್ ಒಟ್ಟ್ ಸೇರ್ದ್ ಬೆಂಗಳೂರುಡು ಬೆನಕ ಸ್ಟುಡಿಯೋ ಪನ್ಪುನ ಸುರುತ ನಾಟಕ ಶಾಲೆ ಸುರು ಮಲ್ತೆರ್. ಅಂಚನೆ ಬೆಂಗಳೂರು ನಗರ ಕಲಾವಿದೆರ್ ಪನ್ಪುನ ಕಲಾವಿದೆರ್ನ ಕೂಟೊ.ಪ್ರೇಮಾ ಕಾರಂತೆ ರ್ ಡೆಲ್ಲಿಡ್ ಪಾಠ ಮಲ್ತ್ದ್ ಕಾರಂತೆರೆಗ್ ಸಹಾಯ ಮಲ್ಪುವೆರ್. ಆ ಲೆಕ್ಕಡು ನ್ಯಾಸೆನಲ್ ಡ್ರಾಮ ಸ್ಕೂಲುಗು ಋಣ ಸಂದಾಯ ಮಲ್ತೆರ್, ಅಕೆರಿಗ್ ಅಯಿತ ನಿರ್ದೇಶಕೆರ್ ಆಯೆರ್. .
ಅರ್ ಬೊಕ್ಕ ೧೯೬೨ ಡು ಡೆಲ್ಲಿದ ನ್ಯಾಸನಲ್ ಸ್ಕೂಲ್ ಅಫ಼್ ಡ್ರಾಮ ಡ್ದ್ ಪದವಿ ಕಲ್ಪುವೆರ್. ಅಪಗ ಇಬ್ರಾಹಿಮ್ ಅಲ್ಕಜ಼ಿ ಪನುಪುನಾರ್ ಅಯಿತ ಯಜಮನಿ ಆದ್ ಇತ್ತೆರ್.
೧೯೬೯ ಬೊಕ್ಕ ೧೯೭೨ ದ ನಡುಟು ಡೆಲ್ಲಿದ ಸರ್ದಾರ್ ಪಟೇಲ್ ವಿದ್ಯಾಲಯಡು ನಾಟಕ ಕಲ್ಪಾವುನ ಕಜ್ಜ ಮಲ್ತೆರ್. ಅಯಿದ್ ಬೊಕ್ಕ ಕಾರಂತ ಕಂಡನಿ-ಬುಡೆದಿ ಬೆಂಗಳೂರುಗು ಬತ್ತೆರ್ ಅಲ್ಪ ಅಕ್ಲೆಗ್ ಗಿರಿಶ್ ಕಾರ್ನಡ್ ಬೊಕ್ಕ ಯು. ಅರ್. ಅನಂತಮೂರ್ತಿ ನ ಒಟ್ಟುಗು ಸೇರ್ದ್ ಸಿನಿಮಾ ಬೊಕ್ಕ ಸಂಗೀತ ದ ಕೆಲಸ ಮಲ್ಪುನ ಅವಕಾಶ ಆಂಡ್.
೧೯೭೭ ಡು ಕಾರಂತೆರ್ ನ್ಯಾಶನಲ್ ಸ್ಕೂಲ್ ಒಫ಼್ ಡ್ರಾಮದ ನಿರ್ದೇಶಕೆರ್ ಅಪೆರ್. ಆ ಸಮಯೊಡು ಕಾರೆಂತೆರ್ ಬಾರಿ ಮಲ್ಲ ಕೆಲಸ ಮಲ್ತೆರ್. ನಾಟಕ ಕಲ್ಪಾವುನ ತರಭೇತಿ ಶಿಬಿರ ಬೇತೆ-ಬೇತೆ ಕಡೆಟ್ ಪಂಡ ಡೆಲ್ಲಿಡ್ದ್ ಮಧುರೈ ದಾತ್ ದೂರೋಲಾ ನಾಟಕ ಪರತ್ಟ್ಂಡ್ . ಮದ್ಯಪ್ರದೇಶ ಸರಕಾರ ಆರೆನ್ ಭಾರತ ಭವನ ದ ಅಡಿಟ್ ಬರ್ಪುನ ರಂಗಮಂಡಲ ಪನುಪುನ ಸಂಸ್ತೆಡ್ ಆರೆನ್ ಲೆತ್ತ್ ಗುರ್ಕಾರೆ ಮಲ್ತ್ಂಡ್
೧೯೮೧ ದ್ದು ೧೯೮೬ ಮುಟ್ಟ ಮಧ್ಯ ಪ್ರದೇಶ ಡು ಜನ ಮೆಚ್ಚುನ ಕಜ್ಜ ಬೆಂದ್ ನ ಕಾರೆಂತೆರ್ ಕರ್ನಾಟಕ ಗು ಬರ್ಪೆರ್. ಆ ಕಾಲೊಡು ಮಧ್ಯ ಪ್ರದೇಶ ಪೋಲಿಸ್ ದಕುಲು ವಿಭಾ ಮಿಶ್ರ ಪನ್ಪುನ ಪೊಣ್ಣನ ಮಿತ್ತ್ ಅಮಲ್ಡ್ ಇಪ್ಪುನಗ ಕಾರೆಂತೆರ್ ಚಿಮಿನಣಿದ ಎಣ್ಣೆ ಮೈತ್ಡ್ ಸೂ ಪಡಿನ ಅಪಾದನೆ ಮಲ್ತ್ದ್ ಇಪ್ಪುವೆರ್. ಆಂಡ ವಿಭಾ ಗುಣೊ ಆದ್ ಬತ್ತ್ದ್ ಕಾರಂತೆರ್ ತಪ್ಪು ಮಲ್ಟಿಯಿಜೆರ್ ಪನ್ಪೆರ್. ಆರ್ ಅರೋಪ ದ್ ಬುಡುಗಡೆ ಅಪೆರ್. ಪೊನಂಜೊವುಲು ಹೋರಟ ಮಲ್ತ್ದ್ ಆರ್ ಭೋಪಾಲ್ ಬುಡುಪ್ಪುಲೆಕ ಮಲ್ತೆರ್.
೧೯೮೯ ಡು ಕರ್ನಾಟಕ ಸರಕಾರ ಮೈಸೂರು ಡು ರಂಗಾಯಣ ನ್ ಕಟ್ಯೆರೆ ಕಾರೆಂತೆರೆನ್ ಲೆಪ್ಪುವೆರ್. ೧೯೯೫ ಮುಟ್ಟ ಅಯಿತ ಗುರ್ಕಾರೆ ಆದ್ ಇಪ್ಪುವೆರ್. ಆ ಕಾಲೊಗು ಆರೆಗ್ ಅರ್ಬುದ ರೋಗ ಉಂಡು ಪಂಡ್ದ್ ಗೊತ್ತಾಂಡ್ . ಆರ್ ಸೆಪ್ಟಂಬರ್ ೨೦೦೨ ನೇ ಇಸವಿ ೧ನೇ ತಾರೀಕ್ದಾನಿ ಬೆಂಗಳೂರುಡು ದೇವೆರೆ ಪಾದ ಸೇರುವೆರ್.
ಆರ್ ಸ್ವಪ್ನ ವಾಸವದತ್ತ, ಉತ್ತರರಾಮ ಚರಿತ, ಮ್ರಿಚ್ಚಕಟಿಕ ಪನ್ಪುನ ಸಂಸ್ಕ್ರುತ ಬೂಕುಲೆನ್ನ್ ಹಿಂದಿಗ್ ಭಾಷಾಂತ್ತೊರ ಮಲ್ತೆರ್. ಆರ್ ನನಾತ್ ನಾಟೊಕೊಲುನೆನ್ ಹಿಂದಿದ್ ಕನ್ನಡೊಗು, ಅಂಚನೆ ಕನ್ನೋಡುದ್ದ್ ಹಿಂದಿಗ್ ಭಾಷಾಂತ್ತೊರೊ ಮಲ್ತೆರ್. ಗಿರೀಶ್ ಕಾರ್ನಾಡೆರ್ನ್ ತುಘ್ಹಲಕ್ ನಾಟಕ ಭಾಷಾಂತ್ತೊರ ಅರೆಗ್ ಮಲ್ಲ ಪುದರ್ ಕೊಂರ್ಡು.
ಕಾರೆಂತೆರ್ ನಾಟಕ ರಂಗೋಗು ೧೦೬೦-೭೦ದ ಕಾಲಗಟ್ಟೊಡು ಬತ್ತೆರ್. ಆರ್ ಬತ್ತ್ ಬೊಕ್ಕ ಮೂಲು ಮಲ್ಲ ಮಟ್ಟದ ಬದಲಾವಣೆ ಆಂಡ್. ಅರ್ ನಿರ್ದೇಶನ ಮಲಿನ್ತ ಜೋಕುಮಾರ ಸ್ವಾಮಿ, ಸಂಕ್ರಾಂತಿ, ಹುಚ್ಚು ಕುದುರೆ, ಒಡಿಪಸ್ ನಾಟಕೊಲು ಆ ಕಾಲೊಡ್ ಬಾರಿ ಪುದರ್ ಮಲ್ತ್ಂಡ್. ಈ ನಾಟೊಕೊಲು ಬಾಸೆ, ಸಂಗೀತ, ಪದ , ಶೈಲಿಡ್ ಪನ್ಪುನ ಮಾತಾ ಕಾರೋಣುಡುಲಾ ಪುದರ್ ಪಡೆಯ.
ನಾಟೊಕೊಡು ಸಂಗೀತದ ಪೊಸ ನಮೂನೆದ ಪ್ರಯೋಗ ನಾಟಕ ರಂಗೋಗು ಅರ್ರ್ನ ಮಲ್ಲ ಕಾಣಿಕೆ. ಆರ್ ಶಾಸ್ತ್ರ್ರಿಯ, ಸಾಂಪ್ರದಾಯಿಕ ಬೊಕ್ಕ ಜಾನಪದ ನಾಟ್ಯೊಲೆನ್ ನಾಟೊಕೊಗು ಗಳಸುನ ಪೊರ್ಲು ಆರೆಗ್ ಮಲ್ಲ ಪುದರ್ ಕೊರುಂಡು.
೨೦೧೦ ನೇ ಇಸವಿಡ್ ಡೆಲ್ಲಿಡ್ ನ್ಯಾಶನಲ್ ಸ್ಕೂಲ್ ಅಫ಼್ ಡ್ರಾಮ ಡ್ ನಡತಿನ ೧೨ನೇ ಭಾರತ ರಂಗ ಮಹೋತ್ಸವ , ವರ್ಸೊದ ರಂಗ ಪರ್ಬೊಡು ಬಿ.ವಿ.ಕಾರೆಂತೆರ್ ನ ಬೊಕ್ಕ ಹಬೀಬ್ ತನ್ವಿರ್ ನ ಜೀವನೊದ ಬಗ್ಗೆ ಪ್ರದ್ರರ್ಶನ ಮಲ್ದ್ ಇತ್ತೆರ್.
ಜ್ಞಾನಪೀಠ ಪ್ರಶಸ್ತಿ ಪಡೆಯಿನ ನಿರ್ಮಲ ವರ್ಮ ಒರ ಕಾರೆಂತೆರೆನ್ ನಾಟೊಕ ರಂಗೊಡು ಈ ದೇಶದ ಮಲ್ಲ ಬಿರ್ಸೆ ಪಂದ್ ಪನ್ತೆರ್.
ಕಾರಂತೆರ್ ನೂದೆದ್ದ್ ಮಿತ್ತ್ ನಾಟಕ ನಿರ್ದೇಶನ ಮಲ್ತೆರ್. ಅಯಿಟ್ ಅರೆವಾಸಿ ಕನ್ನಡೊ, ಬಾಕಿ ಹೆಚ್ಚಿನವು ಹಿಂದಿ. ಅಂಚನೆ ಇಂಗ್ಲಿಶ್, ತೆಲುಗು, ತಮಿಳ್, ಪಂಜಾಬಿ, ಉರ್ದು, ಸಂಸ್ಕೃತ , ಬೊಕ್ಕ ಗುಜರಾತಿ ಬಾಸೆಲೆಡ್ಲಾ ಮಲ್ತೆರ್. ಹಯವದನ (ಗಿರೀಶ ಕಾರ್ನಾಡ್), ಕಟ್ಟಳೆ ಬೆಳಕು, ಹುಚ್ಚು ಕುದುರೆ, ಎವಮ್ ಇಂದ್ರಜಿತು, ಒಡಿಪಸ್, ಸಂಕ್ರಾಂತಿ, ಜೋಕುಮಾರ ಸ್ವಾಮಿ, ಸತ್ತವರ ನೆರಳು, ಹುತ್ತವ ಬಡಿದರೆ, ಬೊಕ್ಕ ಗೋಕುಲ ನಿರ್ಗಮನ ಆರ್ನ ಪುದರ್ತೆದ ನಾಟೊಕೊಲು. ಮೆಕ್ಬೆತ್ ನಾಟಕೊನು ಯಕ್ಶಗಾನೊದ ನಾಟ್ಯೆಡು ಮಲ್ತೆರ್. ಕಿಂಗ್ ಲಿಯರ್, ಚಂದ್ರಹಾಸ, ಹಯವದನ, ಘಾಸೀರಾಮ್ ಕೊತ್ವಲ್, ಮೃಚ್ಛ ಕಟಿಕಾ, ಮುದ್ರಾರಾಕ್ಷಸ , ಬೊಕ್ಕ ಮಳವೀಕಾಗ್ನಿ ಮಿತ್ರ ಪನ್ಪುನ ನಾಟೊಕೊಲು ಪುದರ್ ಪಡೆಯಿನವು. ಕಾರೆಂತೆರ್ ಜೋಕುಲೆನ ನಾಟಕೊಲಾ ನಿರ್ದೇಶನ ಮಲ್ತೆರ್. ಪಂಜರ ಶಾಲೆ, ನೀಲಿ ಕುದುರೆ, ಹೆಡ್ದಾಯನ ಅಳಿಲು ರಾಮಾಯಣ, ಬೊಕ್ಕ ಗ್ರೆಟ್ಫ಼ುಲ್ ಮಾನ್.
.
೧೯೭೪ ಟ್ ಬೆಂಗಳೂರುಡ್ ಬೆನಕ ಪನ್ಪುನ ನಾಟಕ ಶಾಲೆ ಸುರು ಮಲ್ತೆರ್. ಬೆನಕ ಪಂಡ ಬೆಂಗಳೂರು ನಗರ ಕಲಾವಿದರು ಇಂದೆತ ಎಲ್ಯ ರೂಪ. ಬೆನಕದಕುಲು ಗೊಬ್ಬುನ ಹಯವದನ ನಾಟಕ ಇಡೀ ಕರ್ನಾಟಕೊಡು ಬೊಕ್ಕ ಕಡಲ್ದ ಆ ಬರಿಟ್ಲಾ ಬಾರಿ ಪುದರ್ ಪಡೆಂಡ್ . ಬೆನಕಡ್ ಕಾರಂತೆರ್ ಜೋಕುಲೆನ್ ಸೆರ್ಸಾದ್ ನಾಟಕ ಮಲ್ತೆರ್, ನಾಟಕ ನಿರ್ದೇಶನ ಮಲ್ತೆರ್. ಇಂದೆನ್ ಕಾರಂತೆರೆನ ಬುಡೆದಿ ಪ್ರೇಮಾ ಕಾರಂತೆರ್ ತೂವೊಂದು ಇತ್ತೆರ್. ಆರ್ ೨೯-೧೦-೨೦೦೭ ಟ್ ತೀರ್ದ್ ಪೋಯೆರ್.
ಕಾರೆಂತೆರ್ ಮದ್ಯಪ್ರದೇಶದ ರಂಗಭೂಮಿನ್ ಸರು ಮಲ್ತೆರ್. ನ್ಯಾಶನಲ್ ಸ್ಕೂಲ್ ಅಫ಼್ ಡ್ರಾಮಾದ ನಿರ್ದೇಶಕೆ ಆದ್, ಬೋಪಾಲ್ ದ ಭಾರತ್ ಭವನೊದ ಲೆಪ್ಪುದ ಮಿತ್ತ್, ಆರ್ ನಾಟಕ ತರಭೇತಿ ಶಿಬಿರೊನು ಮಲ್ತೆರ್. ೧೯೭೩ ಟ್ ನಾಟಕ ತಯಾರ್ ಮಲ್ತೆರ್. ೧೯೮೦ಡು ರಂಗಮಂಡಲೊನು ಕಟ್ಟಿಯೆರೆ ಭಾರ ತ ಭವನೊಗು ಬತ್ತೆರ್. ಉಂದು ಆ ರಾಜ್ಯದ ಸುರುತ ನಾಟಕ ಶಾಲೆ ಅಯಿಕ್ ಕಾರೆಂತೆರ್ ಸ್ಪೂರ್ತಿ.
ರಂಗ ಮಂಡೊಲೊಡು ಜಾನಪದ ಕಲಾವಿದೆರ್ ನಟನೆ ಮಲ್ಪುನ ಬೇತೆ ಕಲಾವಿದೆರೆಗ್ ತರಬೇತಿ ಕೊರಿಯೆರೆ ಸುರು ಮಲ್ತೆರ್. ಜಾನಪದ ಕಲಾವಿದೆರ್ ಪಾತ್ರಲಾ ಮನ್ತೆರ್. ಹಿಂದಿ ಅತ್ತಾಂದೆ ಬುಂದೆಳ್ ಕಂಡಿ, ಮಾಳವಿ, ಬೊಕ್ಕ ಚತ್ತಿಸ್ಗರ್ ಬಾಸೆದ ನಾಟೊಕೊಲೆನ್ ಬಾರೀ ಜನ ತೂಯೆರ್.
ಅಲರಿಯಪ್ಪುನು ನ್ಯಾಶನಲ್ ಸ್ಕೂಲ್ ಅಫ಼್ ಡ್ರಾಮ ಗು ಸೇರ್ಸಾದ್ ಕಾರಂತೆರ್ ತೆಲುಗುಗು ಮೂಜಿ ಮಾಮಲ್ಲ ನಾಟಕೊಲೆನ್ ಕೊರಿಯೆರ್. ಸುರಭಿ ನಾಟೊಕದಕ್ಲೆನೆ ಒಟ್ಟುಗು ಸೇರ್ದ್ ೧೯೯೬ ಟ್ ಭೀಷ್ಮ , ೧೯೯೭ ಟ್ ಚಾಂಡಿಪ್ರಿಯ, ಬೊಕ್ಕ ಬಸ್ತಿದೆವತ ಯಾದಮ್ಮ ಪನ್ಪುನ ಮೂಜಿ ತರಬೇತಿ ಶಿಬಿರ ಮಲ್ತೆರ್. ಕಾರಂತೆರ್ ಹಳ್ಳಿ ಹಳ್ಳಗ್ ಪೋದು ನಾಟಕೊನು ಬುಳೆಪಾಯೆರ್.
ಕಾರೆಂತೆರ್ ನಾಲ್ ಸಿನಿಮಾನ್ ನಿರ್ದೇಶನ ಮಲ್ತೆರ್ ಬೊಕ್ಕ ನಾಲ್ ಸಾಕ್ಸ್ಯಚಿತ್ರ ಮಲ್ತೆರ್. ೨೬ ಸಿನಿಮಾಗು ಸಂಗೀತ ಕೊರಿಯೆರ್. ಗಿರಿಶ್ ಕಾರ್ನಾಡ್ ರೆನ ಒಟ್ಟುಗು ಸಹನಿ ರ್ದೇಶಕೆ ಆದ್ ವಂಶ ವೃಕ್ಪ , ತಬ್ಬಲಿ ನೀನಾದೆ ಮಗನೆ ಸಿನಿಮಾ ಮಲ್ತೆರ್.
In 2012, Films Division produced a 93-minute film on BV Karanth called BV Karanth:Baba. The film bases itself on BV Karanth's autobiography in Kannada called Illiralaare, Allige Hogalaare (I can't stay here, I won't go there) compiled by well known Kannada writer Vaidehi.