కాసవ్, 2016 అక్టోబరు 6న విడుదలైన మరాఠీ సినిమా. సుమిత్రా భావే-సునీల్ సుఖ్తంకర్[1] దర్శకత్వం వహించిన ఈ సినిమాలో ఇరావతి హర్షే, అలోక్ రాజ్వాడే, మోహన్ అగాషే తదితరులు నటించారు. విచిత్ర నిర్మతి బ్యానరులో భావే-సుఖ్తంకర్ సహకారంతో మోహన్ అగాషే ఈ సినిమాను నిర్మించాడు.[2] ఈ సినిమా 64వ భాతర జాతీయ చలనచిత్ర పురస్కారాలలో జాతీయ ఉత్తమ చిత్రంగా పురస్కారాన్ని గెలుచుకుంది. ఈ విభాగంలో గెలిచిన ఐదవ మరాఠీ చిత్రమిది.[3]
64వ భాతర జాతీయ చలనచిత్ర పురస్కారాలలో జాతీయ ఉత్తమ చిత్రంగా గోల్డెన్ లోటస్ అవార్డు ( స్వర్ణ కమలం)ను గెలుచుకుంది.
ముంబై చలన చిత్రోత్సవం (2016), కోల్కతా అంతర్జాతీయ చలన చిత్రోత్సవం (2016), కేరళ అంతర్జాతీయ చలన చిత్రోత్సవం (2016), బెంగళూరు అంతర్జాతీయ చలన చిత్రోత్సవం (2017), న్యూయార్క్ ఇండియన్ చలన చిత్రోత్సవం (2017) వంటి వివిధ అంతర్జాతీయ చలన చిత్రోత్సవాలలో ఈ సినిమా ప్రదర్శించబడింది. చైనాలో జరిగిన బ్రిక్స్ చలన చిత్రోత్సవం -2017లో అలోక్ రాజ్వాడే ఉత్తమ నటుడు అవార్డును గెలుచుకున్నాడు.[4]