| వ్యక్తిగత సమాచారం | ||||||||||||||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| పూర్తి పేరు | బందుల వర్ణపుర | |||||||||||||||||||||||||||||||||||||||||||||||||||||||||||||||||
| పుట్టిన తేదీ | 1 March 1953 రంబుక్కన, శ్రీలంక | |||||||||||||||||||||||||||||||||||||||||||||||||||||||||||||||||
| మరణించిన తేదీ | 2021 అక్టోబరు 18 (వయసు 68) కొలంబో, శ్రీలంక | |||||||||||||||||||||||||||||||||||||||||||||||||||||||||||||||||
| బ్యాటింగు | కుడిచేతి వాటం | |||||||||||||||||||||||||||||||||||||||||||||||||||||||||||||||||
| బౌలింగు | కుడిచేతి మీడియం | |||||||||||||||||||||||||||||||||||||||||||||||||||||||||||||||||
| పాత్ర | ఆల్ రౌండర్ | |||||||||||||||||||||||||||||||||||||||||||||||||||||||||||||||||
| బంధువులు |
| |||||||||||||||||||||||||||||||||||||||||||||||||||||||||||||||||
| అంతర్జాతీయ జట్టు సమాచారం | ||||||||||||||||||||||||||||||||||||||||||||||||||||||||||||||||||
| జాతీయ జట్టు |
| |||||||||||||||||||||||||||||||||||||||||||||||||||||||||||||||||
| తొలి టెస్టు (క్యాప్ 10) | 1982 ఫిబ్రవరి 17 - ఇంగ్లాండ్ తో | |||||||||||||||||||||||||||||||||||||||||||||||||||||||||||||||||
| చివరి టెస్టు | 1982 సెప్టెంబరు 17 - ఇండియా తో | |||||||||||||||||||||||||||||||||||||||||||||||||||||||||||||||||
| తొలి వన్డే (క్యాప్ 11) | 1975 జూన్ 7 - వెస్టిండీస్ తో | |||||||||||||||||||||||||||||||||||||||||||||||||||||||||||||||||
| చివరి వన్డే | 1982 సెప్టెంబరు 26 - ఇండియా తో | |||||||||||||||||||||||||||||||||||||||||||||||||||||||||||||||||
| దేశీయ జట్టు సమాచారం | ||||||||||||||||||||||||||||||||||||||||||||||||||||||||||||||||||
| Years | Team | |||||||||||||||||||||||||||||||||||||||||||||||||||||||||||||||||
| 1990–1991 | Bloomfield | |||||||||||||||||||||||||||||||||||||||||||||||||||||||||||||||||
| కెరీర్ గణాంకాలు | ||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||
మూలం: Cricinfo, 2009 జనవరి 31 | ||||||||||||||||||||||||||||||||||||||||||||||||||||||||||||||||||
బందుల వర్ణపుర (1953, మార్చి 1 - 2021, అక్టోబరు 18) శ్రీలంక క్రికెట్ ఆటగాడు, శ్రీలంక క్రికెట్ జట్టు మాజీ కెప్టెన్. 1975 నుండి 1982 వరకు తన అంతర్జాతీయ క్రికెట్ కెరీర్‌లో నాలుగు టెస్ట్ మ్యాచ్‌లు, పన్నెండు వన్డే ఇంటర్నేషనల్స్ వన్డే ఆడాడు.[1] కుడిచేతి ఓపెనింగ్ బ్యాట్స్‌మన్, కుడిచేతి మీడియం పేస్ బౌలర్ గా రాణించాడు.[2]
శ్రీలంక మొదటి టెస్ట్ మ్యాచ్‌కు వర్ణపుర కెప్టెన్‌గా వ్యవహరించాడు. మొదటి బంతిని ఎదుర్కొని తన జట్టుకు మొదటి పరుగు చేశాడు.[3] శ్రీలంకతో జరిగిన తొలి టెస్టు మ్యాచ్‌లో శ్రీలంక తరఫున రెండో ఇన్నింగ్స్‌లో బౌలింగ్‌ను ప్రారంభించి, బ్యాటింగ్‌ను ప్రారంభించిన అరుదైన ఘనతను, ఖ్యాతిని పొందాడు.[4]
ఇతను ఆడిన అన్ని టెస్టుల్లోనూ శ్రీలంకకు కెప్టెన్‌గా వ్యవహరించాడు. కానీ, ఒక్క మ్యాచ్ లో కూడా తన జట్టును గెలిపించలేకపోయాడు. ఇతను కెప్టెన్సీ వహించిన తొలి వన్డే మ్యాచ్‌లో శ్రీలంక విజయం సాధించింది. వన్డే క్రికెట్‌లో ఒక అర్ధ సెంచరీ సాధించాడు.
బందుల వర్ణపుర 1953, మార్చి 1న శ్రీలంకలోని రంబుక్కనలో జన్మించాడు.[5] ఇతను శ్రీలంక జాతీయ క్రికెట్ జట్టుకు ఆడిన మలిందా వర్ణపుర మేనల్లుడు.[6] కొలంబోలోని నలంద కళాశాలలో చదివాడు.[7] 1971లో నలంద కాలేజ్ కొలంబో మొదటి XI క్రికెట్ జట్టుకు కెప్టెన్‌గా ఉన్నాడు. వర్ణపుర ఐసీసీ మ్యాచ్ రిఫరీగా, అంపైర్‌గా పనిచేశాడు. సర్టిఫైడ్ క్రికెట్ కోచ్‌గా కూడా ఉన్నాడు. 1994లో డైరెక్టర్ ఆఫ్ కోచింగ్‌గా నియమించబడటానికి ముందు శ్రీలంక జాతీయ క్రికెట్ జట్టుకు కోచ్‌గా పనిచేశాడు. 2001లో శ్రీలంక క్రికెట్ ఆపరేషన్స్ డైరెక్టర్ అయ్యాడు.[8] 2008లో రాజీనామా చేశాడు.[9] ఆసియా క్రికెట్ కౌన్సిల్ డెవలప్‌మెంట్ మేనేజర్‌గా ఉన్నాడు.[8] 2001లో రెండు టెస్టులు, మూడు వన్డేలకు కూడా రిఫరీగా వ్యవహరించాడు.[5]
1970లో ఇండియన్ యూనివర్శిటీలపై ఫస్ట్ క్లాస్ క్రికెట్ లోకి అరంగేట్రం చేశాడు. 1973-74 సీజన్‌లో పాకిస్తాన్ అండర్-25స్‌పై 154 పరుగులతో మెరుగ్గా కొట్టినందుకు ఫస్ట్-క్లాస్ స్థాయిలో ప్రాముఖ్యతను పొందాడు.[4]
వర్ణపుర మొదటి శ్రీలంక టెస్ట్ క్రికెట్ క్యాప్,[10] 1982లో ఇంగ్లండ్‌తో జరిగిన మొదటి టెస్ట్ మ్యాచ్‌లో శ్రీలంక జాతీయ క్రికెట్ జట్టుకు నాయకత్వం వహించే అవకాశాన్ని పొందాడు. ఐదు రోజుల మ్యాచ్ 1982 ఫిబ్రవరి 17న పైకియసోతి శరవణముట్టు స్టేడియంలో ప్రారంభమైంది. వర్ణపుర, ఇంగ్లీష్ కెప్టెన్ కీత్ ఫ్లెచర్ ఉదయం టాస్ చేశారు, వర్ణపుర గెలిచింది. అతను మొదట బ్యాటింగ్ ఎంచుకున్నాడు. సిదత్ వెట్టిమునితో కలిసి శ్రీలంకకు బ్యాటింగ్ ప్రారంభించాడు. మ్యాచ్ మొదటి డెలివరీని ఎదుర్కొన్నాడు, మొదటి టెస్ట్ రన్ చేశాడు. అయితే, అతను కేవలం 2 పరుగుల వద్ద ఔట్ అయ్యాడు, బాబ్ విల్లీస్ బౌలింగ్‌లో డేవిడ్ గోవర్‌కి క్యాచ్ ఇచ్చాడు.[3][11] శ్రీలంక తరఫున టెస్ట్ మ్యాచ్‌లో బ్యాటింగ్ చేసిన మొదటి ఆటగాడు అతను బ్యాటింగ్ చేసిన 35 నిమిషాల్లో 25 బంతులు ఎదుర్కొన్నాడు. శ్రీలంక రెండో ఇన్నింగ్స్‌లో, వర్ణపుర 155 బంతుల్లో 38 పరుగులు చేశాడు - ఆ ఇన్నింగ్స్‌లో రెండో అత్యధిక స్కోరు. ఇంగ్లాండ్ మ్యాచ్ గెలిచింది,[12] వర్ణపుర 38 అతని అత్యధిక టెస్ట్ వ్యక్తిగత స్కోరుగా మిగిలిపోయింది.[13]
వర్ణపుర 11వ శ్రీలంక వన్డే క్రికెట్ క్యాప్.[14] 1975, జూన్ 7న వెస్టిండీస్‌తో వన్డే అంతర్జాతీయ క్రికెట్ లోకి అరంగేట్రం చేశాడు. 1975 క్రికెట్ ప్రపంచ కప్ మ్యాచ్‌లో అది శ్రీలంక మొదటి వన్డే. ఆ మ్యాచ్‌లో అతను 8 పరుగులకే ఔటయ్యాడు, శ్రీలంక ఓడిపోయింది.[15] 54 బంతుల్లో 8 పరుగులు చేసి వన్డేలో అరంగేట్రం చేసాడు, వన్డేలో బౌండరీ సాధించిన మొదటి శ్రీలంక బ్యాట్స్‌మెన్‌గా నిలిచాడు అలాగే ప్రపంచ కప్ మ్యాచ్‌లో శ్రీలంక తరపున ఒక బ్యాట్స్‌మెన్ సాధించిన మొదటి బౌండరీగా నిలిచాడు.[16]
విరమణ తరువాత ఇతను శ్రీలంక జట్టుకు కోచ్‌గా పనిచేశాడు. నలంద కళాశాలలో మహేల జయవర్ధనేకు శిక్షణ ఇచ్చాడు. రస్సెల్ ఆర్నాల్డ్ కు అండర్-19 జాతీయ కోచ్‌గా కూడా ఉన్నాడు. నిషేధం ముగిసిన తర్వాత 1991లో బ్లూమ్‌ఫీల్డ్ క్లబ్‌లో నిర్వాహకుడు అయ్యాడు. 1982లో శ్రీలంక దక్షిణాఫ్రికా పర్యటనలో భాగంగా పనిచేశాడు.[17]
మధుమేహం సమస్య కారణంగా 2021 అక్టోబరులో ఆసుపత్రిలో చేరాడు. ఆ సమయంలో వైద్యులు ఇతని ఎడమ కాలును తొలగించారు.[18][19] కొలంబోలోని ఒక ప్రైవేట్ ఆసుపత్రిలో చికిత్స పొందుతూ 2021, అక్టోబరు 18న మరణించాడు.[20][21]