అల్లెగ్రా హ్యూస్టన్ | |
|---|---|
| జననం | 1964 ఆగస్టు 26 లండన్, ఇంగ్లాండ్ |
| వృత్తి | రచయిత్రి, సంపాదకురాలు |
| జాతీయత | బ్రిటీష్ అమెరికన్ |
| కాల వ్యవధి | 2009–ప్రస్తుతం |
| పిల్లలు | 1 |
| తల్లి,దడ్రులు | ఎన్రికా సోమ (తల్లి) జాన్ హ్యూస్టన్ (పెంపుడు తండ్రి) జాన్ జూలియస్ కూపర్ (కన్నతండ్రి) |
| బంధువులు |
|
అల్లెగ్రా హ్యూస్టన్ బ్రిటిష్-అమెరికన్ రచయిత్రి, సంపాదకురాలు. లవ్ చైల్డ్: ఎ మెమోయిర్ ఆఫ్ ఫ్యామిలీ లాస్ట్ అండ్ ఫౌండ్, ఎ స్టోలెన్ సమ్మర్, హౌ టు ఎడిట్ అండ్ బి ఎడిట్, హౌ టు రీడ్ వంటి నవలలు రాసింది. స్క్రీన్ ప్లే రచయితగా గుడ్ లక్, మిస్టర్ గోర్స్కీ అనే లఘుచిత్రాన్ని కూడా నిర్మించింది.[1]
అల్లెగ్రా హ్యూస్టన్ 1964, ఆగస్టు 26న లండన్ నగరంలో జన్మించింది. తల్లి బాలేరినా ఎన్రికా సోమ, తండ్రి జాన్ జూలియస్ కూపర్.[2] తన నాలుగు సంవత్సరాల వయస్సులో కారు ప్రమాదంలో తల్లి మరణించింది. తరువాత ఐర్లాండ్‌కు వెళ్ళింది. అక్కడ తన తల్లి విడిపోయిన భర్త, సినీ దర్శకుడు జాన్ హ్యూస్టన్ దగ్గర పెరిగింది.[2] హ్యూస్టన్ కు సవతి తోబుట్టువులు నటి-దర్శకురాలు అంజెలికా హ్యూస్టన్, రచయిత టోనీ హ్యూస్టన్, రచయిత ఆర్టెమిస్ కూపర్, జాసన్ కూపర్ ఉన్నారు.
ఆక్స్‌ఫర్డ్‌లోని హెర్ట్‌ఫోర్డ్ కళాశాల నుండి ఆంగ్లంలో పట్టా పొందిన తరువాత, పుస్తక ప్రచురణను ప్రారంభించింది. ప్రారంభంలో చాటో &విండస్‌, తరువాత వీడెన్‌ఫెల్డ్ & నికోల్సన్‌, 1990 నుండి 1994 వరకు సంపాదకీయ డైరెక్టర్‌గా ఉన్నది. లండన్‌లోని పాథే ఫిల్మ్స్‌లో అక్విజిషన్ అండ్ డెవలప్‌మెంట్ కన్సల్టెంట్‌గా రెండేళ్ళపాటు పనిచేసింది.