ఉజిగామి (Ujigami ) "కుల దైవం /దైవత్వం /ఆత్మ " ) జపాన్లోని షింటో మతానికి చెందిన, ఒక నిర్దిష్ట ప్రదేశాన్ని సంరక్షించే దేవుడు లేదా ఆత్మ. ఉజిగామిని , అనారోగ్యం నుండి రక్షణ కోసం, ప్రయత్నాలలో విజయానికి, మంచి పంటల కోసం, ఇలా అనేక సహాయలు కోరుతూ ప్రార్థిస్తారు. [1]
ఉజిగామిని ఎనిమిదవ శతాబ్దం నుండి మాత్రమే విశ్వసించడం ప్రారంభమైంది. [2]
ఉజిగామి అనే పదాన్ని దాని ప్రస్తుత రూపంలో, అనేక ఇతర రకాల షింటో దేవతలను వివరించడానికి ఉపయోగిస్తున్నారు. వాస్తవానికి, ఉజిగామి అనే పదం కుటుంబ దేవుడి సూచనగా వాడుకలో ఉంది. [3] మొదట, తాత్కాలిక బలిపీఠాల వద్ద ఈ దేవతల పూజలు ప్రారంభం అయినట్టు నమ్ముతారు. [3] హీయన్ కాలం తరువాత, జపనీస్ మేనరికల్ వ్యవస్థ ప్రారంభమైంది. ప్రభువులు, యోధులు, దేవాలయాలకు వారి స్వంత భూములు చేకూరాయి. కుటుంబ ఆధారిత సమాజం వాడుక నుంచి తప్పుకోవడంతో ఉజిగామిపై నమ్మకం సన్నగిల్లింది. దీనికి మారుగా, మానర్ల ప్రభువులు తమ భూముల రక్షణకి దేవతలను ప్రార్థించడం ప్రారంభించారు. ఈ సంరక్షక దేవతలను చింజు (chinju) లని పిలిచే వారు. మురోమాచి కాలంలో మేనోరియల్ వ్యవస్థ క్షీణించడం ప్రారంభించడంతోఉజిగామితో పాటు సంరక్షక దేవతలను దేవాలయాలలో ప్రతిష్టించారు. తాము పుట్టిన భూమికి దేవుడు ఉబుసునగామి (ubusunagami). కాలక్రమేణా, ఉబుసునగామి, చింజు వారి సంఘానికి హృదయ దేవతలుగా మారారు, క్రమంగా వారే ఉజిగామిగా పూజలందుకున్నారు. [4]
ఉజిగామిని పూజించే వ్యక్తిని ఉజికో అని వ్యవహరిస్తారు. [3]
1.హెర్న్, లఫ్కాడియో (1913). జపాన్, వివరణ కోసం ఒక ప్రయత్నం. మాక్మిలన్.
2. కంస్ట్రా, J. H. (1967). ఎన్కౌంటర్ లేదా సింక్రెటిజం. జపనీస్ బౌద్ధమతం యొక్క ప్రారంభ పెరుగుదల.
3. హాల్, జాన్ విట్నీ (1991). ది కేంబ్రిడ్జ్ హిస్టరీ ఆఫ్ జపాన్: ఎర్లీ మోడరన్ జపాన్. కేంబ్రిడ్జ్ యూనివర్సిటీ ప్రెస్. ISBN 0-521-22355-5.
4. టీయువెన్, మార్క్; బ్రీన్, జాన్; ఇనౌ, నోబుటకా; ఇటా, సతోషి (2003). షింటో, ఒక చిన్న చరిత్ర. సైకాలజీ ప్రెస్. ISBN 0-415-31179-9.