ఉమా ఆనంద్ | |
|---|---|
| జననం | 1923 లాహోర్, బ్రిటిష్ ఇండియా |
| మరణం | 2009 నవంబరు 13 (వయసు 85–86) |
| జాతీయత | భారతీయురాలు |
| వృత్తి | జర్నలిస్ట్, నటి, టెలివిజన్ ప్రెజెంటర్ |
| జీవిత భాగస్వామి | చేతన్ ఆనంద్ (దర్శకుడు)
(m. 1943; died 1997) |
| పిల్లలు | 2; కేతన్ ఆనంద్, వివేక్ ఆనంద్ |
ఉమా ఆనంద్ (1923 - 2009 నవంబరు 13) ఒక భారతీయ పాత్రికేయురాలు, నటి, 1900లలో టెలివిజన్ ప్రసారకర్తగా గుర్తింపు తెచ్చుకుంది.
ఆమె 1923లో బ్రిటిష్ ఇండియాలోని పంజాబ్‌లోని లాహోర్‌లో బెంగాలీ క్రైస్తవ కుటుంబంలో జన్మించింది. ఆమె సోదరీమణులలో ఒకరైన ఇందు మిత, పాకిస్థాన్‌లో ఉన్న భరతనాట్యం నిష్ణాతురాలు.
ఉమా బాలీవుడ్ చిత్ర దర్శకుడు చేతన్ ఆనంద్ ని 1943లో వివాహం చేసుకుంది.[1] వీరికి ఇద్దకు కుమారులు కేతన్ ఆనంద్, వివేక్ ఆనంద్. ఆమె నీచా నగర్ (1946)లో నటిగా చేసింది. ఆమె తన భర్త చేతన్, ఆమె బావమరిది విజయ్ ఆనంద్‌తో కలిసి టాక్సీ డ్రైవర్‌ (1954)కి కథ రాసింది,[2][3]
తన భర్త నుండి విడిపోయిన తరువాత, ఆమె ఇబ్రహీం అల్కాజీకి తోడుగా మారింది.[4]
1965 నుండి 1981 వరకు, ఆనంద్ సంగీత నాటక అకాడమీ ప్రచురించిన సంగీత నాటక పత్రికకు సంపాదకులుగా వ్యవహరించింది. ఆమె నేషనల్ బుక్ ట్రస్ట్ ఆఫ్ ఇండియా ద్వారా వివిధ భారతీయ భాషలలో అనువదించబడిన, ప్రచురించబడిన అనేక పిల్లల పుస్తకాలను కూడా రాసింది.[5] ఆమె చివరి పుస్తకం, చేతన్ ఆనంద్: ది పొయెటిక్స్ ఆఫ్ ఫిల్మ్, ఆమె పెద్ద కుమారుడు కేతన్ ఆనంద్‌తో కలిసి రచించబడింది.[6] ఇది 1940లు, 1950ల ప్రారంభంలో భారతదేశంలోని ముంబైలో థియేటర్, సినిమా జీవితాన్ని చిత్రీకరించింది.
ఆమె 2009 నవంబరు 13న మరణించింది.[7]