| గోపి గోపిక గోదావరి | |
|---|---|
| దర్శకత్వం | వంశీ |
| స్క్రీన్ ప్లే | వంశీ |
| నిర్మాత | వల్లూరుపల్లి రమేష్ |
| తారాగణం | వేణు, కమలినీ ముఖర్జీ, జీవా, కృష్ణ భగవాన్, జయలలిత, కొండవలస లక్ష్మణరావు |
| ఛాయాగ్రహణం | లోకి పి. గౌడ్ |
| కూర్పు | పైడిరెడ్డి |
| సంగీతం | చక్రి |
నిర్మాణ సంస్థ | |
విడుదల తేదీ | జూలై 10, 2009 |
సినిమా నిడివి | 162 ని |
| భాష | తెలుగు |
గోపి గోపిక గోదావరి వంశీ దర్శకత్వంలో 2009 లో విడుదలైన ఒక సినిమా.[1] ఇందులో వేణు, కమలినీ ముఖర్జీ ప్రధాన పాత్రలు పోషించారు. ఈ సినిమాకు వల్లూరుపల్లి రమేష్ నిర్మాతగా వ్యవహరించగా, మహర్షి సినిమా పతాకంపై విడుదలైంది.[2] చక్రి సంగీతం అందించాడు.
గోపిక గోదావరి నది మీద పడవలో ఒక ఆసుపత్రి నడుపుతూ పేదలకు వైద్య సహాయం అందిస్తూ ఉంటుంది. ఆమె సేవకు అడ్డు వస్తుందని పెళ్ళిని వాయిదా వేయడానికైనా వెనుకాడని నిబద్ధత కలిగినది. హైదరాబాదులో ఉన్న ఆమె స్నేహితురాలు ఆత్మహత్య చేసుకుంటుంది. ఆ బాధ నుంచి బయటపడటం కోసం గోపి అనే గాయకుడితో ఫోన్ లో మాట్లాడుతూ ఉంటుంది. కానీ గోపిక సంచార వైద్యశాలలో వాళ్ళిద్దరూ కలుసుకునే సమయానికి గోపికి పూర్వజ్ఞాపకాలు మరిచిపోతాడు. ప్రభు అనే పేరుతో ఆమెతో పరిచయం అవుతుంది. ఈలోపు గోపికని శ్యాం ప్రసాద్ అనే వ్యక్తి పెళ్ళి చేసుకోవాలనుకుంటాడు. గోపి ఇక తిరిగిరాడని అతన్ని పెళ్ళి చేసుకోమని ప్రభునే సలహా ఇస్తాడు. మళ్ళీ విచిత్రమైన పరిస్థితిలో గోపికి పూర్వస్మృతి వస్తుంది. అప్పుడు వాళ్ళిద్దరూ ఎలా ఒక్కటయ్యారన్నది మిగతా కథ.
ఈ సినిమాకు చక్రి సంగీతం అందించాడు.
1:గో గో రే రే రచన: రామజోగయ్య శాస్త్రి , గానం.చక్రి , వంశీ
2: సుందరి , రచన: రామజోగయ్య శాస్త్రి , గానం.వేణు, మధుమిత
3:నువక్కడుంటే , రచన: రామజోగయ్య శాస్త్రి , గానం. చక్రి,కౌసల్య
4: బాల గోదావరి , రచన: రామజోగయ్య శాస్త్రి,గానం. కార్తీక్, కౌసల్య , వంశీ
5: మావిడాకు, రచన: రామజోగయ్య శాస్త్రి, గానం. వాసు, గీతా మాధురి