జమైకా (ఆంగ్లం: Jamaica) ఉత్తర అమెరికాలోని ఒక ద్వీప దేశం. ఇక్కడ హిందూమతం మైనారిటీ మతం. ప్రధానంగా ఇండో-జమైకన్లు హిందూమతాన్ని అనుసరిస్తారు. 2011 జనాభా లెక్కల ప్రకారం, జమైకా జనాభాలో 0.07% మంది హిందూమతస్థులు ఉన్నారు.
2001 జనాభా లెక్కల ప్రకారం జమైకాలో 1453 మంది హిందువులు ఉన్నారు.[1] ఇది 2011 జనాభా లెక్కల్లో 1836కి పెరిగింది.[2]
| సంవత్సరం | శాతం | జనాభా |
|---|---|---|
| 2001 | 0.06% | 1453 |
| 2010 | 0.07% | 1836 |
సనాతన హిందూ దేవాలయం జమైకా ప్రభుత్వం గుర్తించిన ఏకైక హిందూ దేవాలయం. దీనిని 1970ల మధ్యలో పండిట్ మునేశ్వర్ మరాగ్ నిర్మించారు. నేడు ఈ ప్రార్థనా స్థలంలో అన్ని ప్రధాన పండుగలు జరుపుకుంటారు.[3][4]
జమైకా హిందువుల ప్రధాన సమస్య పూజారుల కొరత. 2017లో, జమైకాలోని ఏకైక హిందూ పూజారి ఐన నాథన్ పండిట్ అంతుతెలియని స్థితిలో హత్య చేయబడ్డాడు.[5] ప్రస్తుతం, జమైకాలో ఇద్దరు హిందూ పూజారులు ఉన్నారు, పండిత రామదర్ మరాగ్, కొత్తగా నియమితులైన పండిత లోచన్ నాథన్-శర్మ.