తీస్రీ కసమ్ | |
---|---|
దర్శకత్వం | బసు భట్టాచార్య |
స్క్రీన్ ప్లే | నాబెందు ఘోష్ ఫనిశ్వర్నాథ్ రేణు (మాటలు) |
దీనిపై ఆధారితం | ఫనిశ్వర్నాథ్ రేణు రాసిన మరే గయే గుల్ఫామ్ అనే కథ |
నిర్మాత | శైలేంద్ర |
తారాగణం | రాజ్ కపూర్ వహీదా రెహమాన్ |
ఛాయాగ్రహణం | సుబ్రతా మిత్రా |
కూర్పు | జి.జి. మాయేకర్ |
సంగీతం | శంకర్ జైకిషన్ శైలేంద్ర హస్రత్ జైపురి (పాటలు) |
నిర్మాణ సంస్థ | ఇమేజ్ మేకర్స్ |
విడుదల తేదీ | 1966 |
సినిమా నిడివి | 159 నిముషాలు |
దేశం | భారతదేశం |
భాష | హిందీ |
తీస్రీ కసమ్, 1966లో విడుదలైన హిందీ సినిమా. గేయ రచయిత శైలేంద్ర నిర్మించిన ఈ సినిమాకు బసు భట్టాచార్య దర్శకత్వం వహించాడు. హిందీ నవలా రచయిత ఫనిశ్వర్నాథ్ రేణు రాసిన మరే గయే గుల్ఫామ్ అనే చిన్న కథ ఆధారంగా రూపొందించబడిన ఈ సినిమాలో రాజ్ కపూర్, వహీదా రెహమాన్ జంటగా నటించారు.[1] శంకర్-జైకిషన్ సంగీతం సమకూర్చగా, సుబ్రతా మిత్రా సినిమాటోగ్రఫీ, ఫనిశ్వర్నాథ్ రేణు సంభాషణలు, నబేండు ఘోష్ స్క్రీన్ ప్లే అందించారు.[2]
భారతీయ గ్రామీణ నేపథ్యంలోని సమాజాన్ని చూపించిన సినిమా ఇది. ఎద్దుల బండి నడిపే అమాయక హిరామన్, నౌతంకి కి చెందిన నర్తకి హిరాబాయితో ప్రేమలో పడిన కథ ఇది. జానపద కళల ప్రదర్శనల సందర్భంగా మహిళలను దోపిడీ చేసే సంఘటనల గురించి ఈ సినిమా వివరిస్తుంది.[3] బాక్సాఫీస్ వద్ద ఈ సినిమా విజయవంతం కానప్పటికి, 14వ జాతీయ చలన చిత్ర అవార్డులలో ఉత్తమ చలన చిత్రంగా జాతీయ పురస్కారాన్ని గెలుచుకుంది.
ఈ సినిమా పూర్తవడానికి చాలా ఏళ్ళు పట్టింది. అరారియా జిల్లాలోని ఔరాహి హింగ్నా, భోపాల్ సమీపంలోని బినా అనే పట్టణంలో ఈ సినిమాలోని చాలాభాగం చిత్రీకరణ జరిగింది.[4][5] పోవై సరస్సు సమీపంలో, ముంబైలోని మోహన్ స్టూడియోలో కొన్ని సన్నివేశాలు చిత్రీకరించబడ్డాయి.[6][7] సత్యజిత్ రే తొలి సినిమాలకు ఛాయాగ్రాహకుడు సుబ్రతా మిత్రా మర్చంట్ ఐవరీ సినిమాలు చేయడానికి కొంతకాలం ముంబైకి వెళ్ళాడు.[8][9] నాటకరంగ నటుడు ఎకె హంగల్, ఇప్టా నాటకసంస్థలో సన్నిహితుడైన శైలేందర్ కోరిక మేరకు హిరామన్ అన్నయ్య పాత్రను పోషించడానికి అంగీకరించాడు. సినిమా పొడవును తగ్గించడానికి చివరి ఎడిటింగ్లో అతని పాత్ర చాలా వరకు తగ్గించబడింది.[7]
సంవత్సరం | అవార్డు | విభాగం | గ్రహీత | ఫలితం |
---|---|---|---|---|
1967 | భారత జాతీయ చలనచిత్ర పురస్కారాలు | ఉత్తమ చలన చిత్రం | శైలేంద్ర, బసు భట్టాచార్య | గెలుపు |
ఫిలింఫేర్ అవార్డులు | ఉత్తమ గీత రచయిత | శైలేంద్ర | ప్రతిపాదించబడింది | |
మాస్కో అంతర్జాతీయ చలన చిత్రోత్సవం | గ్రాండ్ ప్రిక్స్ | బసు భట్టాచార్య | ప్రతిపాదించబడింది | |
బెంగాల్ ఫిల్మ్ జర్నలిస్ట్స్ అసోసియేషన్ అవార్డులు (హిందీ) | ఉత్తమ దర్శకుడు | గెలుపు | ||
ఉత్తమ నటుడు | రాజ్ కపూర్ | గెలుపు | ||
ఉత్తమ నటి | వహీదా రెహమాన్ | గెలుపు |