తెలంగాణ ప్రజా ఫ్రంట్ | |
|---|---|
| స్థాపన తేదీ | 2010 అక్టోబరు 9 |
| ప్రధాన కార్యాలయం | హైదరాబాదు, తెలంగాణ, భారతదేశం |
| రాజకీయ విధానం | వేర్పాటువాదం, కులాల స్థాయి పెంపుదల |
తెలంగాణ ప్రజా ఫ్రంట్ (TPF) అనేది దక్షిణ భారత రాష్ట్రమైన ఆంధ్రప్రదేశ్‌లో ఒక ప్రాంతీయ రాజకీయ ఉద్యమం. అప్పట్లో ఆంధ్రప్రదేశ్‌లో భాగమైన తెలంగాణ ప్రాంతానికి రాష్ట్ర హోదా కల్పించాలని డిమాండ్ చేస్తూ తెలంగాణ వేర్పాటువాద సంస్థగా ఏర్పడింది.
టి.పి.ఎఫ్ 2010 అక్టోబరు 9న గద్దర్ అధ్యక్షుడిగా ప్రారంభించబడింది. ఇది రాజకీయ పార్టీ కాదని, గత నెలల్లో కొంతమేరకు అస్తవ్యస్తంగా మారిన వివిధ కార్యాచరణ కమిటీలను ఏకం చేయడానికి ఒక గొడుగుగా ఉండాలనే ఉద్దేశ్యంతో ప్రారంభించబడినదని అతను చెప్పారు. అయితే, భవిష్యత్తులో ఏదో ఒక సమయంలో ఎన్నికలలో పోటీ చేసే అవకాశాన్ని అతను తోసిపుచ్చలేదు. అయితే కొంతమంది టిపిఎఫ్ మద్దతుదారులలో ఉన్న ఎక్కువ మంది విద్యార్థులు వాస్తవానికి అది పార్టీగా మారితే ఉపసంహరించుకుంటామని చెప్పారు. [1] ప్రత్యేక తెలంగాణ రాష్ట్రానికి సంబంధించిన బిల్లును పార్లమెంటులో ప్రవేశపెట్టడం పునాది లక్ష్యం. ప్రజా ఉద్యమాలు, ఆందోళనల ద్వారానే కొత్త రాష్ట్ర ఏర్పాటు సాధ్యమని గద్దర్ అన్నారు. [2]
ఎన్నికల మార్గాల ద్వారా ప్రత్యేక రాష్ట్రాన్ని సాధించలేమని ఇప్పటికీ పట్టుబట్టి గద్దర్ 2012 మే లో అధ్యక్ష పదవికి రాజీనామా చేశాడు. [3] అతని స్థానంలో ఆకుల భూమయ్య ను నియమించాడు. ఆకుల భూమయ్య 25 డిసెంబర్ 2013న బషీర్‌బాగ్ లో జరిగిన ‘ప్రజాస్వామిక తెలంగాణ’ పుస్తకావిష్కరణ కార్యక్రమంలో పాల్గొన్ని ఇంటికి చేరుకునే సమయంలో రాత్రి హైదరాబాద్‌ నల్లకుంట, విద్యానగర్ దగ్గర జరిగిన రోడ్డు ప్రమాదంలో మరణించాడు.[4][5][6]