పరకాల
| ?పరకాల తెలంగాణ • భారతదేశం | |
 | |
| అక్షాంశరేఖాంశాలు: 18°10′10″N 79°42′18″E / 18.1695624°N 79.7049291°E | |
| కాలాంశం | భాప్రాకా (గ్రీ.కా+5:30) |
| విస్తీర్ణం | 16.13 కి.మీ² (6 చ.మై)[1] |
| జిల్లా (లు) | వరంగల్ జిల్లా |
| అధికార భాష | తెలుగు |
| పురపాలక సంఘం | పరకాల పురపాలక సంఘము |
పరకాల, తెలంగాణ రాష్ట్రం, హనుమకొండ జిల్లా, పరకాల మండలానికి చెందిన గ్రామం.[2]
ఇది సమీప పట్టణమైన వరంగల్ నుండి 35 కి. మీ. దూరంలో ఉంది. 2016 అక్టోబరు 11 న చేసిన తెలంగాణ జిల్లాల పునర్వ్యవస్థీకరణకు ముందు ఈ గ్రామం పాత వరంగల్ జిల్లాలో, ఇదే మండలంలో ఉండేది. పునర్వ్యవస్థీకరణలో దీన్ని కొత్తగా ఏర్పాటు చేసిన వరంగల్ గ్రామీణ జిల్లా లోకి చేర్చారు. [3][4] ఆ తరువాత 2021 లో, వరంగల్ పట్టణ జిల్లా స్థానంలో హనుమకొండ జిల్లాను ఏర్పాటు చేసినపుడు ఈ గ్రామం, మండలంతో పాటు కొత్త జిల్లాలో భాగమైంది.[4]
తెలంగాణా విమోచనోద్యమంలో
[మార్చు]1947 సెప్టెంబరు 2న ఈ గ్రామంలో జలియన్ వాలా బాగ్ దుర్ఘటనను తలపించే సంఘటన జరిగింది. భారత యూనియన్ లో హైదరాబాదు సంస్థానం విలీనం చేయాలని విమోచనోద్యమకారులు ఆందోళనకు దిగారు. సెప్టెంబరు 2, 1947న పరకాల పట్టణ సమీపంలో ఉన్న పైడిపల్లి తాల్ల నుంచి విమోచనోద్యమకారులు భారత జాతీయ జెండా ఎగురవేయడానికి పరకాలకు వస్తున్నారు. రజాకార్లు ఈ విషయం పసిగట్టి నిజాంచే విమోచనొద్యకారులు జాతీయజెండాను ఎగువరవేయకుండా అడ్డుకోమని ఆదేశం జారీచేయించారు. కాశీంరజ్వీ నేతృత్వంలోని రజాకార్లు విమోచనోద్యమకారులను ఊచకోత కోశారు. పరకాల చాపలబండ వద్ద గుమిగూడిన విమోచనోద్యమకారులపై దాడిచేశారు. కత్తులు, బల్లాలు, బరిశెలతో మారణకాండ కొనసాగించగా 13 మంది ఉద్యమకారులు అక్కడికక్కడే దారుణమరణం చెందారు. మరో ఆరుగురు ఆసుపత్రిలో మృతిచెందారు. మరో ముగురిని రంగాపూర్ గామంలో చేటుకు కటేసి దారుణంగా గొడలి, బడిసెలతో, తుఫాకులతో కాల్చి చంపారు. 200 మందికి పైగా ఉద్యమకారులు తీవ్రంగా గాయపడ్డారు వరంగల్ జిల్లా జలియన్ వాలా బాగ్ గా ఈ సంఘటన ప్రాచుర్యం పొందింది. 2003 సెప్టెంబరు 17న విమోచనోద్యమ దినం నాడు అప్పటి కేంద్రమంత్రి, భారతీయ జనతా పార్టీ నాయకుడు సి.హెచ్.విద్యాసాగర్ రావు తన తల్లి చెన్నమ్మ పేరిట పరకాలలో అమరధామం పేరిట ఒక స్మారకాన్ని నిర్మించినాడు.
గణాంక వివరాలు
[మార్చు]2011 భారత జనగణన గణాంకాల ప్రకారం ఈ గ్రామం 5018 ఇళ్లతో, 20257 జనాభాతో 1379 హెక్టార్లలో విస్తరించి ఉంది. గ్రామంలో మగవారి సంఖ్య 10304, ఆడవారి సంఖ్య 9953. షెడ్యూల్డ్ కులాల సంఖ్య 5555 కాగా షెడ్యూల్డ్ తెగల సంఖ్య 274. గ్రామం యొక్క జనగణన లొకేషన్ కోడ్ 577769[5].పిన్ కోడ్: 506164.
విద్యా సౌకర్యాలు
[మార్చు]గ్రామంలో 10ప్రైవేటు బాలబడులు ఉన్నాయి. ప్రభుత్వ ప్రాథమిక పాఠశాలలు 8, ప్రైవేటు ప్రాథమిక పాఠశాలలు 14, ప్రభుత్వ ప్రాథమికోన్నత పాఠశాలలు 8, ప్రైవేటు ప్రాథమికోన్నత పాఠశాలలు 14, ప్రభుత్వ మాధ్యమిక పాఠశాలలు నాలుగు, ప్రైవేటు మాధ్యమిక పాఠశాలలు 11 ఉన్నాయి. 2 ప్రభుత్వ జూనియర్ కళాశాలలు, 5 ప్రైవేటు జూనియర్ కళాశాలలు ఒక ప్రభుత్వ ఆర్ట్స్ / సైన్స్ డిగ్రీ కళాశాల, 3 ప్రైవేటు ఆర్ట్స్ / సైన్స్ డిగ్రీ కళాశాలలు ఉన్నాయి. ఒక ప్రభుత్వ పాలీటెక్నిక్ ఉంది. ఒక ప్రభుత్వ వృత్తి విద్యా శిక్షణ పాఠశాలఉంది. ఒక ప్రైవేటు అనియత విద్యా కేంద్రం ఉంది. ఒక ప్రైవేటు దివ్యాంగుల ప్రత్యేక పాఠశాల ఉంది.సమీప ఇంజనీరింగ్ కళాశాల వరంగల్లో ఉంది. సమీప వైద్య కళాశాల, మేనేజిమెంటు కళాశాల వరంగల్లోను, ఉన్నాయి.
వైద్య సౌకర్యం
[మార్చు]ప్రభుత్వ వైద్య సౌకర్యం
[మార్చు]పరకాలలో ఉన్న ఒక సామాజిక ఆరోగ్య కేంద్రంలో ఆరుగురు డాక్టర్లు, 15 మంది పారామెడికల్ సిబ్బందీ ఉన్నారు. ఒకప్రాథమిక ఆరోగ్య కేంద్రంలో ఒక డాక్టరు, నలుగురు పారామెడికల్ సిబ్బందీ ఉన్నారు. ఒక ప్రాథమిక ఆరోగ్య ఉప కేంద్రంలో డాక్టర్లు లేరు. ఇద్దరు పారామెడికల్ సిబ్బంది ఉన్నారు. ఒక అలోపతి ఆసుపత్రిలో ఒక డాక్టరు, ఇద్దరు పారామెడికల్ సిబ్బందీ ఉన్నారు. ఒక ప్రత్యామ్నాయ ఔషధ ఆసుపత్రిలో ఒక డాక్టరు, ఇద్దరు పారామెడికల్ సిబ్బందీ ఉన్నారు. ఒక డిస్పెన్సరీలో ఒక డాక్టరు, ఇద్దరు పారామెడికల్ సిబ్బందీ ఉన్నారు. ఒక పశు వైద్యశాలలో ఒక డాక్టరు, ఒకరు పారామెడికల్ సిబ్బందీ ఉన్నారు.సంచార వైద్య శాల గ్రామం నుండి 5 కి.మీ. లోపు దూరంలో ఉంది. మాతా శిశు సంరక్షణ కేంద్రం, టి. బి వైద్యశాల గ్రామం నుండి 10 కి.మీ. కంటే ఎక్కువ దూరంలో ఉన్నాయి. కుటుంబ సంక్షేమ కేంద్రం గ్రామం నుండి 10 కి.మీ. కంటే ఎక్కువ దూరంలో ఉంది.
ప్రైవేటు వైద్య సౌకర్యం
[మార్చు]గ్రామంలో29 ప్రైవేటు వైద్య సౌకర్యాలున్నాయి. ఎమ్బీబీయెస్ డాక్టర్లు 10 మంది, ఎమ్బీబీయెస్ కాకుండా ఇతర డిగ్రీ చదివిన డాక్టర్లు 9 మంది, డిగ్రీ లేని డాక్టర్లు 8 మంది, నలుగురు నాటు వైద్యులు ఉన్నారు. 20 మందుల దుకాణాలు ఉన్నాయి.
తాగు నీరు
[మార్చు]గ్రామంలో కుళాయిల ద్వారా రక్షిత మంచినీటి సరఫరా జరుగుతోంది. బావుల నీరు కూడా అందుబాటులో ఉంది. గ్రామంలో చేతిపంపుల ద్వారా నీరు అందుతుంది. బోరుబావుల ద్వారా కూడా నీరు అందుతుంది.
పారిశుధ్యం
[మార్చు]గ్రామంలో భూగర్భ మురుగునీటి వ్యవస్థ ఉంది. మురుగునీరు బహిరంగ కాలువల ద్వారా కూడా ప్రవహిస్తుంది. మురుగునీరు బహిరంగంగా, కచ్చా కాలువల ద్వారా కూడా ప్రవహిస్తుంది. మురుగునీటిని నేరుగా జలవనరుల్లోకి వదులుతున్నారు. గ్రామంలో సంపూర్ణ పారిశుధ్య పథకం అమలవుతోంది. సామాజిక మరుగుదొడ్డి సౌకర్యం లేదు. ఇంటింటికీ తిరిగి వ్యర్థాలను సేకరించే వ్యవస్థ లేదు. సామాజిక బయోగ్యాస్ ఉత్పాదక వ్యవస్థ లేదు. చెత్తను వీధుల పక్కనే పారబోస్తారు.
సమాచార, రవాణా సౌకర్యాలు
[మార్చు]పరకాలలో పోస్టాఫీసు సౌకర్యం ఉంది. సబ్ పోస్టాఫీసు సౌకర్యం గ్రామానికి 5 నుండి 10 కి.మీ. దూరంలో ఉంది. పోస్ట్ అండ్ టెలిగ్రాఫ్ ఆఫీసు గ్రామం నుండి 10 కి.మీ.కి పైబడిన దూరంలో ఉంది. లాండ్ లైన్ టెలిఫోన్, పబ్లిక్ ఫోన్ ఆఫీసు, మొబైల్ ఫోన్, ఇంటర్నెట్ కెఫె / సామాన్య సేవా కేంద్రం, ప్రైవేటు కొరియర్ మొదలైన సౌకర్యాలు ఉన్నాయి.
గ్రామానికి సమీప ప్రాంతాల నుండి ప్రభుత్వ రవాణా సంస్థ బస్సులు తిరుగుతున్నాయి. సమీప గ్రామాల నుండి ఆటో సౌకర్యం కూడా ఉంది. వ్యవసాయం కొరకు వాడేందుకు గ్రామంలో ట్రాక్టర్లున్నాయి. ప్రైవేటు బస్సు సౌకర్యం, రైల్వే స్టేషన్ మొదలైనవి గ్రామం నుండి 10 కి.మీ.కి పైబడిన దూరంలో ఉన్నాయి.
రాష్ట్ర రహదారి, ప్రధాన జిల్లా రహదారి, జిల్లా రహదారి గ్రామం గుండా పోతున్నాయి. జాతీయ రహదారి గ్రామం నుండి 10 కి.మీ.కి పైబడిన దూరంలో ఉంది. గ్రామంలో తారు రోడ్లు, కంకర రోడ్లు, మట్టిరోడ్లూ ఉన్నాయి.
పరకాలలో బస్సు డిపో ఉంది. ఈ డిపో ముఖ్యముగా గోదావరిఖనికి ఎక్కువ సర్వీసులు కలిగి ఉంది.ఇది రెవెన్యూ డివిజన్ కేంద్ర స్థానమైనా రైలుస్టేషన్ లేదు. 30 కి.మీ. దూరంలో వరంగల్లో, 25 కి.మీ. దూరంలో ఉప్పల్ (కరీంనగర్ జిల్లా) గ్రామంలో ఉన్నాయి.
మార్కెటింగు, బ్యాంకింగు
[మార్చు]గ్రామంలో ఏటీఎమ్, వాణిజ్య బ్యాంకు, సహకార బ్యాంకు, వ్యవసాయ పరపతి సంఘం ఉన్నాయి. గ్రామంలో స్వయం సహాయక బృందం, పౌర సరఫరాల కేంద్రం, వారం వారం సంత, వ్యవసాయ మార్కెటింగ్ సొసైటీ ఉన్నాయి.
ఆరోగ్యం, పోషణ, వినోద సౌకర్యాలు
[మార్చు]గ్రామంలో సమీకృత బాలల అభివృద్ధి పథకం, అంగన్ వాడీ కేంద్రం, ఇతర పోషకాహార కేంద్రాలు, ఆశా కార్యకర్త ఉన్నాయి. గ్రామంలో సినిమా హాలు, గ్రంథాలయం, పబ్లిక్ రీడింగ్ రూం ఉన్నాయి. గ్రామంలో వార్తాపత్రిక పంపిణీ జరుగుతుంది. అసెంబ్లీ పోలింగ్ కేంద్రం, జనన మరణాల నమోదు కార్యాలయం ఉన్నాయి. ఆటల మైదానం గ్రామం నుండి 10 కి.మీ.కి పైబడిన దూరంలో ఉంది.
విద్యుత్తు
[మార్చు]గ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 7 గంటల పాటు వ్యవసాయానికి, 9 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు.
గ్రామంలో జన్మించిన ప్రముఖులు
[మార్చు]
- దాస్యం వినయ్‌భాస్కర్‌ :1964, నవంబరు 22 న పరకాలలో జన్మించాడు.2014,2018 లలో తెలంగాణ రాష్ట్ర సమితి పార్టీ అభ్యర్థిగా పశ్చిమ వరంగల్ శాసనసభ నియోజకవర్గం నుండి ఎమ్మెల్యేగా గెలుపొందాడు. 2019, సెప్టెంబరు 7న ప్రభుత్వ చీఫ్‌విప్‌గా నియమితులయ్యాడు.[6]
భూమి వినియోగం
[మార్చు]పరకాలలో భూ వినియోగం కింది విధంగా ఉంది:
- వ్యవసాయేతర వినియోగంలో ఉన్న భూమి: 465 హెక్టార్లు
- వ్యవసాయం సాగని, బంజరు భూమి: 11 హెక్టార్లు
- శాశ్వత పచ్చిక ప్రాంతాలు, ఇతర మేత భూమి: 13 హెక్టార్లు
- వ్యవసాయం చేయదగ్గ బంజరు భూమి: 20 హెక్టార్లు
- సాగులో లేని భూముల్లో బీడు భూములు కానివి: 40 హెక్టార్లు
- బంజరు భూమి: 313 హెక్టార్లు
- నికరంగా విత్తిన భూమి: 514 హెక్టార్లు
- నీటి సౌకర్యం లేని భూమి: 399 హెక్టార్లు
- వివిధ వనరుల నుండి సాగునీరు లభిస్తున్న భూమి: 468 హెక్టార్లు
నీటిపారుదల సౌకర్యాలు
[మార్చు]పరకాలలో వ్యవసాయానికి నీటి సరఫరా కింది వనరుల ద్వారా జరుగుతోంది.
- కాలువలు: 200 హెక్టార్లు* బావులు/బోరు బావులు: 268 హెక్టార్లు
ఉత్పత్తి
[మార్చు]పరకాలలో ఈ కింది వస్తువులు ఉత్పత్తి అవుతున్నాయి.
ప్రధాన పంటలు
[మార్చు]పారిశ్రామిక ఉత్పత్తులు
[మార్చు]బీడీలు, వ్యవసాయ పనిముట్లు, బంగారు నగలు
గ్రామంలోని దేవాలయాలు
[మార్చు]పరకాల బస్టాండు కూడలిలో శ్రీకుంకుమేశ్వరస్వామివారి పురాతన దేవాలయము ఉంది
గ్రామ ప్రముఖులు
[మార్చు]- మెండు శ్రీనివాస్: సీనియర్ జర్నలిస్టు[7]
ప్రభుత్వం, రాజకీయాలు
[మార్చు]పౌర పరిపాలన
శాసనసభ నియోజకవర్గం
- పూర్తి వ్యాసం పరకాల శాసనసభ నియోజకవర్గంలో చూడండి.
అభివృద్ధి పనులు
[మార్చు]- 2023, అక్టోబరు 9: ఈ పట్టణంలో మిషన్‌ భగీరథలో భాగంగా 38 కోట్లతో ఏర్పాటుచేసిన నాలుగు ఓహెచ్‌ఎస్సార్‌ ట్యాంక్‌లు, 79 కిలోమీటర్ల మేర ఇంటర్నల్‌ పైప్‌ లైన్‌ను, 4.8 కోట్లతో నిర్మించిన నూతన మున్సిపాలిటీ భవనం, 2.15 కోట్లతో నిర్మించిన తహసీల్దార్‌ కార్యాలయ భవనం, 2.8 కోట్లతో నిర్మించిన ఆర్డీవో కార్యాలయాన్ని రాష్ట్ర ఐటీ, పురపాలక, ప‌ట్ట‌ణాభివృద్ధి శాఖామంత్రి కల్వకుంట్ల తారక రామారావు ప్రారంభించడంతోపాటు,[8] 21.5 కోట్లతో చలివాగుపై నిర్మించనున్న చెక్‌డ్యాం, 2 కోట్లతో నిర్మించనున్న ధోబీఘాట్‌, 13 కోట్లతో నిర్మించనున్న ప్రభుత్వ డిగ్రీ కళాశాల నూతన భవనం, 1.4 కోట్లతో నిర్మించనున్న ప్రైమరీ హెల్త్‌ సెంటర్‌, 29 కోట్లతో పరకాల నుంచి దామెర వరకు డబుల్‌రోడ్డు విస్తరణ పనులకు శంకుస్థాపనలు చేశాడు.[9]
మూలాలు
[మార్చు]- ↑ "Urban Local Body Information" (PDF). Directorate of Town and Country Planning. Government of Telangana. Archived from the original (PDF) on 15 జూన్ 2016. Retrieved 28 June 2016.
- ↑ తెలంగాణ ప్రభుత్వ ఉత్తర్వు సంఖ్య GO Ms No 232 Revenue (DA-CMRF) Department, Dated: 11-10-2016
- ↑ "వరంగల్ గ్రామీణ జిల్లా" (PDF). తెలంగాణ గనుల శాఖ. Archived (PDF) from the original on 2022-01-06. Retrieved 2021-01-06.
- ↑ 4.0 4.1 G.O.Ms.No. 74, Revenue (DA-CMRF) Department, Dated: 12-08-2021.
- ↑ "Office of the Registrar General & Census Commissioner, India - Village amenities of 2011".
- ↑ ఈనాడు, ప్రధానాంశాలు (8 September 2019). "బోడకుంటి, వినయ్‌కి కేబినెట్‌ హోదా - Warangal%2520Urban". www.eenadu.net (in ఇంగ్లీష్). Archived from the original on 8 September 2019. Retrieved 8 September 2019.
- ↑ "సీనియర్ జర్నలిస్టు మెండు శ్రీనివాస్ హఠాన్మరణం". www.andhrajyothy.com (in ఇంగ్లీష్). 2022-06-05. Archived from the original on 2022-06-05. Retrieved 2022-06-05.
- ↑ Velugu, V6 (2023-10-09). "కేసీఆర్ లక్కీ నెంబర్ 6.. పోలింగ్, కౌంటింగ్ కలిపితే ఆరు..: కేటీఆర్ జ్యోతిష్యం". V6 Velugu. Archived from the original on 2023-10-09. Retrieved 2023-10-09.
{{cite web}}: CS1 maint: numeric names: authors list (link) - ↑ telugu, NT News (2023-10-09). "ప్రగతి పండుగకు సర్వం సిద్ధం". www.ntnews.com. Archived from the original on 2023-10-09. Retrieved 2023-10-09.